التصنيف: المطبخ الجزائري

مساء الخيرات عليكم لبنات هذا اول موضوع ليا
حبيت ندير هاذ الصفحة باش نديرو فيها الوصفات ليحطوهم الأخوات في ماذا ستطبخين اليوم باش ميتبحروش مع الصفحات

ساعات يحطو وصفات هايلين بصح منلقاوهمش

ان شاء الله هاد الصفحة نلمو فيها كامل الوصفات ويسهل لأي وحدة البحث عليهم
وأي وحدة فيكم تلقى وصفة تحطها بلاك أنا منشوفهاش ولا تفوتني لان الموضوع نتاعنا كامل مشي غير نتاعي

قلب اللوز من عند شهرة. :روز ساندي تفضلو
لكيلة عبرت بالكاس ..6 كيلات سميد خشين +3 كيلات سكر+كيلة لبن(ماشي حليب)+كيلة زيت+1/2 باكي خمارة تع قاطو+قرصة مليح +1/2 كاس تاي ماء الزهر ..تخلطي كلشي ماعدا الماء الزهر وتحكيهم غير بصباعتيك ماتعجنيش ممبعد تبداي ترشي ماء الزهر خليها ترتاح 20 دقيقة ممبعد فرشيها في سنيوة تكون مدهونة بالزبدة وماتضغطيش عليها غير فرشيها برك ..بالظهر تع المغرفة سقمي السطح بدون ضغط ممبعد اعملي خطوط بالموس غير من الفوق وخليها تريح 20 دقيقة ممبعد طيبيها 180 درجة هيا خداتلي ساعة سواسوا ..فالاول تشعلي من التحت غير تشوفي الجوانب حمارو طفي واشعلي من الفوق وغير تخرج من الفور اسقيها بالشاربات بارد وغطيها بسنيوة اخرى لكن خليلها فتحة ورجعيها للفور طافي وخليها 6 سوايع انا والله قبل 6 سوايع كنت كليت وشبعت ههه …الشاربات فيه 6 كيسان ماء+3كيسان سكر +عصرة قارص كي يداو يغليو احسبي 10د وطفي ثم ضيفي فنجان ماء الزهر

السوب نتاع angel.dz. بالنسبة للمقادير
حطي صدر جاج ولاكرع كيما تحبي مع زوج بصلات و كثري الثوم وديري فلفل اكحل وملح وزيت وخليهم يثقلاو
كي يثقلاو قطعي الجريوات {اربعة يكفيو } مانعرف كيفاش تسموهم قطع صغيرة وقليهم وكي يبداو يذبالو طفي عليهم ،لجاج اللي استخدمتيه عبيه وفتفتيه يعني قصيه قطع صغيرة بيديك
وارحي الخليط الباقي وحطيلهم الفرماج مي كثري خاطر هو الاساس تاع لاسوب وتحبي تحطي القشدة ثاني

طريقة طياب اللوبية للاخت سماح
ذرك نقولك على طريقة للوبيا باه اطيبلك بلا كوكوت
غلي الماء حتى يتقالب ماء فقط وحطي فيه اللوبيا وقيسي بالساعة تاع لكوزنيار كيفي 10دقايق وفي هاذ الاثناء

ديري قدر اخر فيه ماء ثاني لوحدو يغلي وكي تصوني الساعة راح تفيقي كيفي قطريها ولوحيها في الماء الثاني اللي يكون غالي ونقصيلها وخليها تغلي مدة 2ساعة واتفقديها مرة على مرة وكل ماتشوفيها نقص منها الماء زديلها الماء الغالي
داويها ولوحيلها وخليها تغلي حتى يطيبو الدواوات وفي الاخير زديلها طماطم العلب والفلفل
وبالهناء والشفاء

مشكورة علي الموضوع
كنت عاوزة اعرف طريقة طبخ كفتة الجمبرى؟؟؟
ومشكورة كتير

كايك كوثر الوهرانية
راهي ساهلة يا ريمواااا ضربي ستة بيضات فاني و كاس و نص سكر ضربيهم مليح بالباتور حتى يتضاعف الحجم ضيفي نص كاس زيت ضربي مليح ثم نص كاس حليب و ضربي وحدة طخميرة الحلوى ثم زوج كيسان و نص فرينة ضربيهم مليح نحي شويا من الخليط ضيفي له زوج ملاعق كاكاو و خلطي مليح دهني مول فرغي فيه لخليط الابيض ثم ديري دوائر بالخليط لبني ثم براس موص اجيبي ن وصط لدائرة الى حافة المول مثل شبكة العنكبوت ثم دخليها الفرن يكون مسخن مسبقا و خليها تطيب هدي هي الكيكة انشاء الله تفهميني

برانية ام ندوش
في طنجرة الضغط تحطي حبة بصل مقطعة مكعبات شوية زبدة وزيت ملح وفلفل اكحل واحدة جومبو دجاج اختيارية وطبعا تنقصي من الملح تقليها مليح وتمرقي حتان يطيب الداند
الزيتون تغليه مع شرائح الليمون وتصفيه وتضيفيه للصوص تاع الداند
البطاطا تقليها وتلوحيها ثاني في الطنجرة لمدة 5 دقائق على نار هادئة وتطفي عليها
تقديميها مع شرائح الليمون والمعدنوس تجي هايلة خير من الروطي
وساعات ندير الدجاج في بلاصة الداند
خفيفة ومافيهاش ليدام

حوت بطريقة مريم حاسي ربي يحفظها :

الحوت تبلتو مليح ملح فلفل اسود زنجبيل مطحون كمون جوزة الطيب و شوية زيت الزيتون.

و زدت فيه البصل و الطماطم و الثوم ولميتهم في ورق الالمنيوم و عملتهم يتفورو احنا نقولو يتبخرو اي في الكسكاس يخي فهمتيني

ad:
ميخدوش وقت كبير نخدمها لاب زوجي علاخاطر مريض بالسكري
تصلح الوصفة لامراض السكري و الكلسترول الله يبعدهم علينا
مام تصلح للريجيم

الديسار من عند روعة2017
تفضلي دهبيتوhay

التحلية اخترعتها برك بصح جات هبال خدمت ياؤورت منزلي حطيتو اول طبقة ومباعد ميكسيت تفاحة+بنانة+6 حبات فراز ودرتهم الطبقة 2 +وقطعت بنان وفراز وغطيت بالياؤورت .

الكمونية حمرا من عند ام ندوش
رحيت الثوم 4 او 5 فصوص وقليتهم مع الكبدة مع رشة ملح وفلفل اكحل وفلفل احمر حار وحبة طماطم وم ك طماطم مصبرة ومرقت بكاس ماء وفي نص الطياب رشة كمون وكروية وحولي م ك خل او عصي قارص واللي يحب الهريسة يحط ورشيت عليها المعدنوسمع رشة ملح وفلفل اكحل وفلفل احمر حار وحبة طماطم وم ك طماطم مصبرة ومرقت بكاس ماء وفي نص الطياب رشة كمون وكروية وحولي م ك خل او عصي قارص واللي يحب الهريسة يحط ورشيت عليها المعدنوس

1/ لتطرية اللحم المسلوق ضعي ملعقة خل داخل قدر الطبخ .

2/ لا تقلي البطاطا إلا في زيت حار .

3/عند سلق المكرونة يجب إضافة ملعقة طعام زيت في
ماء السلق حتى لا تلتصق المكرونة .

4/أي شيئى يعجن بخميرة سريعة التخمير إشعلي الفرن
أولا قبل وضع العجبينة لتوضع فيه .

5/ عند سلق البيض يوضع في إناء فإذا نزل إلى القاع
يعني أن البيض سليم وما طاف منه فهو فاسد.

6/ ضعي الثوم قبل تقشيره في ماء دافئ لمدة 5 دقائق

حتى يسهل عليك تقشيره .

7/ لتنضيف الخلاط ضعي فيه قليلا من الماء الساخن
مع إضافة نقطة من مستحضرات التنظيف وشغلي الخلاط
لثواني معدودة فتنظف .

8/ يجب عليك بعد إستعمال زيت القلي ثلاث مرات تغييره .

9/ تجنبي عمل المربى بكميات كبيرة فإن نجاح المربى
بعملها بكميات معتدلة ويكون لونها فاتح أيضا.

بارك الله فيك اخت الماني

الفاكهة والخضراوات يجب أن تكون على القائمة الغذائية لأي فرد لحياة صحية أفضل.فهي تحفظ الذاكرة ,مصدر جيد للألياف وتجعل الجسم عموما في حالة أفضل .ولكن للحصور على أغلب فوائدها يجب حفظها بشكل مناسب الكثيرون يعتقدون أن حفظ جميع الفاكهة والخضراوات في الثلاجة هي افضل طريقة للحفظ,ولكن هذا ليس صحيحا تماما.كما انها تحتاج إلى طرق تغليف معينة لحفظها أطول وقت ممكن. فبعض الفاكهة يمكن حفظها لمدة أطول من الأخرى. على سبيل المثال التفاح يمكن أن يحفظ لثلاثة اسابيع في الثلاجة لمدة اطول من الأناناس الذي لا يحفظ أكثر من أسبوع .الطريقة المناسبة للحفظ تختلف حسب نوع الفاكهة أو الخضراوات. معظم الخضراوات والفاكهة يمكن أن تحتفظ بحالتها الجيدة عند حفظها بالثلاجة .التوت من أكثر الفواكه هشاشة وتتعرض للعفن بسهولة لذلك يجب ألا تحتفظ لمدة طويلة أو احفظها في أواني تسمح بالتهوية. البصل,البطاطس,والثوم من الافضل حفظهما في مكان مظلم وبارد في المطبخ. الكثير من الفاكهة من الأفضل حفظها في درجة حرارة الغرفة حتى نضجها ثم يمكن وضعها في الثلاجة إذا اردت حفظها أكثر من ضمن هذه الفواكه الأفوكادو ,الخوخ, البابايا, المانجو,البطيخ,الكمثرى,والكيوي . الموز يجب أن ينضج في درجة حرارة الغرفة ثم يؤكل ,فقد يتحول لونها إلى الاسود عند تركها أكثر من اللازم ,اذا اردت حفظها اكثر انزع القشرة ثم ضعها في الفريزر حتى تستخدمها في صنع العصير.بشكل عام من الأفضل تناول الفاكهة والخضراوات طازجة فكلما طالت مدة الحفظ تفقد عناصرها الغذائية المفيدة. تغليف الخضراوات والفاكهة وحفظها: -ضع الفاكهة في درجة حرارة الغرفة حتى تنضج قبل وضعها في الثلاجة. – أحضر كيس بلاستيك متوسط الحجم. – اثقب حوالي20 ثقبا في الكيس. -ضع كل نوع فاكهة أو خضراوات في كيس منفصل. – ضع الفاكهة في درج منفصل عن درج الخضراوات. -حاول استخدامهم بعد 5 ايام على الأكثر بشكل عام.ولكن لكل فاكهة مده الحفظ الخاصة بها.

كل يوم معلومة طبية

صح رمضانكم

انا راني معاك نشكرها على مجهودها وانها خممت فينا باه جيبلنا هادي النصائح بارك الله فيك و حفظك ايتها الاخت الكريمة

merci – Recherche Google

ممممممممممممممممم شهيتينا

شكرا على الطريقة

ننتظر جديدك

امونة العفو اخيتي بصح ما قلتيليش الا انت تعملوها والا لا؟؟؟ والا طريقتكم كيفنا او لا؟؟؟
ام رحاب وان شاءا لله تكوني كليتيها وتعلمتي تعمليها والا ما عجبتكش؟؟

نحبها وتعجبني وكليتها في عنابة بالزااااااااااف

مي دوكا ما نقدرش نخاف الرجيم يروحلي هههههههه

يعطيك الف صحة أم أمين

كتبان غزالة ماشاءالله عليك
حنى نقولو لها الرفيسة

السلام عليكم ورحمة الله وبركاته …

أقدم لكم هذا الطبق الذيذ وأتمنى أن ينال استحسانكم ..

أبدأ بحمد الله …

المقادير:-

1- صدر دجاج .

2- صلصلة الصويا – فلفل أسود .

3- خضار (بصل جزر – بزاليا مجمدة – ذرة).

4- التبيلة (فلفل حار – فصين ثوم – كزبرة – ليمون – كمون – كزبرة ناشفة – ملح) .

يقطع صدر الدجاج إلى ثلاث شرائح (وحتى يسهل عليكي تشريحها قطعيها وهي مجمدة) .

تدق شرائح الفيلة بمطرقة البفتيك حتى تصبح رقيقة إلى حد ما .

نطحن مكونات التتبيلة مع بعض ونوزعها بالتساوي على شرائح الدجاج .

نلف كل شريحة جيداً ونترك طرفها إلى الأسفل

نضع الشرائح الثلاث في طاوة غير لاصقة بعد مسحها بقليل من الزيت .

نترك الشرائح دون تحريك ( أي على نار هادئة) حتى يتماسك طرفها من الأسفل ولا يتفكك .

نضع الخضار بعد تحمير الدجاج قليلاً ما عدا الذرة ، ونتركها تتحمر قليلاً ونضع صلصلة الصويا والفلفل الأسود ثم الذرة .

نجهز طبق التقديم ونضع الفيليه والخضار ويزين بالكزبرة الخضراء والليمون .

****************

****************

وردة البصل المقلية

المقادير:-

1- بصلة كبيرة (يستحسن من البصل الأبيض الأمريكي).

2- كأس حليب سائل .

3- كأس دقيق أبيض .

4- ملعقة صغيرة بيكنج بودر .

5- بيضة – ملح – كمون – بابريكا ( البديل فلفل أحمر حار) .

نقطع البصل دون أن نصل إلى جذرها بسكين صغير (أولاً قطيعيها أرباع ثم كل ربع إلى جزئيين أو ثلاثة)

أغلي ماء ثلاثة أرباع القدر وضعي البصلة لمدة دقيقة ثم أخرجيها وضعيها في ماء بارد قليلاً ، ثم أخرجيه وضعيها في طبق على ورق نشاف حتى تجف .

أخفقي البيض والحليب والملح ثم أغمريها بالكامل داخل الخلطة .

ضعيها في الدقيق بعد خلطه بالملح والكمون والبابريكا والبيكنج بودر ، ثم أعيدي العملية مرة أخرى (حتى تتماسك الخلطة داخل البصلة) .

تقلى في زيت ساخن وغزير واسكبي عليها أثناء الغلي من الزيت الحار بلعقة الشوربة لكي تنضج.

وهذا شكلها النهائي والطعم خيال .

هذه صورة لوجبة الغداء كاملة وبالعافية على قلوبكم .

م ن ق ول

شكرا لك أختي

salam alikem jamila el bassala ha 3mal zayaha inchallah youm walah chaklaha ychahi merci

مشكووووووووووووورة على المروووووووور عزيزتي نورت الصفحة بمروورك

شكرا على الوجبة الرائعة

بسم الله الرحمن الرحيم والسلام عليكم

اقدم لكم هذه الوصفة الجميلة اتمنى ان تعجبكم
على بركتي الله نعطيكم المقادير
للعجين:نصف كيلو دقيق لفورص .قليل من خميرة الخبز. ملح ماء دافئ

مقادير الحشوة
بصلة مشلضةـ نصف كيلو صدر دجاج مقطع رقيق أو كفتة ـ 2 فلفلات مقطعين مكعبات صغيرة ـ 2 جزرات محكوكين ـ زيتون أخضر مقطع ـ ملعقة كبيرة قزبور و معدنوس ـ 100 غ فرماج محكوك ـ ملعقة كبيرة طماطم مركزة ـ كأس صغير روز مسلوق أو شعرية الصينية مرطبة ومقطعةـ ؤيت ـ زبدة ـ ضامة البنة ـ ملح ـ سكين جبيرـ التحميرة ـ فلفل أسود ـ شوية دلحرقوم

الطريقة:
نعجنوا لعجينة و ندلكوها مزياااااان ونقطعوها كويرات صغيرة و نخلوهم يرتاحو وفهاد لوقت ندوز نحضرو لحشوة

فمقلاة نديرو لبصلة مع شوية زيت ونخلوهم يتشحرو ونزيدو صدر دجاج مقطع رقيق او كفتة
من بعد نزيدو لجزرـ لفلفلةـ قزبور ومعدنوس ـزيتون ـ تم لعطرية نخلو الكل يطيب تم نزيدو طماطم مركزة و روز مسلوق أو شعرية صينية نزولوها من فوق نار تم نضيف لفرماج محكوك نخلو لكل يبرد ونبدو نعمرو

نطلقو لكورة ديال لعجين وندهنوها بزبدة مدوبة مع شوية ديال زيت تم نضع الحشوة في راس الوقة تم نبداو الطي
ونخليكم مع الصور
لتوضح أكتر

من بعد ماسلينا ندهنوهم بزبدة وندخلوهم لفرن

امممممممممممممممممممم
يشهيو

يعطيك الصحة فكرة ممتازة انشالله انجربها مشكووووووووووورة

وصفة هايلة الف شكر ليك اختي

مشكوورة ختي
يعطيك الصحة

وصفة تشهي يسلمو الايادي

يشهيييييييييييييييييييييييييوو ووووووووووووووو

راني كليت هذي الوصفة من قبل شابة بزاف امممممممممممم يعطيك الصحة

حبيباتي

ربي يكرمكم مرة عند جارني اكلت لحم الحلو وعامله فيه كي شغل قاطو كيما نتاع البابا او ما بعرف ياريت اي وحده تعرفها تفيدني بيها
جزيتم كل خير :o_o:

هاديك سمها سفيرية في اقرب وقت نجيبلك وصفتها

سفيرية خطوة خطوة وبالصور

المقادير:

قطع من اللحم أو دجاج
بصلة
فنجان من الحمص المنقوع في الماء لمدة ليلة
ملعقة زبدة
القليل من الفلفل الاسود و القرفة
خبز فرنسي يابس
قرصة ملح
قرصة فلفل أسود و قرفة
3 بيضات
200غرام جبن

الطريقة:

– ضعي الزبدة مع قطع اللحم على نار هادئة مع اضافة البهارات و الملح و قومي بتحريك الخليط لبضع دقائق ثم اسقيه بحوالي كوب ونصف ماء و بعد ذلك أضيفي الحمص و اتركيهم على نار هادئة حتى ينضج الكل و يبقى القليل من المرق انزعيه من على النار.
– في نفس الوقت قومي بطحن الخبز اليابس حتى يصبح مثل الدقيق ثم صفيه و أضيفي له البهارات و الملح ثم الجبن البيض الواحدة تلو الأخرى (هنا البيض يكون حسب كمية الخبز المستعملة وكذلك بالنسبة للجبن) .
– اخلطي الكل جيدا ثم شكلي منه كريات بحجم حبة الجوزة و اقليهم في زيت ساخن .
– ضعي الكرات في طبق التقديم و اسقيهم بالمرق و زينيهم بقطع اللحم و يقدم .

يسلمو اختي
SIRMA
واشواق بصح هدى الي راكم تتكلمو عليها نحطوها في مرق
بصح انا راني نحوص الي تتحط في لحم الحلو

ياااااااااااااااااابنات عم بنتظر بليز

حبيباتي
ربي يكرمكم مرة عند جارني اكلت لحم الحلو وعامله فيه كي شغل قاطو كيما نتاع البابا او ما بعرف ياريت اي وحده تعرفها تفيدني بيها
جزيتم كل خير :o_o:
السلام عليكم ورحمة الله تعالى وبركاته
هذه تسمى شباح الصفرة و هي خليط من اللوز المرحي و السكر و البيض ثم تقلى في الزيت وعند تحضير طبق لحم الحلو تضاف اليه و ساحاول ان اضع لك الوصفة قريبا.

اليك اختي وصفة شباح الصفرة
4 كيلات لوز مرحي يعني بودرة – 1كيلة سكر ارطب glace – بيض حسب الحاجة – قرفة و قرنفل
نخلط اللوز مع السكرو القرفة و القرنفل و نضيف صفار البيض واحدة تلوى الاخرى حتى نتحصل على عجينة متماسكة و نشكلها حسب الذوق نجمات او قلوب .
ناخذ بياض البيض و نضربه جيدا و لكن ليس كالثلج ثم نغطس الحبة في بياض البيض ثم نقطرها قليلا ثم نضعها في مقلاة فيها زيت ساخن على درجة معتدلة ونقليها عادي حتى ننهي كامل الكمية ثم ناخذ مقلاة اخرى نضع فيها زيت جديد ونعيد الكرة نضع شباح الصفرة في أبيض البيض ثم تقلى من جديد حتى نهاية الكمية .
وعند تحضير لحم الحلو او طاجين الحلو وعندما يعقد المرق نضيف شباح الصفرة ونتركه يغلي غلية واحدة وننزعه من النار.
ملاحظة فقط هناك من يستعمل 3 كيلات لوز بدل اربعة حسب الذوق .
ايضا القرفة والقرنفل حسب الذوق اذا اردت الاستغناء عنهم لكن من الاحسن وضعهم لاضافة النكهة .
يمكن الاحتفاظ بشباح الصفرة في علب محكمة الاغلاق في المجمد لحين استعمالها .

ربنا يكرمك اختي بصح الوصفه هذي نعرفها الي اكلتها مثل البابا او مسكوتشو تقريبا يشبها

و الله يا أختي ليس لدي اي فكرة على هذا الموضوع بصح لوكان جا عندي خبر مشي خسارة في ختي لعزيزة.

واليوم اتيح لي شرف افتتاح هذاالموضوع
امالا نغتنم الفرصة باه نقولكم

ياااو اضرب ذراعك تاكل لمسقي

هههههههههه‍ههههههخههههههخخخخخخ خخخ

ايا نوضوتشوفوا وحدة لماعن، وحدة تسياق، وحدة لعشا، وحدة دير حاجة حلوةللقهوة، وحدة تحلية، يالله انتشروا خخخخخخخخخخ

اسمحولي لبنات ما قدرتش نزوق الموضوع، الميكرو يجي غير في الليل

المهم هاهي الكوزينة قدامكم طيبو من واغسلو لماعن من، وخبيو معاكم هذوك تللي في السلة خخخخخخ

تستاهلو نحطلكم كل خير بصح الله غالب ما نخبيش تصاور طيابي، اللي تتحط تروح خخخخخ
امالا جبتلكم واش حضر اليوم
كنت نطيب في طعام
هالمرقة
وهالجاج
وهالطعام

سقيو وكولو بصحكتم خخخخخخ

يسعدني نكون اول وحدة ترد عليك في كوزينتك حبيبتي والباروك نتاع الكوزينة راكي تساليهنروح نشوف كشما نجيب ونجي

ونتي واش تقعدي ديري ولا تمعلمي نتي برك ههههههههه ولا ما تعرفي ديري والو هههههه

هذاك الكرسي باه نلحق البوطاجي

راني جبتلكم قاطو درتو لبنت عمتي داتو معاها .نتمنى يعجبكم

انا ام لعريس نلم لحطوط برك ونعس اللي يسرقو القاطو واللحم خخخخخخخخ

كلك زوء ام اياد حنونة، والله نورمالمون نحطلكم كل خير، بصح نخلفهالكم ان شاء الله

ان شاء الله حبيبتي .معليش رانا نسالوها

مبروك الكوزينة الجديدة خيرورة ان شاء الله تكون حلوة كيفك

راني جيت محملة باش ما تقولش جأت بيدها فارغين

المقادير
فنجاي فارينة (الطحين)
فنجان 1/2 منه ماء والنصف الثاني خل
2فناجين ماء
1 حبة بيض كاملة(الصفار والبياض)
ملح و فلفل اكحل
موتارد(خردل)
كأس زيت
كيفية التحضير:
نضع الفارينة وفنجان الماء مع الخل ،وفنجانين من الماء في كسرونة(إناء)فوق نار هادئة ونحرك حتى تعقد (تجمد) بعد ذلك نضعها تبرد
بعد ما يبرد الخليط نضعه في الخلاط الكهربائي ونضيف له البيضة و الملح والفلفل الاكحل والخردل ثم نضيف الزيت شيئا فشيأ

وهاكاد قد تكون انتهت انتهت بصحة وعافية امول ان تنال إعجابكم وهي على فكرة صحية أكثر من التقليدية

شكرررررررررررررررررا

بارك الله فيك

شكر اختي العزيزة و انشا لله تصلح

شكر اختي العزيزة و انشا لله تصلح

جزاك الله خير
ان شاء الله نجربها
بارك الله فيك