حبيت ندير هاذ الصفحة باش نديرو فيها الوصفات ليحطوهم الأخوات في ماذا ستطبخين اليوم باش ميتبحروش مع الصفحات
ساعات يحطو وصفات هايلين بصح منلقاوهمش 
ان شاء الله هاد الصفحة نلمو فيها كامل الوصفات ويسهل لأي وحدة البحث عليهم 
وأي وحدة فيكم تلقى وصفة تحطها بلاك أنا منشوفهاش ولا تفوتني لان الموضوع نتاعنا كامل مشي غير نتاعي 
لكيلة عبرت بالكاس ..6 كيلات سميد خشين +3 كيلات سكر+كيلة لبن(ماشي حليب)+كيلة زيت+1/2 باكي خمارة تع قاطو+قرصة مليح +1/2 كاس تاي ماء الزهر ..تخلطي كلشي ماعدا الماء الزهر وتحكيهم غير بصباعتيك ماتعجنيش ممبعد تبداي ترشي ماء الزهر خليها ترتاح 20 دقيقة ممبعد فرشيها في سنيوة تكون مدهونة بالزبدة وماتضغطيش عليها غير فرشيها برك ..بالظهر تع المغرفة سقمي السطح بدون ضغط ممبعد اعملي خطوط بالموس غير من الفوق وخليها تريح 20 دقيقة ممبعد طيبيها 180 درجة هيا خداتلي ساعة سواسوا ..فالاول تشعلي من التحت غير تشوفي الجوانب حمارو طفي واشعلي من الفوق وغير تخرج من الفور اسقيها بالشاربات بارد وغطيها بسنيوة اخرى لكن خليلها فتحة ورجعيها للفور طافي وخليها 6 سوايع انا والله قبل 6 سوايع كنت كليت وشبعت ههه …الشاربات فيه 6 كيسان ماء+3كيسان سكر +عصرة قارص كي يداو يغليو احسبي 10د وطفي ثم ضيفي فنجان ماء الزهر
حطي صدر جاج ولاكرع كيما تحبي مع زوج بصلات و كثري الثوم وديري فلفل اكحل وملح وزيت وخليهم يثقلاو
كي يثقلاو قطعي الجريوات {اربعة يكفيو } مانعرف كيفاش تسموهم قطع صغيرة وقليهم وكي يبداو يذبالو طفي عليهم ،لجاج اللي استخدمتيه عبيه وفتفتيه يعني قصيه قطع صغيرة بيديك
وارحي الخليط الباقي وحطيلهم الفرماج مي كثري خاطر هو الاساس تاع لاسوب وتحبي تحطي القشدة ثاني
ذرك نقولك على طريقة للوبيا باه اطيبلك بلا كوكوت
غلي الماء حتى يتقالب ماء فقط وحطي فيه اللوبيا وقيسي بالساعة تاع لكوزنيار كيفي 10دقايق وفي هاذ الاثناء
ديري قدر اخر فيه ماء ثاني لوحدو يغلي وكي تصوني الساعة راح تفيقي كيفي قطريها ولوحيها في الماء الثاني اللي يكون غالي ونقصيلها وخليها تغلي مدة 2ساعة واتفقديها مرة على مرة وكل ماتشوفيها نقص منها الماء زديلها الماء الغالي
داويها ولوحيلها وخليها تغلي حتى يطيبو الدواوات وفي الاخير زديلها طماطم العلب والفلفل
وبالهناء والشفاء
كنت عاوزة اعرف طريقة طبخ كفتة الجمبرى؟؟؟
ومشكورة كتير
راهي ساهلة يا ريمواااا ضربي ستة بيضات فاني و كاس و نص سكر ضربيهم مليح بالباتور حتى يتضاعف الحجم ضيفي نص كاس زيت ضربي مليح ثم نص كاس حليب و ضربي وحدة طخميرة الحلوى ثم زوج كيسان و نص فرينة ضربيهم مليح نحي شويا من الخليط ضيفي له زوج ملاعق كاكاو و خلطي مليح دهني مول فرغي فيه لخليط الابيض ثم ديري دوائر بالخليط لبني ثم براس موص اجيبي ن وصط لدائرة الى حافة المول مثل شبكة العنكبوت ثم دخليها الفرن يكون مسخن مسبقا و خليها تطيب هدي هي الكيكة انشاء الله تفهميني
في طنجرة الضغط تحطي حبة بصل مقطعة مكعبات شوية زبدة وزيت ملح وفلفل اكحل واحدة جومبو دجاج اختيارية وطبعا تنقصي من الملح تقليها مليح وتمرقي حتان يطيب الداند
الزيتون تغليه مع شرائح الليمون وتصفيه وتضيفيه للصوص تاع الداند
البطاطا تقليها وتلوحيها ثاني في الطنجرة لمدة 5 دقائق على نار هادئة وتطفي عليها
تقديميها مع شرائح الليمون والمعدنوس تجي هايلة خير من الروطي
وساعات ندير الدجاج في بلاصة الداند
خفيفة ومافيهاش ليدام
الحوت تبلتو مليح ملح فلفل اسود زنجبيل مطحون كمون جوزة الطيب و شوية زيت الزيتون.
و زدت فيه البصل و الطماطم و الثوم ولميتهم في ورق الالمنيوم و عملتهم يتفورو احنا نقولو يتبخرو اي في الكسكاس يخي فهمتيني
ad:
ميخدوش وقت كبير نخدمها لاب زوجي علاخاطر مريض بالسكري
تصلح الوصفة لامراض السكري و الكلسترول الله يبعدهم علينا
مام تصلح للريجيم
تفضلي دهبيتوhay
التحلية اخترعتها برك بصح جات هبال خدمت ياؤورت منزلي حطيتو اول طبقة ومباعد ميكسيت تفاحة+بنانة+6 حبات فراز ودرتهم الطبقة 2 +وقطعت بنان وفراز وغطيت بالياؤورت .
رحيت الثوم 4 او 5 فصوص وقليتهم مع الكبدة مع رشة ملح وفلفل اكحل وفلفل احمر حار وحبة طماطم وم ك طماطم مصبرة ومرقت بكاس ماء وفي نص الطياب رشة كمون وكروية وحولي م ك خل او عصي قارص واللي يحب الهريسة يحط ورشيت عليها المعدنوسمع رشة ملح وفلفل اكحل وفلفل احمر حار وحبة طماطم وم ك طماطم مصبرة ومرقت بكاس ماء وفي نص الطياب رشة كمون وكروية وحولي م ك خل او عصي قارص واللي يحب الهريسة يحط ورشيت عليها المعدنوس
