سلام عليكم
كاين عدت وصفات لهذه الكيكة اليوم جبتلكم هاد الوصفة ان شاء الله تعجبكم
مقادير الكيكة
3 حبات بيض
1/2 كوب سكر
1/2 كوب زيت
3/4 كوب عصير البرتقال
مبشور البرتقال
1 خمارة
كوب ونصف فرينة
مقادير صوص كراميل
3 ملاعق زبدة
2 ملاعق عسل
كاس سكر انا هنا جاتني حلوة شوية ممكن تنقصي فالمقادير
عصرة نصف قارص
اولا نبداو بصوص كراميل
في كسرونة نذوبو الزبدة ثم نشيف باقي المقادير نحركو وحطوها على حمام مائي حتى يذوب السكر
ثم نحوها من الحمام المائي ونحطوها مباشرة على النار مع التحريك المستمر كي يبدا يعمل فقاعات نعصرو عليه القارص ونحركو حتى يتبدل اللون نتاعو
ونفرغوه مباشرة فالصينية الي نكونو دهناها بالزبدة نخلوها تبرد غير شوية ثم نقطعو البرتقال حسب الرغبة ونستفهم فوق الكراميل راح تلاحظي انو جامد عادي
ثانيا تحضير الكيك
بالخلاط الكهربائي نضربو البيض +سكر مليح ثم الزيت ونضرب ثم العصير والمبشور ونضرب ثم الفرينة والخمارة منخولين نضيفهم بالملعقة بشوية
ونفرغو فالمول
الطياب يكون 180 درجة حوالي 40 الى 45 د
كي تحرج نخلوها واحد 3د ونقلبوها بشوية عصير البرتقال نشمخوها من الفوق غير شوية
وان شاء الله تعجبكم
سلام
الله ياشهرزاد تهبل تهبل تهبل يعطيك الصحة يالفحلة
كل اطباقك وحلوياتك شابة
مشكوووورة
انا الاولى لي رديت نديها كاملة ونهرب خلي يجروووو الئ لحقوني نعطيهم يذوقو
ههههههه
الله يعيشك ام سيراج مرسي بزاااف
هههههههه اجري اجري بالاكي يلحقوك راهم كاينين الي رجليهم طوال خخخخخ
نورتي
درتها سمانة لي فاتت بصح سقيتها كي لبابا
يعطيك الصحة يا شهروروة الحرة
نطبقها ان شاء الله مدامنا رانا في وقتها
امممممممممممممممممم عذاب في عذاب واللون مغري يعطيك الف صحة سنيورا شهرا هههه
مشكورة يا شهرورتي الزينة على الوصفة راني بعتت ولدي يشريلي البرتقال باش نجربها
مرسي ليك حنونتي
يعطيك الصحة اختي هجورة الزينة والله كل وصفاتك هايلين
مرسي مرسي مرسي حبيباتيي ربي يخليكم ويهنيكم
فريدة الله يحفظك ان شاء الله تعجبك تبعي برك فالصوص كراميل راهي جاتني حلوة شوية نقصي السكر
نورتوووو
اممممم يعطيك الصحة هجورة هادا ماشي gateau normand؟؟؟؟ يعطيك الف عافية