المقادير
شفلور مبخر
معدنوس مفروم
زيت زيتون
درة
حامضة معصرة
ملح ابزار
كتشب
الطريقة
نبخر الشفلور ونضعه في صحن التقديم ونرشه بحبات الدرى
نجهز خليط من الملح والابزار والحامض معصر وزيت الزيتون
ثم نزين بالمعدنوس والكتشب
كانت اعطاتنا الاخت ابتسام مكونات الي هم شفلور و بطاطا و كفتة باش نعملو بيهم اطباق جاتني فكرة نعملهم في طبق واحد
نخليكم مع الصور هي الي تعبر
|
على بركة الله نبدأ
المقاديـــــــــر
للمرق : دجاج ملح فلفل اكحل قرفة بصل حبة طماطم حمص منقوع زبدة
شفلور بطاطا رند 2 بصل رند جبن معدنوس
بيض حليب فرينة
الطريقـــــــــة:
نحضر مرق أبيض نقشر البطاطا نضعه مع المرق دون تقطيع عند الاستواء نضعها جانبا
نغلي الشفلور في الماء مع الملح و الرند ..نصفيه و نقليه في الزيت
نقطع البطاطا دوائر و نقليهم
نقطع البصل شرائه و نقليهم وعند الانتهاء نضيف الملح الفلفل الاكحل قطرات ليمون
ندهن الصينية بالزبدة نستف الشفلور و البطاطا ثم البصل والحمص المصفى الدجاج الجبن المبشور
نحضر خليط بيضة نصف كاس حليب ملعقة فرينة نسكبها على الخضار
نزين بالمعدنوس
عند الاستواء نسكب عليها المرق و نعطرها بالليمون
بصحتين على قلوبكم
يعطيك الصحة على الطبق مممممممممم
مشكورة حنونة على الوصفة وبصحتكم
|
|
|
|
هذه اول مشاركة لي في المنتدى اتمنى ان تقبلوني كصديقة وسيدة من سيدات اللمة
اليوم جبتلكم طبق كثير بنين واللي ما تحبش الشفلور من اليوم رايحة تموت عليه
المقادير: رأس شفلور متوسط مفور وخليه يقطر مليح ثم ارحية بواسطة الفرشيطة
300غ لحم مرحي +حبة بصل مرابي +2سنات ثوم مرابيين +نصف حبة طماطم مرابية +معدنوس +ملح +فلفل اسود +قرفة +كمون + حبة بيض
تخلطي المقاديرمع بعض وتشكلي خبيزات ديريهم في مول مدهون بالزبدة والى الفرن
وتحضري المرقة :دجاج +فلفل اسود +قرفة +ربيطة معدنوس +زيت تقليهم مليح ومرقي وخليه يطيب
بعد ما يطيب الشفلور سقيه بالمرق وحطي عليه الدجاج
نتمنى تعجبكم الوصفة الاولى لي في المنتدى
شكرا على الوصفة تبان تجي بنينة ان شاء الله نجربها
الله يجعلها في ميزان حسناتك
على بركة الله نبدأ
المقاديـــــــر :
شفلور بطاطا لحم مفروم بصل سنة ثوم حشيش مقطفة
حبة طماطم مع قليل من المصبرة فلفلة صغيرة
ملح فلفل أحمر فلفل أكحل زيت
الطريقـــــة:
نقي الشفلور من الجذور نطيبوه في الماء مع البطاطا و الملح و بصل و ورقة رند من أجل إزالة الرائحة
نصفيهم .
نقلو البهرات و البصل و الثوم مع الزيت و كويرات اللحم المفروم
نضيف الماء و الطماطم المصبرة و الحب ثم الشفلور و البطاطا
نتركهم حتى تتشرب من المرق و توقف على إدامها
نقدمها معطرة بالحشيش
و بصحتكـــــــــــم
|
|
|
|
|
|
|
على بركة الله نبدأ
المقاديـــر
لحم أو دجاج ثوم ملح فلفل أسود سكنجبير زيت
شفلور جزر زيتون أخضر معدنوس
الطريقــــة
نفور الشفلور وأو يغلى في الماء و الملح و قطعة ليمون و بصل
نقلو اللحم مع التوابل و الزيت نمرقو لما يطيب نضيف الشفلور و الجزر المبشور و الزيتون
المنقوع في الماء و الليمون لما تتجمرنطفئ النار
نعطرها بالمعدنوس و شرائح الليمون
بصحتـكــم
ملاحظة : من الافضل الوصفة تطهى في طبق مغربي
يمكنكم إضافة حبة طماطم
مشكورة حاملة المسك على الوصفة
في انتظار اطباق جديدة
تحياتي
|
|
|
|
بعد مرقت وغلقت عليه وخليت كلشى يطيب وتنقص المرق منو
بعد دهنت بلا تاع لفور بالزبدة وستفت شفلور فيه وفرغت المرق عليه ودذرت شوية قرفة فوقو ودخلتو للفور يكمل طياب
فى صحن درت 4 حبات بيض ومعدنوس وشوية من مرق كونت احتفظت بيه وملح وفلفل اسود وشوية قرفة وخلطتهم
وعاودت جبدت بلا من فور وفرغت عليه خليط البيض وحطيت فوقو جبن مثلثات وعاودت دخلتو للفور يطيب ويحمار
وهنا راه جاهز
وكى العادة زوووووووووم
انشاء الله تعجبكم طريقة تاعنا
يعطيك الصحة ختيتو كلشي بآهي يعطيك الصحة
وبالصحة والهنآ على قلوبكم
تسلملي ديآتك
تحيآتي لروحكِ الطيبة ~
تسلم دياااااااتك غلاتو
الطريقة
نقطع الشفلور ونحطو يغلي في ما مملح معاه طرف خبز بايت // لامتصاص الرائحة المزعجة للشفلور 
بعد ما يطرى نصفيه مليح من الماء
ونضيفلو فرماج مثلثات حسب الرغبة
ونمرسو وهو سخون
من بعد نضيفلو 2 بيضات عصير ليمونة والزاست تاعها
النشا والخميرة والبصل والتوابل
ونبقى نضيف في الشابلير حتان يتماسك الخليط
نفرش غلاف بلاستيكي
ونحط الخليط
ونعاود نغلفو ونسويه مليح
ومن بعد نقطعو بالسكين الى مربعات
نحطها في الشابلير مرة ثانية
ونقليها
وشهية طيبة
نقدرو نضيفوا للخليط تونة تاع الزيت او دجاج او لحم مرحي
ذوقو هايل لانو مافيهش الفرينة بالشابلير يجي خفيف وألذ
ان شاء الله تجربوه ويعجبكم
نديرهم بهديك الطريقة في الفور و نحطهم بالملعقة تمدلهم منظر باهي
و الفرماج ندير في الشفلور و وسط اللقمة
و البصل يمدلها دوق رااائع
لا تحرمينا جديدك .. كوني بالقرب
