التصنيف: وصفات الكيك والحلويات الحصرية والمجربة

كوب ونص زبدة
صفار بيضةواحدة
نص كوب زيت
3ملاعق سكر ناعم
ملعقة صغيرةخميرة الحلوى
قرفة (ملعقة) مغرف كبيرة (ربما تحتاجون اكثر مثلي)
ما يعجنه دقيق

الطريقة

تضاف كل المواد مع بعض الزبدة والسكر والزيت وصفار البيضة والقرفة

واخيرا يضاف الخميرة مع الفرينة(الطحين)

تترك العجينة لترتاح مدة ربع ساعة تم تكور متل الغريبه وتوضع داخل المول ونضغط عليها
شوية باليد باش يخرج شكل الوردة
من بعد نضغط على وسط الوردة لانه عندما تنضج رايحين نديرولو معجون فوسط الوردة

وتخبز في فرن متوسط الحرارة
ملاحظة: يفضل تجريب حبة ونلاحظ لا مافسدش شكل الوردة معناه مليح اذا فسد معناه مخصوصة طحين
اضغطي هنا لمشاهدة الصورة بحجمها الأصلي

اضغطي هنا لمشاهدة الصورة بحجمها الأصلي
اضغطي هنا لمشاهدة الصورة بحجمها الأصلي
اضغطي هنا لمشاهدة الصورة بحجمها الأصلي

مشكورة على الوصفة لينا

نفس المقاس عفاف

تهبل يعطيك الصحة ختي

يعطيك الصحة اختي
شهيتيني مع هذا الليل ههههههههههه

تسلم دياتك

يعطيك الصحة هايلة الله يبارك اختي بصح علاه اسمها غريبية طارق هههههه

يعطيك الصحة

les gateaux de la fete de mon cousin ont été bons et formidables. Yaatik el saha et okba ma tchoufihoum dans des postes supérieurs de travail et okba l arassahoum tafarhi bihoum inchaa lah ma tante.<

حلويات في القمة يعطيك الصحة ومبروك النجاح ولعقوبة للشهادات العليا

حلويات رائعة لعقوبة لحلويات عرسو ان شاء الله

امممم طاطا حلويات هايلة والف مبروك النجاح لعقوبة لافراح اخرى ان شاء الله حبيت نسقسيك برك هادوك الوردات الى حاطتهم في ديكو كعيكعات خدمتيهم ولا شريتيهم

alah ybarak walf mabrouk

السلام عليكم و رحمة الله و بركاته

هذه باقلاوة من مطبخي بطريقة لابات فيلوا نتاع الحبيبة ياسمين

المهم انا حبيت نوريلكم طريقة التقطيع

و سأذكر كل المراحل لي مريت بيها بالتفصيل الممل هههههههههه

أولا نذيب كمية من السمن أنا إستعملت سمن المدينة رائع و ما فيهش الريحة

و تركته يبرد

أخذت اربع كيلات فرينة (دقيق أبيض)و رشة ملح

صغيرة جدا +نصف كيلة السمن و نحك بين الأيدي

ثم نرشها بالماء الزهر المخلط بالماء

و عجنها حتى تصبح طرية

انا عجنتها بالروبو الكهربائي كما في الصورة

كل كميتين اتركهم يدوروا مدة دقيقة

و هكذا حتى اكمل كل العجينة

و اقسمها إلى 12 كرية

و اتركهم داخل كيس مدة ساعة

نأخذ كمية من السمن الذائبة بحيث تكون درجتها عادية

و ناخذ السنية ندهنها بالزبدة و نرشها بالفرينة

نأخذ الكرية الأولى نفتها بالحلال أو بالماكنة الخاصة
بحيث تكون رقيقة جدا جدا جدا

انا فتحتها بالحلال كما في الصورة

و نضعها في الصنية و ندهنها بالفرشات بالسمن المذابة

و نكمل نفس الشيئ مع الكرية الثانية و الثالثة و الرابعة و اتلخامسة و السادسة

و لكن السادسة لا ندهنها

نخلط ثلاث كيلات لوز او كاوكاو + صف كيلة سكر قلاسي + رشة قرفة

و نبرشها بماء الزهر و نخلط حتى نتحصل على عقدة طرية

ملاحظة بالنسبة للكاوكاو إذا حبيتي تقليه في الفرن و يبقى ابيض ضعيع داخل الفرن في الدرج العلوى

و الفرن يكون على نار هادئة جدا

و أتركيه مع التحريك مدة يمكن ساعتين

بحيث تبقى الحبة بيضاء و مقرمشة و كانها حبة لوز

نرجع ألى العقدة نضعها فوق الطبقة السادسة و نسوي السطح بالحلال

كم في الصورة

ثم نضيف اكرية السابعة و نفتحها و نضعها فوق العقدة

و ندهنها و نكمل نفس الشيئ مع الكرية الثامنة و التاسعة

و العاشرة و الحادية عشر و الثانية عشر و ندهن في كل طبقة

و ندهن الطبقة الأخيرة

ندخل الصنية داخل الثلاجة مدة ساعة

ثم نقطعها كما في الصورة

على شكل+ ثمّ على شكل×

أترككنّ مع الصور

نلاحظ ان الطبقة الأخيرة زينتها بوردات وغرست داخلها حبة كاوكاو

و حين نكمل نفرغ فوقها مقدار فنجان من السمن المذابة

ندخلها ألى الفرن 160 درجة مدة ساعة تقريبا

و حيت تتحمر الجوانب نشعل الفرن من فوق و نحرك السنية حتى تتحمر

ننزعها من الفرن و نسقيها بالعسل حتى تغرق فيه

و نتركها تشرب مدة 24ساعة

و نقطعها

و نقدمها في كيسات الحلويات

لا تنسوا التقيييم و الردود بعد هذا الجهد

cared:لا شلّت يمينك تحفة

يا ام سامي والله عجبتني تقطيعي عجالك رايحا نطبقها باش نتعلمها
مشكورة الله ابارك

جات هايلة عزيزتي

يعطيك الصحة

شهتني يعطيك الصحة

حبيت نوريلكم حلوياتي اللي درتها في العيد, جات متاخرة شوية بصح معليش :biggrin::biggrin::biggrin::th umbup:

هايلة يعطيك الصحة merciiiiiiiiiiiiiiiiiiii

تبارك الله عليك

يخي يقولوا vaut mieux tard que jamais يعطيك الصحة حلوياتك جميلة ختي ماهي مقادير لي بول المنقوشين و ليبول المرغين في نودكوكو من فضلك

حلويت جميلة.بارك الله فيك اختي.

اسعدني مروركي, شكرا

و تبارك عليكي ايضا, شكرا على الرد الطيب

سلام اصحاب اللمة جبتلكم اليوم كيكة باربي درتها
هامليك التصاور ويدا عجبتكم قولولي نمدلكم الوصفة

شبة بزاف مشكورة

اكيييييد في انتظار الوصفة

سلمت يداك

هايلة يعطيك الصحة

روووووووعة ياطيك الصحا ختيتو

شكرا جميعا أعتذر على التأخير

رابط الوصفة
وصفة كيكة باربي من مطبخي

اليكيم الوصفة بقلم صاحبتها الاخت ياسمين177

ميني كيك بكرمال النسلي من عندي
السلام عليكم هذه الوصفة ورائعة من مطبخي جربوها على ضمانتي والله بنتها منحكيلكمش اكثر من روعة حوحو يشكر روحو هههههههههههههه
نبداو بسم الله عندك باطة نسلي طيبيها كرمال والطريقة الكل يعرفها مبعد خلوها تبرد ونحو منها 3 مغارف جانبا للتزيين.
225غ زبدة نذوبها ونخليها جانبا
نخبط 3 بيضات مع 3 مغارف سكر مليح ثم نضيف كرمال النسلي العلبة كلها ونخبط حتى يتخلطو مع بعضهم + 90غ فرينة و1 خمارة ورشة ملح ونخلط الكل ونديرلها الزبدة الذائبة ونخلط مع بعض نديرهافي مول ميني كيك الشكل لعندك ولتحبيه دخليهم يطيبو ثم لما يبردو كنت خليتي 3 مغارف من كرمال النسلي ادهنيبيها وجه الكيكات وزوقي بالجوز مدششش او لوز الخ. واش عندك فدار او رشديري النسلي على الوجه ورشي بسكر ناعم اي حاجة مش مفهومة انا في الخدمة .
و هدا تطبيقي


في انتضار ردودكم و تشجيعاتكمheer:heer:heer: heer:heer:

هااااااااايل الكيك غاليتي ام كوثر الف شكر على الوصفة لك و العزيزة ياسمين الرائعة بارك الله فيك

شكراا ليك على مجهوداتك ربي يجازيك

تبارك الله عليك يا الحبيبة
بالصحة و الهنا

جاك يشهي اختي ام كوثر وخصوصا بالنيسلي اكيد مذاقه روعة مشكورة حبيبتي على الوصفة الشهية

الف شكر لكم اخواتي على المرور العطر و الردود المشجعة بارك الله فيكم
اسمهان لا اختي متقدريش تعوضي النيسلي بالعسل راه تغيري فالوصفة و المداق ميجيش كيف كيف
جربيها بالنيسلي رهي روعة في المداق تهبل

هذه حلوة لقيتها البارح فيمنتدى اخر و جربتها اليوم منين جاوني صحاباتي
المقادير:
1/2كاس سكر
1/2 ك زيت

1/2 ك فرينة
1 فاني
1 ملعقة كبيرة خميرة
6 حبات جبن)انا قسمت portion
2 بيض
1/2 كاس ماء
تخلط كل المقادير في mixeur و توضع في مول و نرشو فوقها vermissell
نطيبوها لمدة20 د تقريبا وتسقى ب سيرو (درت 2 كاس سكر+1 كاس ماء) يكون بارد

الحلوة كان طعمها كيف creme caramel
mais جات حلوة بزاف المرة الجاية نقص في سكر

و كنت عملت pain d’epices من قبل و هذه صورته

و هذه الصينية واجدة

مشكورة اختي احلام على الوصفة راهي تبان تشهي بصحتهم صحباتك

الله يسلمك حبيبتي

اممممممممممممم الله يعطيك الصحة

تبان هايلة حسبتها قطايف في لول ممممممممم روعة بصحتهم صحباتك

بصحتكم اختي العزيزة انا ندير الحشوة بالقشطة تجي تهبل المرة الجاية نحطها انشاء الله

في بالي هي نفسها و اناجربت الشعيرية انتاعنا
شكرااااااااااااااااااااااااااا ا

ya3tik saha

السلام عليكم اخواتي
المقادير:
250غ مرقرين،3بيض،3م ك عسل،2علب بيمو مرحي غبرة،1خميرة،2 م كاكاو،فرينة
الكريمة:
125غ زبدة،4 م ك فوندون،م ك كاكاو،م ك نيسكافي مذوبة في م ك ماء ساخن
للتزيين:
شكولة،رقائق اللوز،حلوى التوت
الطريقة:
نخلط المرقرين مع البيض جيدا ثم نضيف العسل ونحرك ثم البيمو والكاكاو والخميرة ونضيف الفرينة حتى نتحصل على عجينة مثل عجينة الصابلي نحلها بالحلال وبواسطة طابع دائري نقطع دوائر ندخلهم للفرن يطيبو وبعدها نخليهم يبردو

من جهة نحضر الكريمة نسخن الفوندون غير شوية فوق النار ونضيفو على كمية الزبدة ونخلط جيدا بالخلاط الكهربائي ثم نضيف الكاكاو والنيسكافيه
نلصق كل زوج حبات حلوى بالكريمة ونغطسها من فوق في الشكولة لي نكون ذوبتها على حمام مائي مع شوية حليب بعد ما تذوب ننزعها من النار ونضيف القليل فقط من الزبدة ونحرك وقبل ما تنشف نزينها بحلوى التوت ورقائق اللوز ونقدمها في ليكيسات وهذا شكلها
https://
https://
وهنا عن قرب
https://
ملاحظة:
انا اخترت هذا الشكل ممكن نشكل اشكال اخرى مثل القلوب او المربعات ونزينها حسب الرغبة وهذا الكمية قطعتلي تقريبا60حبة
نتمنى يعجبكم القاطو وتجربوه لان فعلا رااااااااائع ولا تنسوني من صالح الدعاء </B></I>

يم يم يعطيك الصحة حبوبة

يهبللللللللللللللل
اختي شكلوو يجنن
يسلمووووووووووووو

mmmmmm merci

اممممممممممم
شعآل هآيل
يعطيك الصحة حبوبتي

امممممممممممممممممممممم
يشهي
وصفاتك لا يعلى عليها نجرب وعينيا مغمضين
شكرا