العجينة:
3 كيلات فرينة
نص كيلة مارغرين ذائبة
قرصة ملح
ماء دافئ مخلط مع ملاعق من ماء الزهر
2 ملاعق أكل كاكاو
العقدة:
3 كيلات كوكاو أو لوز مرحي مليح
كيلة سكر
فانيليا
zeste de citron
arome de citron
حبات بيض
طريقة تحضير العجينة:
نخلط الفرينة قرصة ملح والمارغرين الذائبة
نضيف الماء الدافئ المخلط بماء الزهر
حتى نتحصل على عجين متماسك
نقسم العجينة على اثنين ونضيف ملعقتي الكاكاو لنصف العجينة
ملاحظة:(اهنا اعجني مليح العجينة باش يدخلها الكاكاو مليح)
نحل العجينة بالحلال باش نفوتها فآلة البقلاوة
نحل في آلة البقلاوة بالتدريج من رقم 1 إلى رقم 6
من بعد نفوتها فوسط آلة البقلاوة (نسيت نصورهالكم
)
طريقة تحضير العقدة:
نخلط جميع المقادير ما عدا البيض
نضيف البيض
(ضربي البيض في طبسي قبل ما تخلطيه مع الكوكاو)
حتى نتحصل على عقدة متماسكة
نعمل منها حربوش ونقطع بطابع مربع الشكل حتى نتحصل على مربعات متساوية الحجم من العقدة
نقوم بوضع ستة مستطيلات بيضاء اللون أفقية
وفوقها نحط ستة مستطيلات بنية اللون عمودية
وفي وسطها نحط مربع من العقدة
نزينها بورود من نفس العجينة بهذا الطابع
ونثقب في وسط كل وردة بقلم حتى تتماسك وما تتنحاش أثناء الطهي
ندخلها الفرن حتى تحمار ما بين 20دقيقة تقريبا إلى 30 دقيقة
ننصحكم طيبوها فالفرن الكهربائي لي عندها وتشعله من فوق ومن تحت باش طيبلها مليح
غير نخرجوها من الفرن نعسلوها في عسيلة خفيفة شوية (ضفي كاس ماء مغلي للعسيلة)
نوصيكم يا لبنات لي تحب تجربها تستعين بختها والا الوالدة نتاعها تعاونها لخاطرش تشد اليد بزاف ما بديتهاش بكري طاح عليا الليل وانا نطيب فيها وتكسر ظهري من اللوقاف
لكن شكلها وبنتها تستهل الواحد يتعب عليها
ان شاء الله تكون عجبتكم
|
بصح ما شاء الله عليك خرجتلك روعة
تستاهلي احسن تقييم
+++++++++++++تقييم
|
تستاهلي كل الردود الحسنة
دمتي متالقة
|
|
المهم فيك بركة أختي
تقولي نقعد نشوف غير فيها تاكلوها بالصحة والهناء
في انتظار جديدك
|
متالقة ما شاء الله عليك
ربي يحفظك
بارك الله فيك و جزاك خيرا
إضغط هنا لرؤية الصورة بحجمها الطبيعي.
