الســـــــلآم عليــــــــكم
بعد كتابة المقـــــــــــآل الاول
مقــآلآت طبيـــهـ حصـــريهـ// دآء السكــــري Le Diabète
ننتقــــل اليوم باذن اللــــــــه لموضوعنــــآ الثآني
ارتفاع الضغط الدموي Hypertension
مع العـــــلم، لقد تطرقنــآ له من قبل في صفحآت [ صحة ] استشارات طبيـة
لكن ترآكمت عليه الردود فاحببت نقله في موضوع مستقل دون المرور عليه ذلك لما صآرت مؤشرآت الاصابة بهذا المرض في ارتفاع مستمر، عفى الله جميع المسلميـــــــــــــن.
D aucun
السلام عليكم
من المشاكل ولا من الامراض الخطيرة التي يعاني منها معظم الناس مرض الضغط الدموي او لاتونسيون كيما نقولو حنا
كاين بعض الحالات لي لازم استعمال الدواء
ولكن مهما يكن يجب على اصحاب الضغط الدموي الرجوع الى حمية
قبل الحمية لازملنا نفهمو شاه هي لاتونصيون
هي ارتفاع الضغط ويعني كمية الدم وسرعتها في العروق (لارتار) ومنها يجي بزاف حوايج ولي منها
الانف يقد يطرطق بالدم تنقص الرؤية , راسك يؤلمك وبزاف حوايج
ومن بين الاغذية المنصوح بيها تلك التي تحتوي على الاملاح التالية مغنزيوم كاليسوم والبوتاسيوم وجامي لا كانت الصوديوم اوكي الصوديوم هو لي نلقاوه في الملح تاعنا تاع الطياب هادا واعر علابيها مالزمش لي عند لاتونسيون ياكله بزاف ونفسرهالكم علاهش
الصديوم يحب الماء والدليل على ذلك كون تخلوه معرض للهواء غادي تشوفوه بلي بدا يتبلل اوكي في الجسم يصرا نفس الشيء هو يخلي الجسم يحتفظ بالماء وكي يزيد الاحتفاظ بالماء داخل الخلايا ينقص دخول الدم اليها وكي ينقص يعني يبقى يدور في العروق ومن تماك تزيد لا تونصيون ويبداو المشاكل
المهم تانيك لازملنا نقصو من الدهون ومام نقصو من الملح والسكر
المهم باختصار هادي بعض الاغدية:
اولا الطماطم ومام نقدو نعصروها ونشربوه مي مانديرولهش الملح
الموز وين حتى هو يهبط لا تونسيون
الثوم مي مانديباصوش اربعة فصوص يوميا
الشوفلار وين لازملنا نفروه اوكي والملح توجور مانديروهمش
مام السردين لي هو صح يحتوي على الدهون مي لي يحتويه السردين نسموه اوميقا3 ولي هو جد مفيد ومام فيها الاحماض الدهنية
هنا بغيت نوه لحاجة ولي هي الزيوت ولا الشحوم ماشي توجور مضرة بالصحة كاين دهون مشبعة وغير مشبعة المشبعة مفيدة جدا وهي تنقص الكوليسترول في الدم ldl
ЯέКîά Яồมkà
حقيقة هذا المرض صار الكثير يعاني منه خصوصا كبار السن
وكيما قال الاخ هو ارتفاع ضغط الدم في الشريان الدموي Les artères
Bon
الضغط الدموي العادي هو 120/80 مم زئبق او0 140/9 أو اقل اذا زاد غير شوية قادر يسبب تطور المرض
لذلك يجب الحرص جيدا على الصحة
هو مرض خطير، وبالاضافة الى الحالات اللي ذكرها الاخ ، ممكن يسبب هاد المرض نوبات قلبية وعجز في القلب وتاني سكتات قلبية، وحتى الفشل الكلوي اي انه يقصر من عمر الانسان
نرجعوا للاسباب:
طبعا الصوديوم او بالاحرى ملح الطعام هو العامل البيئي الرئيسي لهاد المرض
على هادي اغلب المصابين بهاد المرض اول حاجة نقولولهم ما تاكلوش الملح او نقصوا منه
باسكو زيادة كمية الملح تسبب خروج الماء من الخلايا وعن طريق عملية اسمها l’osmose يتوازن التركيز ما بين الدم والخلايا وهنا يصرا ارتفاع ضغط الدم
كذلك زيادة نسبة الملح ترفع نسبة العطش وبالتالي ارتفاع مستوى الماء في الجسم
من جهة اخرى، البدانة لها سبب في هذا المرض، حيث ان خطر ارتفاع ضغط الدم عند البدينين بالمقارنة مع أولئك ذوي الوزن الطبيعي أعلى بخمس مرات،
حتى بعض الادوية كاين اللي تسبب ارتفاع ضغط الدم خصوصا مضادات الإلتهاب مثل البروفين والموترين والإستيرويد
نرجعوا للنصائح بويسكو المريض بالضغط الدموي اول حاجة لازمله يتبع حمية غذائية
اول حاجة الملح ثم الملح لازم نقصوا منه او من الاحسن ما نديروهش كامل
البصل والثوم مي ما نكثروش منهم
شرب الشاي الاخضر مي يكون بانتظام باسكو فيه مادة " كاتيشين " اللي تخفض معدل افراز مادة انجيوتنسين – 2 اللي تلعب دور في الإصابة بضغط الدم المرتفع .
الاسماك تاني فيها كيما قال الاخ Omega-3
زيت الزيتون حيث ان التجارب بينت بلي تناول 3 ملاعق زيت زيتون يومياً تقلل من الضغط الإنقباضي بمعدل 9 وحدات
الخضر والفواكه سيرتو اللي فيها الالياف والفيتامينات خاصة بفيتامين E,C مثل العنب والتوت
مام في الملح ماشي غير اللي فيها ملح الطعام حتى اللي فيها الطحين الابيض مثل الخبز والعجائن يعني مصادر الصوديوم بصفة عامة
ممارسة الرياضة مهمة جدا
التركيز على الاغذية اللي فيها البوتاسيوم بزاف والتقليل من السكريات والدهون باسكو يزيدوا في الوزن
Pour l’utilisation du tensiomètre
كاين نوعين : الاول Manuel اللي نلقوه عند الاطباء والثاني Electrique متواجد بكثرة في اغلب البيوت
~~~
نبداو بـ Tensiomètre manuel
المهم هاد اول حاجة لازم تكون معاه une stéthoscope يعني السماعة
الطبيب يطلع القش من دراع المريض اللي لازمله يكون مريح يعني مادار aucun efforts ومالازمش تاني يكون داير ساعة
بعدها يحط الستيتوسكوب فوق l’artère au niveau du coude
ويلف le brassard على كامل الدراع ويشده مليح
فوقها كاين وحد الصمام نتاع الهواء مالا لازم نغلقوه مليح ونضغطوا على البالونة حتى وين ما يوصل الزئبق الى الاعلى كامل
ثم نفتحوا الصمام تديريجياا حتى يبدا الهوا في التسرب، وداك الزئبق راه ديجا هو تاني بدا يهبط
مالا اهنا هو الصح
وهو نازل اول لحظة تسمع فيها النبض داك هو القياس الاول يعني maximum
بعدها يبقى الدق يخف غير بالشوية
عند وين يروح النبض داك هو القياس الثاني le minimum
وهاك نكونوا قسنا الضغط للمريض
Pour le tensiomètre électrique
Bon, avant de l’utiliser je vous conseille de prendre bien le temps de vous reposez une dizaine de minutes, en évitant tout effort ou émotion préalable.
Après, enlevez tout ce qui peut gêner le bras puis enfilez le brassard en le fermant correctement, au niveau du poignet ou du bras et allumez votre appareil juste que l’avant-bras sera posé sur la table, paume de main vers le haut, coude légèrement plié et sans serrer le poing.
Déclenchez la mesure, sans parler ni bouger pendant celle-ci. Puis lisez le résultat après que l’appareil vous ait signalé la fin de la mesure.
Mémorisez les valeurs dans votre appareil ou notez précisément les résultats dans un cahier avec la date et l’heure, quelles que soient ces valeurs en demandant après conseil à votre pharmacien ou Médecin.
انتهى مقآلنآ بحــــــمد الله
نفعنآ اللـــــه وايآكم بما نخـــــطه هنآ
مع تحيــــــــآت أطبــــــــآء اللمـــــة
إن شاء الله تمام
ننتظر جديدك من الأجمل و الأروع 
تـــقــبلوا تحياتي غزال الصحراء 
