مراحب بنات المطبخ اللماوي
ان شالله تكونو كلكم بخير
بما انه هذا الموسم موسم نتاع سلق
حبيت نحطلكم غرتان السلق عملتها من مدو وجات بنينة
حبيت نفيد بيها الي ماجربوهاش
نروحو للوصفة
ربطتين سلق
لحم مرحي
12 حبة فرماج
علبة كرام فراش
حبة طماطم
ثوم
ملح فلفل اكحل كمون فلفل حار مطحون وزيت
بيضة
بعد ما ننضفو السلق ونغصلوه نقطعوه ونحطوه في مقلاة ونغطوه باه يتعرق ويطيب في الماء نتاعه
بعد ما يطيب ننزعوه
نديرو الزيت في المقلاة نرحيو حبة الطماطم والثوم
نحطوها في الزيت اللي كان سخن وندوزنوها
ملح فلفل مطحون حار كمون وفلفل اكحل
بعد ما تطيب شويا نخلطو معاها السلق ونخلوهم يطبخو مع بعض
ونضيفولهم بعده اللحم المرحي
بعد ما نضيفوه وبعد ما يطيب نقسمو الخليط على جزئين
نجيبو البلاطو نتاعنا ندهونه بشويا زبدة
نديرو الجزء الاول ونبسطوه مليح
نفرشولو الفرماج انا استعملت لافاش كيري واخذتلي 12 حبة
ونغطيو بالجزء التاني نتاع السلق
نخلطو الكرام فراش مع حبة البيض نضيفولها شويا ملح
ونسكبوها فوق البلاطو
وندخلوها للفرن
وهاهي الصورة النهائية بعد ماطاب
كيما تقولها حبيبة القلب ام ندوشة زووووووووووووووم
نتمنى انها تعجبكم الوصفة
بصحتكم وما 
hiny: عليا
هيا سلامو واتهلاو في رواحكم
يعطييك الصحة عفوفة
تستاهلى التقييم
|
|
ايه تجي بنينة بزاف ننصحك تجربيها
وانتي بدوري تاني تستاهلي التقييم
مشكورة للمرور
|
مشكورة للمرور
خرجلك روعة انا مانحبش السلق يكون طايب عادي نجربو كيما انتي ان شاء الله
بصحتكم
سلامو
ya3tik saha w 3awda maymouna lik w atbakek
+takyiim
يعطيك الصحة حنونة
