الوسم: النقاب

القصه دى منقوله من منتدى لاخت بتحكى فيه عن قصتها مع الالتزام والنقاب
بغض النظر عن رايها فى الاخوان او السلفيين
نقلتها لكل بنت قادره تلبس النقاب ومتردده او مش عايزه وكمان زى صاحبة القصه مهى كاتبه عشان الحمله الشرسة اللى على النقاب الان

بداية القصه

بمناسبة الحرب الفظيعه على النقاب حبيت اكتبلكم قصة التزامى وقصتى مع النقاب لعلها تكون سبب فى ثبات ولو اخت واحده على النقاب

ومعلش هكتب بالعاميه ومعلش هطول

اولا انا من مدينه من المدن الصغيره البعيده وهذه المدينه ليس بها ولا كليات ولا معاهد.. مفهاش غير مدرسه ثانويه واحده وطبعا مختلطه

وانا كنت الحمد لله من المتفوقين وكان حلم حياتى اطلع مهندسه واسافر بره والكلام ده "كلام المسلسلات العربى"

المهم من الله عليه بمجموع عالى وفعلا دخلت كلية الهندسه… بس كان لازم اتغرب "وده شئ عادى كل الطلبه كانت بتتغرب" رغم ان اقرب بلد لينا كانت المسافه بينا 5 ساعات

المهم روحت بورسعيد وبدأت الحكايهاول سنه ليه فى الكليه كانت الغربه تعبانى جدا جدا جدا وبما ان بلدى تبعد عن بور سعيد 7 أو 8 ساعات فكنت دايما بسافر الشرقيه عند أهل أبويه وكنت ماشيه مع الاخوان المسلمين فى الشرقيه

وكنت فاكره نفسى التزمت خلاص وبقيت الاخت اللى محصلتش وخاصة انى كنت شغالة دعوه فى مساجد البلد وكان لبسى طبعا عبارة عن جيب جينز وطرح لف كبيرة وكنت متخيله كده ان انا فى شدة الالتزام وكنت دايما ماشيه بالمطويات والشرايط فى الشنطه اوزع منها فى كل حته

وكنت طول السنه دى مخططه انى احول هندسة الزقازيق عشان افضل مع اخواتى "اللى هم الاخوان"

وقدر الله انى شلت مادتين… فطبعا مينفعش احول

المهم فى اول السنه التانيه وانا راجعه من الزقازيق لبورسعيد كنت حزينه اوى اوى لفراق الاخوات وفضلت طول طريق السفر ابكى وادعى الله انى اعرف احول وانى اتعرف على اخوات فى بورسعيد "طبعا كنت مسافره بدون محرم" لانى مكنتش اعرف ان لا يجوز سفر المرأة الا مع ذى محرم

وصلت بورسعيد على المغرب وكان فى رمضان فطرت ونزلت اصلى التراويح

وانا فى المسجد خبطت فى واحده فزعقتلى جامد

فكنت على وشك البكاء

واحده تالته شافت اللى حصل فنادت عليه: اسمك ايه انتى منين والكلام ده

وفى اخر الكلام قالتلى انا عازمه اخوات على الفطار يوم الاتنين الجاى ياريت تيجى معاهم وبعد الصلاة قالتلى استنى لما اشاورلك على البيت

وروحت وانا مش فى دماغى انى اروحلها خااااااااالص لانى اكيد وانا مغتربه مش هروح بيت معرفوش

عدت الايام وجه يوم الاتنين ورجعت من الكليه صليت العصر وقلت انام…….وبعدين افتكرت الاخت اياها… سبحان الله معرفش ايه اللى قومنى… صليت استخاره اروح ولا ﻷ

وبعد صلاة الاستخاره وبعد حيره شديده لقيت نفسى قمت ولبست ونزلت جرى عشان الحق اروح

وصلت العماره ووقفت تحت وانا خايفه اطلع وبعدين لقيت 3 اخوات والله كنت عمرى فى حياتى ما شوفت زيهم قبل كده

لابسين اسود فى اسود وهدوم واسعه قوى وبتجرجر فى الارض ومش باين منهم اى حاجه ولا حتى عنيهم

اول ما شفتهم حسيت بحاجه غريبه اوى اوى جوايا

المهم دخلنا للاخت وهى بتحط الفطار اتكلموا معايا

فأول حاجه قلتهالهم وكنت بقولها بكل فخر "على فكرة انا من الاخوان المسلمين"

يعنى بالبلدى كده محدش احسن من حد انا برضه ملتزمه زيكم

لقيتهم ابتسموا كلهم لكلامى وسكتوا

قعدت الح عليهم انتو ضحكتوا ليه انتو ضحكتوا ليه

فقالتلى واحده منهم بمنتهى البساطه : ضحكت عشان انتى فرحانه انك من الاخوان

قلتلها مش فاهمة قعدت بقه فهمتنى واتكلمت معايا كتييييييييييير عن الجماعات والسلفيه وووو

وسبحان الله كان اول مره برضه اعرف الكلام ده

وروحت وانا مصدومة…… وفضلت كذا يوم دماغى هتنفجر من كتر التفكير

وبعدها اتصلت بيه وقالتلى تعالى معانا الاعتكاف فى المسجد الفلانى

طبعا طبعا خوفت ومروحتش

وجريت على بلدى ومرجعتش غير بعد العيد

رجعت تكلمنى تانى وعزمتنى على الغدا وبعد الغدا قالتلى فى درس للشيخ فلان انهارده تيجى معايا

والشيخ ده كان من طلبة الشيخ مصطفى العدوى

روحت معاها ولما بدأ الشيخ لقيت كل الاخوات ماسكين اقلام وعمالين يكتبوا ورا الشيخ ومفيش ولا واحده رفعت عينها من على ورقها وبدأت اسمع الشيخ وكان درس فقة "فقة الحج"

وطبعا مفهمتش اى حاجه ومعرفتش اكتب ورا الشيخ اى حاجه

بس كنت مستغربه اوى اوى

ناس غير الناس ودنيا غير الدنيا ولقيت فرق كبييييييير وغريب بين اخوات الزقازيق واخوات بورسعيد

وتانى يوم روحت معاهم درس عقيده فى معهد اعداد الدعاه

وقعدت قارنت بين درس هنا ودرس هناك والحال هنا والحال هناك

ومن هنا كانت البداية

والحمد لله تركت الاخوان وسلكت طريق طلب العلم الشرعى

وبدأت طريق الاستقامه ولله الحمد

وبدأت معاناتى مع النقاب

ابويا وامى كانو زى كل الناس اياميها

كانوا متاثرين بالاعلام دا غير الجهل دا غير مشايخ التلفزيون والكلام ده

المهم حبيت البس الخمار "واخدين بالكم الخمار"

طبعا ابويه بهدل الدنيا وقطع الخمارات اللى اشتريتها وقلب البيت كله

نشفت دماغى ومسكتش غير لما لبست الخمار

بس كنت على قد ما اقدر احاول مظهرش فى وشه

اصله كان بيتعصب اوى اوى ويتحرق دمه لما يشوفنى لبساه

دا غير بقه التغيرات اللى جايه مع الخمار

مبسلمش على رجاله مبسمعش اغانى مبقعدش معاهم اتفرج على التلفزيون…… والكلام ده كله

كان جديد فى بيتنا… جديد فى بلدنا كلها

طبعا كنت فى نظر بابا اتحولت لارهابيه وانضميت لجماعه من الجماعات والكلام ده
طبعا كان نفسى البس النقاب بس كان مستحيل اعرض على بابا الكلام ده

وفى الوقت ده قدر الله انى سقطت فى الكليه

وطبعا بابا ربط ده بده على طول وفعلا كانت من اشد الايام فى عمرى

روحت محوله من قسم ميكانيكا دخلت سنه اولى من تانى بس بحريه

وساعتها خلاص عرفت ان النقاب فرض واتاكدت من كده وخلاص لا يجوز انى امشى سافرة الوجه

فقولت لبابا عايزه البس النقاب

متتخيلوش البهدله اللى اتبهدلتها عشان عايزه البس النقاب

بابا ضربنى ضرب غريب الشكل لدرجة ان جسمى كله كان معلم

وشال الشرايط كلها رماها فى الزباله والكتب كلها حرقها وكل الخمارات قصها بالمقص والجونتيات كمان وحبسنى فى البيت لحد معاد السفر

سافرت للكليه وان خلاص كأنى طالعة من المعتقل حبس وتعذيب وقهر نفسى

طب وبعدين لازم حل مينفعش اخرج فى الشارع بوشى اعمل ايه

توكلت على الله ولبست النقاب

بس من غير ما حد من اهلى يعرف طبعا

رجعت فى اجازه من الاجازات وكان لازم اخويا يعرف لانه هو اللى بيسافر معايا

وربنا يصلح حاله ويبارك فيه ويرزقه الفردوس الاعلى وقف معايا وساعدنى

كنا نسافر بليل متاخر ولما نوصل اخلع النقاب فى الشارع قدام البيت وارميه وسط الشجر وادخل البيت وافضل محبوسه او حابسه نفسى طول الأجازه لحد معاد السفر اخرج وانا شايله النقاب فى استك الجيبه تحت الخمار ولما ابعد عن البيت شويه اطلعه البسه فى الشارع

وفضلت لبساه على الحال ده 4 سنين

عارفين يعنى ايه اربع سنين

اربع سنين بدخل واخرج زى الحراميه

وطول الفتره دى طبعا بطلب العلم الشرعى وكمان فى الاجازات لما اروح عند بابا كنت اجيب المجموعات العلميه واقعد افرغها كتابه

وطبعا طول الأربع سنين دول كل فتره اطلب من بابا انى البس النقاب ويرفض

وقفشنى فى الاربع سنين كذا مره

وكنت لما بتقفش كان بيبهدلنى

والله مره من المرات فضل يضرب فيه لحد ما اغمى عليه من الضرب

وتعبت خالص واتنقلت المستشفى

واخواتى قالولى انه حتى بعد ما اغمى عليه فضل يضربنى لحد ماشالونى من قدامه

وطبعا هو كان فى الايام الاخيره حاسس انى لبساه بس مش عارف يعمل ايه

فكان منكد عليه لو لقى المطبخ مش نضيف يدخل يدينى 4 اقلام على وشى

لو حاجه اتكسرت يقوم يضربنى

كنا 6 اخوات محدش كان بيضرب غيرى

والله حتى لما حد من اخواتى يغلط انا اللى كنت بضرب

وسبحان الله بعد 4 سنوات مكن الله ليه

اه نسيت … طوال لالربع سنين غير بهدلة بابا دى كنت متبهدله برضه فى بور سعيد

اطردت من المدينه

وبعدها اطردت من دار المغتربات

وبهدلة الكلية والدكاتره

ومشاكل الامن

لدرجة مره مديرة الدار حكمت عليه مخرجش من اوضتى خالص غير للحمام بس

وبعدها كانت عايزه تمضينى على اقرارات عدم التحدث فى الدين مع طالبات الدار وبعدها طردتنى

واتبهدلت والله بهدله لدرجة ان فى ايام مكنش فى حته ابات فيها

وكنت خايفه اقول لبابا ﻷن سبب البهدله دى انى منتقبه وابى ميعرفش ومينفعش يعرف

بس الحمد لله فتح الله عليه "بس دى قصه تانيه خالص وطويله"

وعلى فكرة ده مش حالى لوحدى

والله انا واكتر من 10 اخوات غيرى كنا فى عذاب

واى عذاب.. بهدله واهانه وطرد

والله فى اخت كانت من الفلاحين وكان ابوها بيبيتها على السطوح "سطوح فاضى خالص"

وفى عز البرد ومكنش بيطلعلها اكل خالص

وفى الاخر تظاهرت بالاستسلام ولبسته فى السر برضه

واخت كان ابوها محامى وكان مبهدلها بجد وقالها لو مخلعتهوش شوفيلك حته تانيه عيشى فيها وهى راجعه من الكليه راملها شنطتها وطردها وقالها متجيش هنا تانى

وفى الاخر برده لبسته من غير ما يعرف

والله كان اشبه بكفاح

كنا اكتر من 10 كلنا لابسينه فى السر وكلنا كانت لينا قصص لو قعدت احكيها مش هيكفى

وكلنا شفنا ايام محدش شافها

المهم زهق بابا من اللى بيعمله فيه وفقد الامل فى انى اتغير وبقه يعمل نفسه مش عارف انى لابسه النقاب

وفضلت سنتين لبساه وهو عارف بس عامل نفسه مش عارف

وفى السنتين دول عرفت اطلع من بيت بابا واخرج وازور الاخوات والحمد لله فتح الله عليه باب الدعوه وفضلت السنتين دول اعلم الاخوات اللى اتعلمته فى بورسعيد

والحمد لله نشرت المنهج السلفى فى بلدى

ووضعت اقدامهن على الطريق

وشرحت لكثير من الاخوات كتاب الثمرات الزكيه فى العقائد السلفيه للشيخ احمد فريد

مع شوية فقه مع مصطلح واصول فقه

وده كان حاجه كبيره فى بلدنا لان بلدنا مفهاش علم شرعى خااااااااااااالص

والحمدلله بعد 6 سنين من النقاب من الله عليه بزوج صالح وتزوجت ورزقت ببنت

وفتح الله عليه والف بين قلبى وقلب ابى وفتح على ابى واهلى جميعا

سبحان الله 7 سنوات بالنقاب اولهن شدة واخرهن فرج……. وأى فرج والله

فعلا .. كلما ضاقت حلقاتها فرجت

وسبحان القائل

((الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))

وصدق تعالى حين قال

و من يتق الله يجعل له مخرجا و يرزقه من حيث لا يحتسب

معلش حاجة برة الموضوع

بالله اى واحد عنده بنت او اخت أوعى تغربها

ولو ايه الاسباب

خليها معاك احسن عشان وهى معاك هتعرف تحافظ عليها

إخواني الكرام…هذا موضوع منقول كتبه أحد الإخوة جزاه الله خيرا
فلا تنسوه من صالح دعائكم
وقد نقلته إليكم لما رأيت استهزاء البعض بهذه المظاهر ..بين متهكم!!..ومن زاعم أنها لا تعنيه..!!..بحجة أنها من قشور الدين وإذا تكلمت معه أشار بيده إلى قلبه متبسما شامخا رأسه قائلا : الإيمان هنا !!!!!//
وبما أن الإعتقاد والعلم قبل القول والعمل إليكم الموضوع :

اللحية والإزار سنن من سنن المصطفي عليه السلام أنقسم المسلمين اليوم حولها تقريبا إلى أربعة أقسام
1- طائفة رأت أنها واجبة امتثالا لأمر النبي صلى الله عليه و سلم يأثم من تركها ((راي جمهور العلماء ))
2- طائفة لم تر وجوبها أي ( من قام بها مأجور ومن لم يقم بها ليس عليه أثم )

3- طائفة أنكرت هذه السنة أو أولت أدلتها
4- طائفة رات أمر هذه السنة (اللحية والإزار) غير مهم إن كان ثابتة أوليس عليها دليل من الشرع فهي من القشور والفائدة في اللب ومجرد النقاش حولها مضيعة للوقت ويقولون ((ان العالم وصل للقمر ونحن نضيع وقتنا في النقاش حول سفاسف الامور يعني توافه الامور ))
والقسم الرابع والاخير هو الذي يدور حوله موضوعنا هذا والله أعلم هو أخطر معتقد على صاحبه والمجتمع المنتمي إليه
لمــــــــــــــــــــــــــــ ــــــــــــــاذا ؟

لان أصحاب هذا القول أدخلوا تقسيم جديد على الشرع فالشرع مقسم ما بين فرائض وأركان وواجبات يجب على المسلم القيام بها وأتباعها وبين سنن ومستحبات يؤجر عليها المسلم قدر ما أتى به منها ولا يأثم تاركها ويكون هذا التقسيم حسب الدليل الشرعي من كتاب الله عزوجل ومن سنة المصطفي عليه السلام بفهم سلفنا الصالح الى خلفنا من العلماء الربانيين حسب الدليل وليس حسب الاهواء قال تعالى (( وَأَنْزَلْنَا إِلَيْكَ الْكِتَابَ بِالْحَقِّ مُصَدِّقًا لِمَا بَيْنَ يَدَيْهِ مِنَ الْكِتَابِ وَمُهَيْمِنًا عَلَيْهِ فَاحْكُمْ بَيْنَهُمْ بِمَا أَنْزَلَ اللَّهُ وَلَا تَتَّبِعْ أَهْوَاءَهُمْ عَمَّا جَاءَكَ مِنَ الْحَقِّ لِكُلٍّ جَعَلْنَا مِنْكُمْ شِرْعَةً وَمِنْهَاجًا وَلَوْ شَاءَ اللَّهُ لَجَعَلَكُمْ أُمَّةً وَاحِدَةً وَلَكِنْ لِيَبْلُوَكُمْ فِي مَا آَتَاكُمْ فَاسْتَبِقُوا الْخَيْرَاتِ إِلَى اللَّهِ مَرْجِعُكُمْ جَمِيعًا فَيُنَبِّئُكُمْ بِمَا كُنْتُمْ فِيهِ تَخْتَلِفُونَ (48) المائدة
وقال تعالى (( شَرَعَ لَكُمْ مِنَ الدِّينِ مَا وَصَّى بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَى وَعِيسَى أَنْ أَقِيمُوا الدِّينَ وَلَا تَتَفَرَّقُوا فِيهِ كَبُرَ عَلَى الْمُشْرِكِينَ مَا تَدْعُوهُمْ إِلَيْهِ اللَّهُ يَجْتَبِي إِلَيْهِ مَنْ يَشَاءُ وَيَهْدِي إِلَيْهِ مَنْ يُنِيبُ (13) الشورى
وقال تعالى (( وَمَا كَانَ الْمُؤْمِنُونَ لِيَنْفِرُوا كَافَّةً فَلَوْلَا نَفَرَ مِنْ كُلِّ فِرْقَةٍ مِنْهُمْ طَائِفَةٌ لِيَتَفَقَّهُوا فِي الدِّينِ وَلِيُنْذِرُوا قَوْمَهُمْ إِذَا رَجَعُوا إِلَيْهِمْ لَعَلَّهُمْ يَحْذَرُونَ (122) )) التوبة
فامور الشرع لا تكون إلا بالدليل الشرعي وليس تبعا للأهواء
قال تعالى (( أَمْ لَهُمْ شُرَكَاءُ شَرَعُوا لَهُمْ مِنَ الدِّينِ مَا لَمْ يَأْذَنْ بِهِ اللَّهُ وَلَوْلَا كَلِمَةُ الْفَصْلِ لَقُضِيَ بَيْنَهُمْ وَإِنَّ الظَّالِمِينَ لَهُمْ عَذَابٌ أَلِيمٌ (21) الشورى

وفي الحديث عندما سأل ضمام بن ثغلبة رضي الله عنه رسول الله عليه السلام عن الاركان الخمسة للاسلام قال في أخرها فأنا ضمام بن ثعلبة أخو بني بكر بن سعد .. وإني أشهد أن لا إلـه إلا الله .. وأشهد أن محمداً عبده ورسوله .. وسأؤدي هذه الفرائض .. وأجتنب ما نهيتني عنه .. لا أزيد ولا أنقص ..
ثم انصرف خارجاً من المسجد .. راجعاً إلى بعيره ..
فقال رسول الله صلى الله عليه وسلم حين ولى : " إن يصدق ذو العقيصتين .. يدخل الجنة " وأصل القصة في البخاري

وأعظم ما يأجر عليه المسلم هو أداؤه لما هو مفترض عليه ثم ماتطوع به لله قال صلى الله عليه وسلم ((وما تقرب إلي عبدي بشيء أحب إلي مما افترضت عليه ، و لا يزال عبدي يتقرب إلي بالنوافل حتى أحبه ، فإذا أحببته كنت سمعه الذي سمع به و بصره الذي يبصر به ، و يده التي يبطش بها و رجله التي يمشي بها و لئن سألني لأعطينه ، و لئن استعاذني لأعيذنه ))- رواه البخاري .

وحتى التطوع في أمور العبادة لا يكون إلا بدليل دلت عليه السنة المشرفة لإن العبادة أمر توقيفي أي لا يعبد الله إلا بما شرع

أما هذه الطائفة فقد قسمت الدين إلى قسمين إلى لب وقشور !!
كما يقولون أو كما يزعمون الفائدة بصلاح الباطن ولا يهم كيف يكون ظاهر عمل المسلم المهم نيته من هذا العمل وليس الكيفية!!!!!!
فلهذا لم يناقشوا أمر سنة رسول الله عليه السلام في اللحية والإزار من حيث الدليل الشرعي وهل هي واجبة أو مستحبة أو بطلان أدلتها بل أعتبارها من القشور التي لا يجب تضيع الوقت في النقاش حولها حتى ولو قام الدليل حولها فيقولون هل لم يبق من الدين إلا اللحية والازار ويقولون العالم وصل إلى القمر ونحن نناقش في أمر اللحية والإزار !!!!

وللرد على هذه الطائفة :
1- لو أن الادلة الشرعية أثبتت وجوب إعفاء اللحية ورفع الإزار (وهو ما تفق عليه جمهور العلماء )) فهل يكون عند هذه الطائفة الامر الواجب في الدين
من سفاسف الامور ومن القشور ؟

2- هل الذي يرضي علينا ربنا ويدخلنا به جنته إقامتنا لأمر أوجبه علينا من الدين أو الوصول للقمر ؟؟؟
((ويظهر جهل هؤلاء المركب عندما جهلوا أننا أمرنا بتعمير الارض وليس القمر ))؟؟؟
وفات هؤلاء أن أقل مراتب الدين وهي المستحبات والتي لا تصل إلى درجة الاركان والواجبات والسنن المؤكدة خير من الدنيا وما فيها
ومالقمر بالنسبة لديننا ؟
3- هل المحلقين والمسبلين منا وصلوا للقمر عندما خالفوا أمر ربهم ؟
4- نعم شرائع الدين كما ذكرنا مراتب ولكن نعوذ بالله أن نعتقد أن من ضمن أمور ديننا ولو كانت مستحبات هي سفاسف وحاشا ان ياتي رسول الله عليه السلام بأمر لا أهمية له
ويكيفيها أهمية عندنا ثبوتها عن رسول الله صلى الله عليه وسلم لنجعلها معظمة قال تعالى (( ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ (32) )) الحج
5 -شاع في الاونة الاخيرة الكثير من قصص الغش والخداع وماشابهه قام به أناس من أصحاب هذه الهئية فجعلوها دليلا على صدق معتقدهم
وللرد على هذا القول :
أ- إن صحت هذه القصص فهذا دليل على مكانة هذه السنة بين الناس وتقديرهم لها لان المنافقين لا ير**** إلا موجة من كانت له مكانة أو جاه أو سلطان
ولهذا ظهر المنافقون في المدينة في عهد رسول الله عليه السلام بعد أن أعز الله المسلمين بالهجرة واصبحت لهم مكانة
ب- وإذا لم تصح هذه القصص فمثل مبتذلها وناشرها كمثل اليهود والنصارى في فعلهم في هذا العصر وكل عصر بقيامهم بتشويه الاسلام
وتصوير المسلم الملتزم بدينه بأسواء الصور في أخلاقه ومظهره

السؤال:

تقول السائلة: نحنُ في زمن الفتنة وبحاجة ماسَّة إلى نصائحكم الرَّجاء إجابتي على سؤالي؛