الوسم: القازوز

سلام جربوها وردولي بصح هي مليحة فالسخانة للاسف طولت عليكم علا خاطر مالقيتش الصور
المقادير*قارورة قازوز برتقال او ليمون او فراولة كيما تحبو برك هاداك نتاه 20دج

8ملاعق نشاء مايزينة*1ملعقة فرينة*السكر حسب الرغبة ليس ضروري حوالي 4-6ملاعق
سكر رطب او ناعم للتزيين
التحضير*ضعي القازوز السكر الفرينة النشاء في كسرونة وخلطيهم بالملعقة الخشبية مليح ثم ضعيهم على نار هادئة واصلي التحريك دون توقف حتى يثقل المزيج وتطلع فقاقيع كيما الكريمة اطفئي النار وافرغيه في مول مرشوش بالنشاء وسوي سطحه خليه حتى يحكم روحو حوالي 5-10 دقائق ثم ضعيه في الثلاجة يبرد ويشد روحو مليح عندما تريدين تقديمه اخرجيه اقطعيه معينات او مربعات وذرذري فوقها السكر لرطب وضعيها في حاويات ورقية des caissetes:yahoo:وتقدم باردة مع المشروبات

يعطيك الصحة هادي نفس الوصفة لينستعملها وكي ديريها طبقات الوان تجي اروع

كاين منها هده الوصفة الغريبة اريد ان اجربها لكني خائفة من النتيجة

سلام غير جربيها انشاء الله تخرجلك كيما تخرجلي انا *جامي تقولي راني خايفة مانحبش نسيي حاجة بلعكس جربي مرة واثنين حتى توصلي ربي معاك انشاء الله وادا حابة اي وصفة ولا سمعتي بيها قوليلي برك بصكو عندي بزاف افكار وبزاف طرق للحلويات اطلبي وانا نجرب كان عندبالي راجل من اسم عضويتك تقبلي تحيات اخت في الله:yahoo:

merciiiiiiiiiiiiiiiii

بارك الله فيك يا اتقى قلوب المنتدى نعم انا سيدة عاشقة للحلويات و يشرفني كامل الشرف ان اتعلم من اخواتي مثلك كيفيات لكني طلبت من كل عضوة ادا ممكن اعطائي الوصفة الخاصة بالقوالب المربعة التي تشبه قوالب القنيدلات او الدزيريات

شكرا اختى انا مجربتها بطبقات تطلع شابة

للاسف منعرفوش سمعت بيه لكن لا ادري كيف

والله ياأختي مام انا سمعت بيه من عند وحدة صحبتي
بصح باه نسقسيها كيفاه عملاتو نسيت و مجاتش في بالي
لي عودة لموضوعك بمشاركة اخرى ان شاء الله
صحا عيدك

اسفة ما سمعتش بيه

انا نعرف نخدمو اعطيني وقت ضرك مزروبة وان شاء الله نكتبو لك يجي هايل

ارجوكي اعطيهولي راني نسنى فيك

انا ثاني حابة نعرفو وجزاها الله خيرا اللي تقوللنا عليه

حتى انا حابا نعرفو رانا نستناو فى وليد و سلمى

المقادير
3 بيضات – كوب سكر عادي – كوب زيت – ربع كوب عصير ليمون – كوب قازوز من النوع الأبيض – قشور ليمونة 2 ملاعق كبار خميرة كيمائية – 3 أكواب فرينة (دقيق أبيض.
التحضير
نخلط البيض و السكر جيدا بالخلاط الكهربائي ثم نضع الزيت تدريجيا و نواصل الخلط و بعدها نضع عصير ليمون ثم نضع القازوز و الفانيليا و نضع الفرينة و الخميرة المنخولين و نفرغ فى قالب مدهون بالزبدة و نضعه فى الفرن

بارك الله فيك

بارك الله فيك اختي فكرة مليحة heer:

Merci bcp khti fikra hayla

شكرا لكن على المرور

و فيك برك عزيزتي

machkoura okhti

c bien merciiiiiiii

تشرفت بمروريك

السلام عليكم ليوم جبتلكم وصفة العسل نتاع القازوز الأصفر هذا العسل بنين بزاف ونعسلو بيه الحلويات والبغرير الطمينة والرفيس نبداو على بركة الله
المقادير
لتر قازوز أصفر
2 كيسان ماء
3كيلوا سكر
مورسوا نتاع الشب
التحضير
نحط 2 كيسان ماء في كسرونة فوق النار مع الشب لما يذوب الشب نضيفلوا القازوز عندما يغلي الخليط نضيفلوا السكر ونحرك مليح منخليش السكر يهبط للقاع ونخليه يغلي لما يولي في مرحلة الغليان القصوى نطفي عليه مع التحريك نغلق علية حتى لغد منذاك نستعملوا وراح يعطي بنة خاصة

إنشاء الله تعجبكم الوصفة
متنساوش تدعولي

هذ فكرة مليحة نجربوها و نشوفو يعطيك الصحة.

ولكن انتي ستعملي كمية قليلة من الشب والنتيجة بإذن الله تكون هايلة وبالعكس الشب عندو فائدة كثيرة

مشكورة على الطريقة يعطيك الصحة

يعطيك الصحة
لكن ممكن نغير الشب بالقارص
انا ما نحبش دوق الشب

ماقلتيناش واش من قازوز
ويخرج ثقيل ولا خفيف

راني كتبتلكم قازوز أصفر واللي هو نتاع الليم وهو يخرج كما العسل لكن عندو ذوق أحسن

مشكورة