خربشة فكاهية مهداة للمؤيدين والمعارضين للتحليل .
من شدة ما اصابني هذين اليومين من ألم في الراس بسب زوبعة التحليل الواقعي ، والتحليل الافتراضي ، والتحليل الشركي ،،، حتى كدت اصدق ان الشمس قمرا ، والقمر شمسا .
وليت نشك ،، ونشوف في كل عضو خيال ووهم ( راهو هو هو ،، والا هي هي ،، والا لا هو ولا هي
انا هو سراب ومثالية ،، وقررت حينها قرارا ابديا ،،،
فتولدت عندي حساسية فكرية ونبتولي القرون في راسي ،، والشعر في رجلي ،، ووليت اندير في الخواطر ،، والكلمات الشعريه ،،، لكنها ليست ادبية
انما هي نفسية ،، وعلى الاصح خربشات مودع صروحا ثقافيه ..وهذه واحده ….
"حليل" وما أدرك ما حليل ،، أحيانا يدلعوه يقولولو " حلول " على وزن جلول.
باه يولي حلو ،، ويتسرط بسهولة بلا مضغان ،، وتقبل الأم "عقيلة" بيه وتزوجو "بنتها "شخوص" العاقلة الحنونه.
جني مارد من كبارالعفاريت ،، ويا حليل من "حليل" اذا دار بواحد ، وجل
عشقو في وحده يسموها "شخوص" ويدلعوها بشخوصة .
وحسب الأخبار الواردة من مصدر أمني موثوق أن أصل "حليل" يهودي ، أو علج
من العلوج امو يسموها " فرودة على وزن فروجه" ، وباباه يسموه "لاكان" الفرنسي ،، واش برك كي بعثوه نحولو الكوستيم ، ولبسولوا لبست عربي باه يجي زين في عيون الأنوشات ، ومهمته بسيطه الإعجاب بكل أنثى "شخوص " والزواج بيها ،، وإذا رفضت وتعصت عليه يهلوسها ويوسوسها ويخليها هكذاك في حوال وتهوال.
ومن طبيعتو يموت على "شخوص" خصوصا كي تتزين وتلبس الفستان القفطاني النفيس النفساني ،، وتلبس لحمر وتحط لحمر وتتبختر فلحمر "لون الرومانسية" .
( اقصد التحليل النفسي ،، العاطفي ،، روحاني ،، فوقاني "تنجيم").
كي يغير يساميها يخبطها ويتلبس بيها وتتصرع ، وتتخبط في جميع الجهات،، وما يطولش بيه الحال ، يقرر يزوج بيها وتحمل حملا ثقيلا ،، ويسموها أم الكروش.
ويعطيك ربي يجيب غير التوام متاع لبنات :
وهذي أسماؤهم ما تتبدلش في الغالب الغاشي اكل يعرفهم :
وحده يسموها " دجيلة" ،، والأخرى "خريفة " أو " عريفة".
والأخرى يسموها " كهينة" والأخرى "شعيذة".
ومره مرة يجيب طفل يسموه " نجيم ".وكي يولد ديمه يحب صاحبو الروح بالروح "كذيب".
والخطاب كل يوم واحد ورى واحد يخطبو ويعاودو ،، واللي يخطب يتخبط ،، والناصح النذير "احمدو"
ينصح فيهم ويعاود يا حبابي ردو بالكم لا تغركم زينة "دجولة " ولا كهينة " ولا " خريفة" راهم
بنات امهم يسموها " كفرونة " واش من خير يجيكم منها ومنهم اهربو انجو برواحيكم من السعير.
وإذا شاف " أدوبة " و لصق فيها ، تولي في حوال تجول وتهوم في كل واد ، خصوصا إذا كانت شربت محلول "شعور" يولي يغيب عنها الحس والشعور. (تحليل أدبي// متعلق بالشعر).
ترجمة المصطلحات : 
أحمدو = محمد رسول الله صلى الله عليه وسلم.
حليل بالضم = تحليل.
شخوص = شخصية .
عقيلة = عقل .
فرودة = فرويد .
لاكان = عالم نفس فرنسي.
دجيلة = دجل .
ادوبة = أدبي.
كفرونه = الكفر
محلول شعور = قالت الشعر.
ارجو ان تنال اعجابكم ،، وتنحي عليكم شويا عصبية ، فهي دواء للحساسية العقليه .
العمدة = دمتم سالمين من العين والتحليل والتعليل.
و ضحكت و في نفس الوقت عجبني بزاااف الاسلوب الي جبتو
قدرت تخربش كما يلزم و قدرت توصللنا العبرة
يعطيك الصحة 
انا من عشاق هذا القلم
و يسعدنا انو يكون في لمتنا
بوركت اخي و نشكرك على كل ماتقدمه لنا
|
مشكورة اختي فلة على المرور الجميل والتعليق .
انوصيك ونحذرك من "حليل" اذا دار "بشخوصة" خصوصا كي تلبس النفس والنفيس الملون بالاحمر
حذار ثم حذار خط احمر ،،، سريع الالتهاب ،،، سريع الانفجار ،، اشعة ومواد كمياوية.
ما سبق هو ترجمة لهذه العبارة : ….. (( تحليل الشخصيات النفسي )).
المبني على التكهن والعواطف والنجوم …
|
ارجو ان تنال اعجابكم ،، وتنحي عليكم شويا عصبية ، فهي دواء للحساسية العقليه .
العمدة = دمتم سالمين من العين والتحليل والتعليل.
ضغط كبير نعاني منو
بارك الله فيك
وجهٌ آخر لقلم العُمدة جعلنا نكتشفه
ونستمتع به أثناء القراءة
لاتحرمنا من مواضيع جديدة بأساليب جديدة علينا هنا في اللمة
بارك الله فيك
ياشخوص
أحسنت عملا كي شرحت لنا الهدرة
خاطراش ما فهمتش والو على الأول
بصح والله الحكاية تهدر على الوآقع اللي نحنا فيه
شكرا لك أخي العمدة على المووضوع
راني هدرت هدرة صغيرة خاطراش الموضوع ماشي تاع نقاش
لوكآن جا تاع نقآش كنت هدرت قدقد
تسلم يديك أخوونآ آلعمدهـ
بأنتظآآآآر موآآآضيعكْ آلجديدةة آلرآآآآآآئعه دائما
دمت مبدعًا لنا ..
في آمـأإن الله
|
لك الشكر اختي موصول .
واذهب الله عنك الاحزان والهموم.
هي خربشة افرغتها ،،،، للتخفيف على الدماغ من الضغط..
ودمتم سالمين.. سالمين من كل ضغط وعين.
|
مشكورة رايان على المرور .
وتسلم اياديك انتي.
ودمتم سالمين ،، سالمين من كل شر وعين.
