اليوم عملت حلوى الملفوف لكن بوصفة جديدة تختلف عن الوصفة السابقة وتجي احسن منها ذوقا وشكلا
المقادير
العجينة:
400غ مرقرين،200غ زبدة ستار،كاس سكر رطب،4بيضات الصفار نعملوه في العجينة والبياض في الحشو،2خميرة،فاني،كيلو فرينة،9ملاعق كبار حليب
الحشو:
2كاس نواد كوكو،كاس سكر رطب،4ملاعق كاكاو،4بياض بيض،كمية من الماء
الطريقة:
نحضر اولا الحشو نخلط النوادكوكو والسكر رطب والكاكاو ونرحيهم في الروبو وهذا لتسهيل عملية بسطه على العجينة نحط في اناء ونضيف بياض البيض وكمية من الماء لازم الحشو يكون
مطلوق شوية لتسهيل عملية بسط على العجينة
من جهة نحضر العجينة نخلط المرقرين والزبدة والسكر نخلط جيدا ثم نضيف صفارالبيض والحليب ثم الفاني والخميرة والفرينة
نقسم العجينة على ثلاث او اربع كرات
نستعمل النايليون نرش بشوية فرينة ونبسط العجينة بالحلال وممكن نرش شوية فرينة على الحلال لتسهيل عملية البسط ونرقها على قد ما نقدر كما هو موضح
://
ثم نضع كمية لاباس بها من الحشو ونبسط على العجينة
https://
نبدا نلف العجينة غير بالعقل ونحسب 6لفات ونقطع
https://
نتحصل على حربوش كما في الشكل
https://
بعد ما نكمل العجينة نحط الحرابش في الثلاجة لتسهيل عملية القطع
بعدها نقطعهم مربعات وندخلهم يطيبو في الفرن على درجة حرارة 180درجة لما يطيبو من الاسفل نشعل من فوق حتى ياخذو لون خفيف فقط
https://
ما يبردو تماما نغطسهم في شكولة مذوبة على حمام مائي ونزينهم من فوق حسب الرغبة وهذا شكلهم النهائي
https://
وهذا شكلهم من الداخل
https://
تسلم الايادي ام اماني
لكن اذا امكن هاذ الكمية شحال تطلع من حبة
ولو بالتقريب
مشكورة
وشكرا ع الطريقة والشرح بالصور
سلامي
اختي عفاف العدد يكون على حساب حجم الحبة انا قطعتهم صغار خرجلي تقريبا 70حبة
عفاف تسقسي غير شحال من حبة يا مصيبة راه يبان يقطع هه
مزيـــــــــــــد من الإبدآع
**
عندي 2 وصفات تاع الملفوف هزيتهم من النت
بصح تاعك تبان هايلة
يعطيك الصحة ++ تقييم
بارك الله فيك
شكرا ليك
