-أولا حمص منقوع ليلة كاملة ومطبوخ في قليل من الملح تخليه يبرد
-ثوم حسب الرغبة
-ملح
-عصير ليمون تقريبا نصف كأس أو أكثر بقليل حسب الكمية
1-علبة روب أو بيتيسويس
-و3ملاعق كبار طحينة(على حسب الكمية)
وهذا شكلها هي مهمة جدا لولالـها مايخرجلكش الحمص بطعمو الحقيقي,,
والقليل من الماء البارد يعني عينك ميزانك لما تكوني تحطي في الماء صحن كبير ممكن نصف كأس ماء باش تتقرب لكم الصورة
شرطو انو يكون جامد في النهاية
طريقة التحضير :
حطي الحمص واطحنيه في الميكسور ولا لي موالفة تخدمي بيه
لما يطحن اضيفي المكونات لي ذكرتها شوي شوي حتى تكملي وتتحصلي على حمص جامد
بعدها حطيه في صحن وزينيه بزيت الزيتون ممكن تعمليه مُشكل يعني صحن نصفو حمص ونصفو زيتون مقطع ونصفو بطاطة مقطعة صغيرة وهكذا…
وهاذي النتيجة يستاهل في الحقيقة تجربيه يؤكل مع الخبز اللبناني أو السوري
ملاحظة: راهو مايصبرش يعني لازم تاكليه في اليوم لي خدمتيه فيه
لما تخدميه ديري الكمية لي تقدري تاكليها برك واذا بقا ارميه ماتخليهش للغد…
^^
ان شاءالله يعجبكم
هايلة يعطيك الصحة
وكيما قلتيها ضربة بضربة لزيادة الوزن
ان شالله نجربو لضيافي ونوافيكم بالصور
مي ما نيش عارفة الطحينة هاذي موجودة ولا لالا
|
بصحتك ابتسام هههه نحي منو زيت الزيتون كي تخدميه ^^
|
يسلمك حنونة ماتكثريش زيت الزيتون وماتاكليش نهار كامل ههه
مافيهش سعرات حرارية بزاف,،،
والطحينة شوفي عليها يمكن تلقايها ونظن رايحة تلقايها راهي شحال من نوع مش شرط هادي المهم تكون مكتوب عليها طحينة
|
|
مرسي فوفة على المرور (:
