المقادير : نأخذ حوالي رطل لحم مرحي مع نصف حبة بصل + فلفل اسود ومعاه +ملح +2سنات ثوم+ معدنوس +4حبات بطاطا حجم كبير + 6 حبات جبن عادي + 8 حبات بيض
لصوص : عادية مافيها والو غير نصف حبة بصل + قليل من زيت + شوي ملح + فلفل اسود + 2 كيسان ماء
التحضير : اقلي اللحم المرحي مع شوي فلفل اسو د و نصف حبة بصل وسنات ثوم كي يطيبو زيدي فيهم المعدنوس المقطع من جهة حضري لصوص نتاعك نصف حبة بصل شوي ملح وشوي فلفل اسود والماء وبالطبع معاها شوي زيت كي تغلي المرق لوحي فيها اللحم المرحي لي قليتيه وزيدي لوحي فيه 6 حبات فرماج وخليها تخثار تولي عاقدة حطيها في جهة و قشري بطاطا وقطعيها دوائر واقليها في الزيت
ثم خذي صينية فرن ديري اول حاجة 4حبات بيض في صينية فرن مع شوي معدنوس وقليل من ملح ماشي بزاف ثم ديري البطاطا المقلية دوائرثم ديري العقدة نتاع اللحم المرحي و الفرماج ثم البطاطا المقلية من فوق ثم 4 حبات بيض مع شوي معدنوس و قليل من الملح و ادخليها الى الفرن
ملاحظة : الملح نتي لتتحكمي فيه باش الطبق مايجيكش مالح ديري غير بشوي واذا اردتي استبدلي اللحم المرحي بالدجاج طيبي الدجاج في صوص بيضاء وفتيه كي يطيب وديري الفرماج معاه حتان يعقاد وديري الطبق نتاعك بنفس الخطوات لي ذكرتهالك من قبل
وشكرا ولاتنسوني بالدعاء
طاجين اللحم المرحي بالجبن والبطاطا 2024.
اسمحولي هاذي هي ثاني مشاركة ليا في المنتدى حبيت نكتب هاذي الوصفة خطراه متتصوروش وشحال بنينة
يعطيك الصحة الاخت على الطبق الجميل نجربو انشاءالله و نقلبلك لخبر باين يجي روعة
يعطيك الصحة اختي شهيتيني يمممممي
شكرا لكم اخواتي نتمنى نكون عند حسن ظنكم راني في انتظار ردكم كي تجربو الطبق
