خطرتلي أني نعمـــل شخشوخة الظفر في المنتدى لأنو صرا نقاش بين العضوات و كل وحدة تقول شخشوخة منطقتنا مش هكدا حبيــــت نقدملك ظريقة تحضيرها بالصور لأنو هاد الشخشوخة مشهورة عندنا بزاف في الشرق الجزائري و اللي يقولولها ناس أخرين شخشوخة الظفر
للعجيـــــــــــــــــــــــــ نة
دقيـــــق + ماء +ملــــــــح
للــــــــــــــــمرق
500غ شخشوخة
لحــــــم خروف أو دجاج
2حبات طماطم مفرومة
حبة بصل مفرومة
ملح
فلفل اسود
ثوم
2 ملاعق زبدة
100غ زبدة
حمص
2ملاعق كبيرة طماطم مصبـــرة
فلفل أحمر
قرعــــــة
-العجيـــــــــــــنة :
نخلــــــــط الدقيق و الملح و الماء و نعجن مليــــح و مبعــد نقسم العجينة الى هاذ الشكل
كايـــــــن اللي يحب يقنــط الشخشوخوة في الماشيتة مي أنا حبيت نديرها بالطريقة القديمة تاع بكري يعني باليـــــــــــــــــــــــد
ومبـــــــــــــعد نحطــــــــــها تطيــــب في الطاجين تاع الحديـــد
كي تطيــــب هكدا
نقطعوها بظفــــــــــــــــــــــارتيـ ـــــــــــــــــــــــنا في الأخير تجي هكـــــــــدا
و حطيها تشيـــــح
– المرق :
– ضعي البصل و الطماطم و البهارات و الحمص و اللحم و ثم أضيفي ملعقتي الزبدة و نصف كوب من الماء واتركيها تتقلى على نار هادية حتى يدبل الخليط وبعدها أضيفي 1.5 لتر من الماء .
– عندما تغلي المرق أضيفي ملعقتي طماطم معلبة و أتركيها حتى ينضج اللحم .
و بعدها أظيفي القرعة حتى تطهو جيـــدا.
– كيفة طهو الشخشوخة :
– أضيفي الى كمية الشخشوخة مقدار من الزيت و ضعيها لتطهي على البخار و ثم كرري العملية باضافة كمية من الماء حتي تنضج .
– بعد الطهو على البخار أضيفي لها كمية الزبدة و بعدها أضيفي المرق الى الشخشوخة و ضعيها على النار حتي تتشرب الشخشوخة المرق و تقدم .
و في الأخيـــر اليــــكم النتيــــــــــجة
شهيــــــــة طيبــــــة
نتمنا تعجبكم طريقة شرحي
في أمــــان الله
:re_gards:
حنا فالغرب مانديروهاش
ممكن نجربهـا (في رمضان ههه التفنين راه قاتلني)
مرسييي يا الفحلة
|
ايه علابالي نتوما ماتديرواهاش هكدا باسكو كاينين بزاف اللي قالولي الشخشوخة مش هكدا عرفت بلي راها مبدلة من بلاصة لأخرى
مرسي خيتو نوريتي و ديما منورة مواضيعي
:re_gards:
يسلموا ايدي خالتي علابالي ماشي نتي لي درتيها هههه
+ تقييم
و حبيت نسقسيك est ce que هي بعد شخشوخة السيار و إلا لا و لكان ماهيش هي يا ريت تزيدي تحطيلنا طريقة عمل شخشوخة السيار
|
أنا جامي عملتها نسمع بيها برك
بصح قالولي نفس الذوق تاع شخشوخة الظفر
:re_gards:
|
شوفي العجانة عجنت و ماما قرصت و أنا طيبت و قطعتها أنا و ماما و الطياب طيبتها أنا
في أيامات المسابقة
مرسي على التقييم
+تقييم راني نسيتك البارح
:re_gards:
الحمد لله ربي يعطيك الخير حبيبتي
بصحتكم احنا نسموها شخشوخة الضفر
انجربها انشاء الله تشوفي تطبيقي
|
و الله ساهلة و في نفس الوقت بنينة بزااااااااااااف
كون نديرو استفتاء نلقاو الشعب الجزائري كامل يحبها
:re_gards:
جامي شفت وحدة فلافامي تديرها بففـ
هههههـ جاري التجريب قريب ان شاء الله
يعطيك الصحة
