البغرير ساهل ومثقب كي الشهدة 2024.

احم احم راني جيت هذ السمانة دخلتها غير قاطو قلشت دارنا ههههههههههه راني رايحة نوريلكم البغرير جاني يهبل كيما العادة
ديري انا العبر نتاعي
شي 500غ فرينة
2مغارف صغار خميرة الخبز
والماء دافي حسب الخليط
ملح
و1خمارة القاطو الحمراء

تخلطي الفرينة والخمارة نتاع الخبز والماء وشوية ملح مليح بالميكسور ولا المولينكس حتى تدير رغوة مليح والاخير تزيدي خمارة القاطو وتخلطي وتحليه يخمر شي 1ساعة

ومن بعدي تبداي تطيبيه
المفلو لازم تكون ما تلصقش وترفدي غير بالشوية غير من الفوق ما تخلطيهمش
بالصحة والهناء

ما شاء الله عليك اختي كوثر 13 جاك روعة مثقب بارك الله فيك

شكرا حبيبتي على المرور والله امانة يجي يهبل هشيش بزاف

تستاهلي 10 ماشي غير وحدة حبوبتي
حفا نسيت نقولكم العفسة وين
………………………… ………………………… …….ماتخلوش الرجال يدخلو للكوزينة كي تكونو تديروه

يسلمك حبيبتي راكي معروضة لعندي

hayel allah ybarek

تسلمي حبيبتي لكن اذا حبيتي مادا بيك تحطيلنا الوصفة انا عمري ولا شفتو بالعجين ممكن تعلمينا شكرا