نرجع لكم اليوم بقصصي التي لا تنتهي و اليوم قصتي تع الحرقة الى فالنسيا
الحقيقة ماكنتش ناوي مي السوفرونس
ايا نخليكم تقراوها و ماتنساوش تدعيو لخوكم
يوم كنت مشوشا عقليا وبدنيا وفكريا وزادت علي المشاكل الاقتصادية والسياسية وحتى العسكرية كرهت من يمات البلاد وحياة التشومير والتحيطيست فرحت كاسيت بانكا وديت دراهمها كليا وذهبت عند السي البحري وعربنت له وفي الغد ودعت العايلة ولافامي متجهنا الى البور أين ركبت الشالوتي تاع السردين متذكرا اني ريحت على صندوق تاع السردين أين أصبحت فائحا المهم انطلقنا في رحلة ماحبتش تخلاص وف…ي نص الطريق طلبت من السي البحري ان يتوقف تحت دهشت الجميع وضربت فيها تشبيكة سدوري نحيت بيها تلك الرائحة النتنة وطلعت اليه تحت تصفيقات وتصفيرات الجمهور وكملنا الطريق بعدها منجهين الى فالونسيا وجاء وقت الصح اين توقف الموتور وهبطنا كلنا نطبع ذلك الشالوتي تاع النحس لكن بدون جدوى وجائت لامارين وحاصرتنا بعدها والكل بدأ يعيط ويندب ويبكي لكن بكل شجاعة ترجلت ولما زدمو علينا رفدت يماهم كلهم ورميتهم الى البحر وسرقنا لهم البابور الذي كانو ير**** فيه واكملنا طريقنا لكن بدأت المطرادة فراوغتهم في الموجات تحت سيسبانس كبير وخوف وجائت تلك الذبانة تاعهم اتذكر انها الكوبتيرة فصمرتها ببازوكا وتركتها نارا هامدة في السماء ولما وصلنا الى الساحل فرحنا كلنا وبدنا نصفق ظانين منا اننا فزنا وطلقنا الميزيرية واذا بكحلوش أبصرناه قادما الينا فتخلطت الخيوطةوحسبت أن اسبانيا بها الكحالش وبعد برهة حاصرونا النواقرة واخذونا للحبس وهناك فهمت اننا تبحرنا في البحر وأن تلك لامارين هم قراصنة فقط المهم اتجهنا الى السيلونة تاعهم وجوزنا يامات مرين تاع الصح وبعدها نيقوسيييت مع مول تلك القبيلة أن يطلق سراحنا فوافق على شرط أن نجلب لهم حريتهم فحاربنا الى جانبهم بأسلحة جد بسيطة ولكننا فزنا ووفو بوعدهم وتركونا ورجعنا الى الجزائر في طائرة رئاسية أين قررت بعدها أن أنسى فكرة الحراقة تحت مقولة كرطونة في الحومة ولا حرقة للصومال
عععععععععععععع راني نبكي كي ماوصلتش
لكن فوتت ايام جميلة في الحروب
هههههه
نشاله تعجبكم
سلام
هكا كامل ينحيو فكرة الحرقة من راسهم