الوسم: المطلوع

المكونات

لكل قرصة مطلوع ملعقة كبيرة خميرة خبز
ملعقة كبيرة زيت
ملح
ماء دافيء للعجن

الطريقة
نخلط السميد والخميرة مع الزيت جيدا ثم نبللها بالماء الدافيء ونخلط بدون عجن

نغطيها ونتركها ترتاح لمدة ربع ساعة
ومن بعد نبدا نضيف في الماء تدريجيا وندلك
نواصل الدلك howoff:مع اضافة الماء حتى نتحصل على عجينة طرية
وفي اخر خطوة نضيف الملح مع شوية ماء ومانرخفش العجينة بزاااف

ونستمر في الدلك حتى تتشكل فقاعات في العجينة يعني انها مدلوكة جيداhowoff:
نغطيها
نفرش منديل ونرشه بالفرينة ونحط فوقه قرصة الخبز ونسطحها براحة اليد حتى لانترك اثار للاصابع

ونرشها من فوق ايضا بالفرينة
نغطيها بمنديل اخر ونخليها تختمر
في الوقت اللي تختمر فيه نحضر الطاجين ونحطو يسخن على نار متوسطة
بعدما يسخن الطاجين نقلب عليه قرصة الخميرة

نلاحظ انها انتفخت

نطيبها على الجهتين
ثم نطيب الحواشي اي حواف القرصة بتقريبها من حافة الطاجين

بعدما تبرد نقسمها

ماتديروش كيفي قسمتها وهي سخونة:no_1:

تحياتي للجميعurrender:
نسيت ما ذكرتش حاجة
بعدما تطيب الخميرة ندهنها باسفنجة او كتانة فيها شوية زيت
باش تجي تلمع:angel:

اقتباس المشاركة الأصلية كتبت بواسطة nawal1980 اممم الريحة جابتني لعند الخميرة يعطيك الصحة ندوشة قوليلي من فضلك واش حب يقول كار تاع طماطم؟؟؟؟؟ ما عرفتهاش

كار طماطم = علبة طماطم مصبرة تاع الكيلو
هذيك هيا اللي نكيلو بيها السميد

اقتباس المشاركة الأصلية كتبت بواسطة s_luna يعطيك الصحّة يا الفحلة

الله يسلمك لونا
شكرااا

اقتباس المشاركة الأصلية كتبت بواسطة ibtesem يعطيك الف صحة ندي على الخميرة والله جات هايلة بصحتكم الله يسلمك بسومة العزيزة انت درك تسخفي فيا والله واش لحكلية يابنتي حابا نشيان حرهم عليك هههههههههه طرف خميرة مايسمنش وينحي السخفة واع واع واع هدي ندى ماشي انا ههههههههههههه

يلا نوضي يالفحلة طيبيها للبنات وتفكري ريحة لبلاد😉

اقتباس المشاركة الأصلية كتبت بواسطة sandoussa3000 الله يبارك جات تهبّل انا ديما كي نطيبها تجي مشيانة كيفي ههههههههههههه جامي طلعت هاكي تشوفي في اختك الخايبة سندوسة لازمني نجيك تديريلي ستاج حبوبتي ام ندوش ربي يحفظك يا غالية

ضحكتيني سندوسة
نقلك كي تحطيها تخمر ما تخليهاش تطول قيس ما يسخن الطاجين طيبيها
كون تخليها مدة تطلع وتعاود تتفش في الطاجين
جربي العفسة هذي ورديلي الخبر
مرحبا بيك سندوسة

اقتباس المشاركة الأصلية كتبت بواسطة nawal1980 شفتي منكم نتعلم كار طماطم هي علبة الكيلو تاع الطماطم ما كنتش علابالي يعطيك الصحة جاتك شابة

نوالو هذا مصطلح بسكري حر
كار طماطم نقيسو بيه السميد :angel:
كي تروح اختك راهي ترجعلك الخبر

اقتباس المشاركة الأصلية كتبت بواسطة imane27 y3atik saha nada ala matlouh jak hayal bsahatkoum

الله يسلمك ايمان
ربي يحفظك اختي

حبيت نسقسيك السميد الي كما الفرينه الي رقيق ؟؟؟

انا التي اشكركي على المرور الطيب

وهدا من عندي خبز المطلوع او خميرة من مطبخي

الى اللقاء ان شاء الله

المقادير
بالنسبة لزوج قرصات
نكيل بعلبة مرقرين صغيرة نتاع 250غ
2 كيلات دقيق من النوع الممتاز يكونو معمرين مليح،4ملاعق فرينة،2ملاعق زيت،2ملاعق صغار خميرة فورية،شوية سكر،سنوج،ملح،ماء دافيء
الطريقة
نخلط جميع المقادير السابقة ونجمعها بالماء الدافيء
https://
نعجنها بدون اضافة الماء ثم نضيف الماء تدريجيا مع الاستمرار في العجن لازم نتحصل على عجينة مطلوقة شوية
https://
نغطيها ونخليها تختمر بعدها نخرج الهواء الموجود بداخلها ونقسمها لكرتين نغطيهم لمدة 5د ثم نبسطهم نغطيهم ونخليهم يختمرو للمرة الثانية وهذا شكلها بعد ما تختمر
https://
نطيبها في طاجين يكون مسخن مسبقا ولازم النار تكون عالية وهذا شكلها النهائي
https://
هذي طريقتي البسيطة نتمنى تعجبكم ولاتنسوني اخواتي من صالح دعائكن
ملاحظة:
كمية الخميرة ومدة الاختمار متعلقة بالفصل يعني نزيد الخميرة ومدة الاختمار في البرد والعكس في فصل الصيف
</B></I>

محسن الخبز نصف ملعقة
ماء ( في الشتاء يكون دافئ)
ملح
نمزج الكل وندلك جيدا
نتركها ترتاح مدة 10إلى 15 د ندلكها مرة أخرى
نقرصها
ثم نتركها تتخمر بعدها تخبز في الطاجين المصنوع من الطين

هذه الكمية مقدار 4 مطلوعات

اقتباس المشاركة الأصلية كتبت بواسطة kamilya شكراااااااااااا وكي نعجن نبعثلك وحدة عن طريق اللمة هههههههههههههههههههههه

راكي طولتي عليا ياkamilya

اقتباس المشاركة الأصلية كتبت بواسطة etmeriem انصحك ان تضيفي له مقدار فنجان من الزيت سترين كي يجي خفييف حنا في سطيف هكدا نديروه

شكرا حبيبتي على النصيحة ساعمل بها ان شاء الله

سلامي

حضرت خبز المطلوع وحبيت أشارككم وتعطوني رأيكم حبيباتي

وسعييييدة جدا بانضمامي لهدا الصرح الكبير

تحياتي

مطلوع و عليه الكلام

ربي يبارك ان شاء الله

نورتو الموضوع