نتمنى الاحوات تكونو كلكم بخير
حبيت ليوم نحطلكم وصفة موالفة نعتمدها دايما تجي مليحة بالاك تعجبكم
واللي هي كريات سلق ولحم مفروم في الفرن
صلصة طماطم
ربطة سلق
كمية لحم مرحي
جبن موزاريلا ولا شيدر
كرام فراش او صلصة بيشاميل
شابلير
ملح فلفل اكحل كسبر مطحون
اولا نحضرو صلصة الطماطم نحطو طماطم مرحية زعيترة ورقة رند ملح فلفل لحمر حلو وحار كسبر وثوم ونخلوهم يطيبو
ومن جهة تانية نكونو نقينا السلق وقطعناه حكيناه في اناء وننقصولو على النار ونغطوه باه يتبخر ويطيب في البخار نتاعو
وبعدها نحطو السلق الجبن اللحم ونديرو ملح وكسبر مطحون وفلفل احمر حلو
نخلطوهم كامل مع بعض ونشكلو كويرات
نمرروهم في البيض وبعد في لاشابلير
ونقليوهم في الزيت في الاول يكون سخون وبعده نخففلو للحرارة باه يطيب اللحم من الداخل
بعد هذا تكون نضجت صلصة الطماطم نفرشوها في البلاتو من الاسفل
ونحطو فوقها كريات السلق
بعدها نغطيوها بالكرام فراش او البيشاميل انا خلطتهم في زوج وغطيتهم من فوق بالشابلير
وندخلوها للفرن تطيب على نار متوسطة و حتان تيحمر الشابلير من فوق ننزعوها ونقدموها
وهذا شكلها النهائي
هنا ينتهي الارسال ليوم نلتقي في ايام مقبلة ان شالله
ربي يهنيكم اجمعين يااارب
تسلم دياتك في انتضار روائعك
ممممممممم فنانة كالعادة عفوفة يعطيك الصحة على الوصفة
بصحتكم وان شاء الله نجربو
نجربو ان شاء الله
تسلم أيدك
يعطيك الصحة فوفتي طبق هايل
بصحتو لي كلا هدا الطبسي
وصفة تجنن يعطيك الصحة فوفا
|
الله يسلمك اختي حكيمة ربي يبارك فيك
مشكورة على المرور
|
الله يسلمك اختي لولا ربي يبارك فيك على المرور العطر
|
ايه اعفوف سيي ويعجبوك اكيييييييييد ربي يبارك فيك عزيزتي مشكورة
|
اله يسلمك ياسمينو مشكورة وتوحشنا الخط الاحمر يدوووور بيناتنا منور يا غالية
|
الله يسلمك ام اروى ومشكورة على التقييم عزيزتي منورة يا طيبة
|
منورة رقية اختي الله يهنيك حبوبة مشكورة على المرور
|
الله يسلمك بسووووومتي عقبال ما تنورينا ونتحفووووك بواش تحبي
|
الله يسلمك شوشو مشكورة علىا لمرور اختي لعزيزة
