الفطيمات حلوى جزائرية للأعراس
مقادير العجينة :
3 كيلات فرينة نصف كيلة زبدة ذائبة أو مارغارين قرصة ملح ملعقة صغيرة فانيليا القليل من ماء الزهر وماء عادي للعجن ملون أخضر أولا نأخد الفرينة +الزبدة + الملح نخلطهم جيدا ثم نضيف الفانيليا والقليل من ماء الزهر ثم نجمعها الماء العادي حتى الحصول على عجينة لينة نعجنها حتى تصبح ملساء ثم نقسم العجينة إلى قسمين قسم نتركه أبيض والآخر نضيف له ملون أخضر للحصول على لون مثل الفستق ثم نغطي العجينة ونتركها ترتاح نصف ساعة الحشو: 3 كيلات لوز مرحي – كيلة سكر -مبشور ليمونة – 2 ملاعق كبيرة ماء الزهر نخلط كل هذه المواد مع بعضها ثم نجمعها بالبيض حتى الحصول على حشو متماسك
نأخد العجينة البيضاء نبسطها وكذلك نبسط
العجينة الخضراء لوحدها ثم نقطع دوائر بيضاء وخضراء
بواسطة الطابع 9 و8 أي تكون الدائرة البيضاء أكبرقليلا
من الدائرة الخضراء ثم نضع الدائرتين فوق بعض
مثل ماهو موضح في الصورة
ثم نقلب الدائرة بحيث تكون الخضراء تحت البيضاء
ثم نعمل تقطيعات في الدائرة بواسطة سكين دون الوصول للوسط
مع ترك بين كل تقطيعة وأخرى 2سم ثم نضع كرة من الحشو داخل
الدائرة ونأخد التقطيعة الأولى ونضعها على الحشو ثم نضع
التقطيعة الثانية فوق الأولى وأكملى حتى تحصلي على الشكل النهائي
مثل ما هو موضح في الصورة و نزينها من فوق بورود
مشكلة من العجينة البيضاء والخضراء
وندخلها لتطهى على حرارة متوسطة
بعدما تطهى نغطسها في عسل مخفف بماء الزهر
هاد الحلوى هبلتني يا أخواتي و فعلا جربتها لكن المشكلة كانت في عجينة الحلوى أصبحت بعد الطهو قاسية والله يا اخواتي الللي خبيرا في عجينة التوريق أن تفيدني بالتفصيل عن طريقة عمل هاد العجينة و العسيلة هل تكون خفيفة أو تقيلة ممكن الكيلات تاع العسل ةو المازهر أرجو الإفادة يا أخواتي
على حسب علمي اضن ان
كثرتي في الوقت الطهي لهذا جاتك قاسية
و عسل يكون خفيف
حلوى شابة بصح انا في رايي انك قللتي الزبدة ديري كيلة زبدة لان نصف كيلة غير شويه الزبدة تطري العجينة
والله اعلم
la décoration est magnifique
المقادير صحيحة و هذا النوع من الحلويات جي العجينة تاعو كي ورقة مقرمشة ماشي طرية بزاف كيما سابلي و ثاني ماشي قاسية بزاف كي تكوليها كي البقلاوة عجينها الخارجية مقرمشة و الحشو طري و من الاحسن تحلي العجينة فوق النشاء و تحليها بالماكنة تاع الرشتة و ثاني طيبها لا يفوت 10 دقائق قيس ما تنشف بارك فور اخراجها من الفرن اغطسيها في خليط عسل و ماء زهر دافئ
بالتوفيـــــــــــــــــــــــ ـــــــــــــــــــــــــــــق
شكرا لك أختي هادا اللي كنت نبحث علية و أرحوك أن تفيديني العسيلة إدا أمكن مقادير العسل و المازهر
و أريد ان أستفسر عن الحشو مرات لما نلم بالبيض يجي الحشو قاسي أرجو أن تفيديني أختي و جزاك الله عني كل خير
تحطي العسيلة فوق النار تذوب كي ذوب ضيفيلها ماء زهر وهزي بالمغرفة و شوفي كي تخفاف شوية برك حبسي ما زهر انا ما نكيلش اختي عيني هي ميزاني و متخفيهاش بزاف لخطار يتعجن القاطو
اما الحشوة زيدى بالشوية برك البيض حتى تطرى العجينة و تقدري تكوريها بلا ما تلصق
شكرااااااااااااااااااااااااااا اااااااااااا لك.
شكرا لك أختي نسمة
جزاك الله عني كل الخير
سلام اختى الكريمة الخطا الفادح لقسوة الحلوى هى الزبدة والكيلة هى 4كيلات بكيلة زبدة وانتى عملتى 6كيلات بكيلة زبدة هذا ايجى القاطو كيما الحجرة ….
المهم الكيلة 4فرينة وواحدة زبدة فقط
اما الحشو كما هى عندكى فقط خلطى المقادير يبقى البيض اضيفى بالواحدة حتى تتلم العجينة كيما الكسرة اليابسة ………….
العسل فور خروجها من الفرن عسليها بعسل دافىء
اما العسل فتعرفيه بالملعقة ………….
heer:اعجبتني تبدوا لذيذة 
