السلام عليكم و رحمة الله و بركاته
بسم الله
بالورد فرشت الزربية و بالدمع رحبت بلي ليا
عسلامتكم جوزو الدار داركم
ووو
محلى القعدة و السهرات بين الورد و الزهرات.
من نهار بشروني حباباتي من48 ولاية بلي جاييني و نا نفكر باش نقابلهم
فكرت و قررت نعملهم أكلة تقليدية حلوة تحلى بيها قعدتنا
و جا على بالي الرفيس البسكري
بالزبدة الحرة و الزبيب و حليب البقر المكشكش
جاب ربي الرفيس عندي ميبس غير فورت
وزدت حاجة خفيفة ومعاه خبيزات حبيبتي ندى الورود .
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
بعد ما تعشاو ناضو صبيات اللمة للكوزينة و حلفولي على الماعن ما نمسهم
الله يعطيكم ما تتمناو و يجيبلكم نفس مومنة
مي يا عمارك ملي بداو يغسلو و هما كه كه كه 
متفهميلهم على واش راهم يدحكو ههه
تلتيت بلتاي و السهرة.
سهرتنا بدات .. لتاي منعنع خفيف مع التشاراك العريان و دونات
و كبقالي بياض البيض من الدونات قلت و الله لا نعملهم مورانغ و منها نسيي وصفة جديدة هههه
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
كملو البنات الماعن ..دخلو لصالون و حامو على التيلي على المسلسل التركي أليخندرو ههه
عجبك طاحو معاه سواسوا
تعكزت على ركابيا و نضت جبت مشيورة و قلت يا لتحب الفال الزين تقدم ليا
وعلى بسم الله بديت و على النية الصافية نويت
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
خمسة و خموس و جبريل على بنات اللمة زعما زعما ههه 
باسم الله بديت ..و على النبي صليت …و عليكم يا العواتق هد البوقالات نويت
ساندريلا زماني 
النور يا النور و النور عينيا طبطبوا على الباب و جابو لي اللّي عزيز عليا راني نتمنّى من ربي يجي يطلب يدي من ماليا.
றĭṩṤ❤Ṡoşσ
لبست قفطان جديد على قدها وتاها يا نقلت الياسمين في دار باباها لا حب و لا قلب ينساها.
عفاف الجزائرية
–اطلعت للسطح و فرشت زربية حرقت حر قوس الذهب و حرقت عينيا أفرحي يا يما سعدي ولا ليا نستشفي فالعدو كما استشفى فيا .
ندى الورود
غرست ياسمينة في وسط الدار، عروقها سكنجبير و أطرافها نوّار، يما يا يما محلى عشق الجار العين تخز في العين و القلب شاعلة فيه النار .
بوح المشاعر
الزينة يا الزينة والزين ربي عطاك، طبيعتك حنينة وكحل العين واتاك، وردة حنينة في يد اللي خذاك، الله يحفظك من العين ويخليك للي بغاك.
شهرزاد
قريب الرفيقة يا قريب الرفيقة بيني وبينك تويقة يا المخلي في قلبي شقيقة تروح وين تروح بصح تعيا وترجع ليا ونرد لقلبك الحريقة
ميمي
الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.
شجون الروح
دخل غزالي في الصف و الشمع في يدوا و اللي يدخل بيناتنا واش من حاجة تفيدوا .
MĺŹǾ žĕĥÔŖ
يا ناس يا ناس علاش تقولولي راني لاباس و انا قلبي مقطع بالمواس لكان بالفدا نعطي عليه مية سلطاني .
تسنيم الهناء
عندي مخدة خوخية ما يوسدها غير اللي عزيز عليا.
بنت الجسور المعلقة
زينة يا زينة يا ساكنة قسنطينة كلامك كي يعجبني نفكر فيك صباح و عشية وفيك يا مموا عينيا.
s_luna
عسل يا عسل في باقة خضرا .يا شميسة العاشقين يا قمرا. حلف سيد الملاح ما يراس امر غير ادا جات غزالته باش تكمل الحضرة.
نور الرحمن
جايز على باب دارنا غريب عطشان، قالي أعيني قطرة ماء، أعطيتو كاس فيه وردة و سيسانة ، أعطاني تبق فيه خاتم و رمانة.
تمت السهرة ..وقبل ما يخرجو حباباتي عطرتهم بعطري الخاص
ههه 
و هديتهم دفتر مذكراتي ( متنساوش تفكروني نمدلكم الكود خخخخ
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 643×480.
وصلت مع حباباتي للباب و بقيتهم على خير و عافية و تمنيتلهم أحلام هانية
و حباباتي تع الخارج باتوووو هههه
ووو
اروااااحي خيرتي دندني على ودني واش قالو ناس زمان ههه
و السريعة 
