واش راكم يا رشيقات
ان شالله تكونو وزنتو رواحكم
طبعا حركات الرياضة لي تفاهمنا عليها القدر لي حبيتو المهم متخلوش رواحكم تقطعوها وللا تملوها و تحبسو + مدا بيكم المشي
بالنسبة للبرنامج :
الافطار اليومي : نصف برتقالة + (1 ـ 2 ) بيضة مسلوقة
السبت :
الغداء : فاكهة صنف واحد يعني ماتاكلوش زوج انواع تاع فاكهة كولو نوع واحد كيما حبيتو و بأي كمية عدا الموز
العشاء : لحم مشوي شرائح أو مفروم بدون دهن عدا لحم الخراف
[COLOR="rgb(139, 0, 0)"]الأحد :[/COLOR]
الغداء: دجاج مسلوق أو مشوي مع نزع الجلد نهائيا
العشاء : 2 بيضة مسلوقة ، سلطة ( خيار ، خس ، طماطم ، فلفل حلو ، جزر ) ، 1 توست + طماطم
[COLOR="rgb(139, 0, 0)"]الاثنين: [/COLOR]
الغداء : جبن ابيض بدون دسم : راه يتباع فرماج تاع الريجيم سبيسيال في السيبارات تلقاوه، 1 توست ، طماطم
العشاء : لحم مشوي ( شرائح أو مفروم بدون دهن )
[COLOR="rgb(139, 0, 0)"]
الثلاثاء :[/COLOR]
الغداء : فاكهة صنف واحد أي كمية
العشاء : لحم مشوي + سلطة ( المذكورة سابقا )
[COLOR="rgb(139, 0, 0)"]الأربعاء : [/COLOR]
الغداء: 2 بيضة مسلوقة + خضار مسلوق ( كورجيت أو لوبيا أو سلق أو جزر أو جلبانة )
العشاء : سمك أو جمبري ( مشوي ) أو تون مصفاة ملييييح من الزيت + سلطة + برتقالة
[COLOR="rgb(139, 0, 0)"]الخميس :[/COLOR]
الغداء : فاكهة صنف واحد كيما قلنا الكمية لي حبيتو
العشا : لحم مشوي + السلطة
[COLOR="rgb(139, 0, 0)"]الجمعه [/COLOR]
الغداء : دجاج مسلوق أو مشوي + طماطم + خضار مسلوق + برتقالة
العشاء : خضار مسلوقة او مفورة
عندي اقتراح : هنا حطو تطبيقاتكم للأسبوع الأول أول بأول باش تشجعو بعضاكم
ورقة وستيلو
كتبت تعليمات الاسبوع الاول
ان شاء الله من غدوة يبدى البرنامج
ياااااااربي متحشمنيش ههههههههههه
بالتوفييييق
بالتوفيق للجميع
ليوم السبت (الأسبوع الأول)
في الصباح نضت على التسعة درت شوي حركات رياضية
على الفطور كليت:بيضة مسلوقة
البرتقالة منفحتليش ناكلها
الغدا:كعبة برتقال وكثرت من الما بزاف خلاص
لعشا: شوي من شريحة دجاج من الصدر
وشربت الما تاني بزاف بين الوجبات كل
محسيتش بالجوع
ومازدت حتى ماكلة جانبية
هيا انتهى لعقوبة لنهار غدوة ان شاء الله
وينهم السيدات والآنسات
قالي عليه واحد الطبيب تع التغذية كنت نروح عندو او الحمد لله لحقت للوزن اللي كنت حباتو
المعذرة ويدا هدرت بزاف بالتوفيق ان شاء الله والله كي تعاودو ترجعو حوايجكم اللي تزيرو عليكم تنساو كامل السوفرونس
لبنات تولهو مع الموضوع الافتتاحي والنصائح لي فيه قبل ماتبداو تطبقو
بداية موفقة ليك
نسيمة أول مرة نسمع بيه … يعطيك الصحه على المعلومة المفيدة
البنات وين راكم ؟ وين حماسكم نهار اللول …
متهابوش الريجيم هدا احسن مافيه انو ميخليكش تجوعي ياسر وتحملي فوق طاقتك كلش محسوب
….وللا مقدرتوش ؟؟؟
واللي حاب يزيد في الوزن كيفاش يدير