ان شاء الله كامل بخير ؟ …
شوفو بلعقل برك عليا راني هنا لأول مرة …
ندخل للقسم هذا تاع الطبخ وجبتلكم في يدي …
سالاد vـاغيي … على شكل tarte
…
ودعمتكم بالصور تاني …
…
واش نحتاجو … نحتاجو الخضر لي نحطوهم
في السلاطة …
جزر، خيار، بيطراv،بطاطا مغلية، لوبيا خضرا
هذو كامل نقطعوهم قطع صغيرة على شكل مربعات
وكل مكون فيهم نخلطوه وحدو مع شوية زيت
وخل بلا ننساو الملح وشوية ثوم مغاpـي …
نجيبو plat ونفرشو المكونات على شكل طبقات
مثلا نبداو بالبيطراv باش ما يطلقش ماه على
باقي المكونات ويرجعوا حمر …
من بعد نزيدو نفرشو البطاطا المغلية …
نزيدو الجزر لمغاpـي …
اللوبيا الخضرا les haricots مغلية
المهم نديرو واش خيرنا كامل من خضر لي نحبوهم
يكونو في السلاطة تاعنا …
في الأخير نبعثرو حبات جلبانة مغليه فوق الطبقة
الأخيرة لي فرشناها …
ونكونو حضرنا المايوناز … نسكبو الميوناز
ونزينوها من الفوق كيما حبينا …
بالزيتون مثلا كيما عملت … وتقدرو تغاpـيو
عضمة مغلية …
تحطو الطبق يبرد … وكولوا بالصحة …
مع ليموناد ولا جـu
وهذا هو الشكل لي تتحصلي عليه …
وكي تتقطع la tarte تبان هكّا …
وفي الأخيرة حطيت في الصحن وراحة ناكل بصحتي …
ان شاء الله تكون الطريقة ساهلة ونكون وصلت
الفكرة كوم هذي أول مرة ليا هنا …
زعما راني قررت نولّي ندخل للكوزينة …
ان شاء الله ما يكونش هذا آخر موضوع ليا هنا
هيا سلامو بنات …
يعطيك الصحة نووووغ
والله مع السخانة هدي
هدا وش ينفع دي سالاد وليموناد
ويا الله
يعطيك الصحة خيتي على الطبق اللذيذ
تسلم الايادي
هذا مايليق في الصيف غير السلايط
ومرحبا بيك في كوزينة اللمة
heer:بانتظار اطباق اخرى باذن الله
يعطيك الصحة
ومرحبا بيك معانا اختي
وعليكم السلام
اسناو نشوف مليح
هاذي نور ولاخاطية
مرحبا مرحبا
في كوزينة اللمة
نورتي
وجبتيلنا طبق هايل
عجبتني الوصفة
والتطبيق خرجلك ممتاز
يعطيك الصحة
ان شاء الله
متبخليش علينا بأطباق اخرى
يخي النص لكبير هاذاك
يكفي زوج افراد ومعاهم انا
ههه راكي عارفة على من نهدر
نورتي يانوووووووور
تحياتي
يعطيك الصحة حنونة
|
مغسي اختي …
زعما زعما نور تدخل للكوزينة خخخخ
مالا عجبتك … هيا مليح … دوماج
بعيدة عليا مام نعرضك عليها ما تجيش
هيا مغسي سامو وسلامو
|
ايه رحبو رحبو بيا باش زعما ندير
قلبي ونسكن هنا خخخخ
هيا سلامو
|
على السلاطة برك …
مغسي اختي … سلامو
|
شفتيني درك ؟؟ ايا الحمد لله
heer:heer:hiny:ايه زعما حقرت على السلاطة كيما قلتلك …
وجات مليحة مام الذوق مليح …
مغسي شوشو ومرحبا بيا في عالم
الكوزينة
hiny: … سلامو
|
سلامو
