هذه الحلوى كنت عملتها من قبل لكن بعد غياب المنتدى حذفت بعض المواضيع فللافادة اكثر اردت اعادة عرض الحلوى من جديد
عملت نوع من Gateaux sec و هو يشبه كثيرا حلوى الطابع لكن هناك اختلاف بسيط في المكونات و عندها ذوق خاص بيها يجي كيما اللي تباع عند محلات الحلويات و هي اقتصادية نقدر نعطيلو اشكال نتاع حلوة الطابع
اليكم الخطوات مرفوقة بالصور كيما العادة
المقادير :
– 4 حبات بيض ( 3 للعجينة و حبة ندي الصفارفقط باش نطلي بيها )
– كاس زيت
– 1/2 كاس زبدة ذائبة وتكون باردة شوية
– كاس سكر عادي
– قرصة ملح( و هو سر الذوق فيها )
– قشور حبة ليمون كبيرة
– باكي خميرة كيميائية
– فرينة للم العجينة
انقر على هذا الشريط لعرض الصورة كاملة.
التحضير :
– ندي وعاء كبير ندير فيه 3بيض و نضربوه بالخلاط الكهربائي مع مواصلة الخلط نضيف رشة ملح نواصل الخلط مع اضافة السكر ثم نضيف الزيت غير بالشوية كيما نحضر المايونيز و نواصل الخلط
– ثم الزبدة و نضرب نطفي على الخلاط نلاحظ ان الخليط اضاعف حجمو
– نضيف مبشور ليمون + شوية فرينة مع الخميرة و نخلط باليد و نبدا نزيد الفرينة غير بالشوية حتى تتلم العجينة و تولي طرية نغطي عليها و نخليها ترتاح 5د
انقر على هذا الشريط لعرض الصورة كاملة.
– على طاولة العمل نحل العجينة 1/2 سم ونقطعها بطوابع دائرية
انقر على هذا الشريط لعرض الصورة كاملة.
– ندهنها بصفار بيض من الاحسن يكون مخلوط مع شوية قهوة باش يعطيها ذوق
– بواسطة ظهر شوكة نرسم خطوط عمودية و افقية باش تدي شكل جميل
انقر على هذا الشريط لعرض الصورة كاملة.
انقر على هذا الشريط لعرض الصورة كاملة.
انقر على هذا الشريط لعرض الصورة كاملة.
انقر على هذا الشريط لعرض الصورة كاملة.
انقر على هذا الشريط لعرض الصورة كاملة.
ان شاء الله يعجبكم و اي سؤال او استفسار انا في الخدمة 
بصحتكم سلمت الايادي
تبارك الله عليك
