جبتلكم اليوم رفيس من عندي حنا في صبحة العرس يجيبوه موالين لعروسة لدار لعريس يجيبوه في جفنة او يزوقوة بالبيض او الزبيب او الحلوى
نبداو بالطريقة على بركة الله
للعجينة:
*3كيلات سميد رقيق
كيلة فرينة
او نلموها بالماع او نعجنوها مليح حتى تولي طرية او نخلوها تريح 30د
نشكلو كويرات صغار او نخليوهم يريحو منبعد نحلو العجينة او نطيبوها فوق الطاجين منحمروحش
نقسموه طويل بالموس منبعد نفوروه او ندهنوه بالزبدة او نقدموه
نقدرو نقدموه مع الزبيب او المكسرات حسب الذوق
حنا تاني جيبو ام لعروسة
انا يما جابتلي العادي لي يجي مفتت صغير
و كيما هذا شفتهم يفوتوه في مشينة تاع بقلاوة في هذيك الجهة العريضة ، و الله يا الوصف ههه
بارك الله فيك و ربي يعطيك واش متمنية
احنا نقولولو مشلوش
|
|
احنا في منطقتنا يديروه بطرق مختلفة مرات مرات مايقطعوهمش يديروهم مربعات ومرات كيما درتيهم انتي ومرات يطيبوهم مع شوية سقو ….
اختي المرة الجاية عسليهملي وابعتيهم ميساج ههههههه
تحياتي لا تبخلينا بجديدك
مرسي على الوصفات الرائعة الي راكي تقدمي فيها
دمتي متألقة
|
|
ماشي مشكل نبعتهولك بلعسل حرة ماشي عسيلة انا نحبو بالسكر برك
|