السلام عليكم
اليوم طيبت لوبيا قريني وحبيت نشارك بيها الاخوات لاني دخلت عندي جارتي شافتها وقاتلي منعرفهاش حبيت نوريها للاخوات ولي تلقايها عند الخضار خصوصا اللوبيا العادية راهي 300دج بينما هادي اللوبيا 200دج وزيد في البنة احسن من الاخرى المهم جبيي المقادير
*كيلو لوبيا قريني
*02 حبات بصل متوسطة الحجم
*02 حبات طماطيش حمرة//طايبة///
*مغرف طماطيش مصبرة
اليوم طيبت لوبيا قريني وحبيت نشارك بيها الاخوات لاني دخلت عندي جارتي شافتها وقاتلي منعرفهاش حبيت نوريها للاخوات ولي تلقايها عند الخضار خصوصا اللوبيا العادية راهي 300دج بينما هادي اللوبيا 200دج وزيد في البنة احسن من الاخرى المهم جبيي المقادير
*كيلو لوبيا قريني
*02 حبات بصل متوسطة الحجم
*02 حبات طماطيش حمرة//طايبة///
*مغرف طماطيش مصبرة
*اللحم مورصو برك للبنة او شوية لحم مرحي //ادا مكاش معليش بصح يزيد البنة///
*زيت+كمون+فلفل اكحل+فلفل عكري
التحضير
نحطو اللحم وشوية بصل والتوابل ونقلي مليح منبعد نمرقو بماء سخون ونضيف البصل المتبقي+الطماطيش //نرابوها///+الطماطيش المصبرة +الوبيا ونغلقو الكيكوطة من الافضل الكيكوطة حوالي ساعة منبعد نطفي كي تقدميها لي يحب يديرلها شوية زيت زيتون ويقطعلها شوية بصل اخضر
ملاحظة
هادي اللوبيا تستعمل مباشرة يعني بلا ما تشمخيها و ماصورتش جميع المراحل بصح جبتلكم الشكل تاعها بالقشور وبلا قشور وكي تطيب وان شاء الله تعجبكم
اممممم طاطا يعطيك الصحة تسخف
صحيتي تيستيسا ان شاء الله كتبتها صح الاسم هادى غريب 
يا درا شكون هاذي لي ما تعرفش لوبيا قريني
ايه والله لي فوقي متعرفهاش حتى وريتهالها ا
اممممممم شهيتينا فيها اختي ام ميمي بارك الله فيك
وفيكي بركة ام خديجة شكرا على المرور
انا منعرفهاش اول مرة نشوفها يعطيك الصحة اختي على الطريقة
يعطيك الصحة راهي تشهي بصحتكم
شهتيني فيها الله يحفظك اليوم ان شاء الله انديرها وتخرج بنينة كيما انتاعك يعطيك الصحة
