السلآم عليكم ورحمة الله تعالى وبركآته
أسعد الله أوقآتكن بالخير والصحة
جآتنا تحويسة عائلية قعدت نخمم واش ندير ولآزمني حاجة بنينة وساهلة وتغرملي فلقيت وصفة الأخت أم أمآني
جربتهآ وكآنت لديدة جدا جدا برك فالتوفي كي جيت نخدمه أم أماني كاتبه 6 ملاعق سكر مع ملعقة ماء و 200 مل كريمة سائلة
رحت دوبت سكر مع ملعقة ماء ولما دابت بديت نضيف فالكريمة السائلة جاتني سائلة ومش عاقدة فنقصت من كمية الكريمة 
وزدت دوبت شوكولا ودرتها من فوق توفي 
إليكم الوصفة وبالتفصيل الممل
المقادير:
للقياس نستعمل كاس نتاع 250مل
5بيضات، نصف كاس سكر،نصف كاس حليب غبرة محمص،علبة ياؤورت طبيعي،ربع كاس زيت،كاس ونصف نواد كوكو وممكن نعوضه باي نوع من المكسرات،فاني،م ص خميرة الحلوى
لتحضير طبقة كريمة التوفي نحتاج الى
6م ك سكر،م ك ماء،200مل كريمة سائلة اي كريم فريش
اولا نحمص الحليب بودرة حتى ياخذ لون ذهبي
نخلط معاه النواد كوكو والخمارة
إستعملت نواد كوكو و الكاوكاو ^^
بواسطة الخلاط الكهربائي نخلط البيض والسكر والفاني جيدا
ثم نضيف الياؤورت الطبيعي تدريجيا مع الخلط
ثم الحليب المحمص والخميرة والنواد كوكو واخير الزيت ونحرك راح نحصل على خليط سائل نوعا ما
ندهن مول مستطيل26على15سم بالزبدة
نفرغ فيها الخليط
وندخله لفرن مسخن مسبقا على180درجة من 10حتى 15د وهذا شكل الكيكة بعد الطهي
نحضر الكراميل
نحط 6م ك سكر+م ك ماء على النار حتى يذوب السكر ويبدا يتغير لونه لازم يكون لون الكراميل فاتح
نفرغ عليه200مل كريم فريش
نحطوه بالعقل ونحرك بسرعة وعلى نار ناقصة ونستمر في التحريك حتى نتحصل على كريمة
نفرغها على الكيكة بعد مانخرجها من الفرن وتكون بردت ونفرغ الكريمة عليها غير بالشوية
داويتها بشوكولآ ^^
حطيت فوقها كاوكاو
وهذي النتيجة لذيييييييييييييذة مرا تحسب مسقية 
تم بعون الله والحمد لله
والشكر موصوول لصاحبة الوصفة الغالية أم اماني
بصحتك اختي
يعطيك الصحة يا مبدعة
بارك الله فيكِ حبيبتي
تصوير وشرح وتقديم أعطيه 1010 ربي يباركلك حبيبتي
تسلم إيديك الحلوة
تحياتي وودي الى كل من وضع بصمته على مواضيعي البسيطة
وكل شكري الى من يتتبعني عبر هاته الصفحات اللماوية
وأتمنى من العالي أن تنشط أقسامنا وترجع مثل ما كانت
يعطيك الصحة
يعطيك الصحة حبيبتي تسخف
بصحتكم
