غراتان بسييييييط و سريع بالخضار 2024.

السلام عليكم ..هده اول مشاركة ليا في المنتدى و ان شاء الله تنال اعجابكم
غراتان بسيط بالخضار….غير مكلف و بنيييييييين

المقادير
3 حبات بطاطا متوسطة الحجم
حبة جزر كبيرة
حفنة جلبان
حبة بصل متوسطة-توم
كفتة : دجاج- ديك رومي او غنمي….
ملح -كمون-فلفل اسود
البيشاميل: ملعقة زبدة-ملعة فرينة-كاس حليب-جوزة الطيب-ملح -فلفل اسود
جبن غرويار
الكيفية

نقشرو البطاطا و الجزر و نقو الجلبان و نحطوهم يفورو مدة 30دقيقة
في مقلاة نحطو البصل مكرفج مع التوم و الكفتة و قليل من الزيت و الزبدة و نركوها حتي تنضج

البيشاميل ندوب الزبدة و نضيف عليها الفرينة و نحرك مليح حتي تمتزج
و نضيف الحليب و الخطوة المهمة بعد الحليب هي عدم التوقف عن التحريك حتى تنضج البيشاميل نضيفولها الملح الجوزة و الفلفل الاسود
الخطوة الاخيرة نجمعو المكونات في مةل تاع غراتان

في الاخير حطي الجبنة على الوجه و دخليه الفرن
الشكل النهائي

حتى انا نديرو كل جمعة زوجي يحبو بزااااااااف

لذيذ شكرا اختي

يعطيك الصحة نور باين مليح
لكن اولادي اعداء مع الخضرة
راح نطبقو وعى ربي يرجعو ياكلو الخضرة

طبق شهى شكرا لك يانور على الوصفة