نحتاجوا لحم مفروم حسب الحاجة
نحتاجو ملح + فلفل اسود + دبشة + معدنوس + بيضة كاملة
نحتاجو فرماج مبشور
بالنسبة للمرقة رايحن نحتاجوا
ملح + فلفل اسود + دبشة + معدنوس + حبة ثوم + ونمرقوها بالماء طبعا + حبة بصلة
طريقة التحضير :
رحوا نتبل اللحم المفروم نتعانا نجيب وعاء نحطوا فيه اللحم المفروم والملح والفلفل الاسود والدبشة والمعدنوس و البضة الكاملة ونخلطوها ونحطوها على جنيب ونخلوها ترتاح شويا ومبعد نجيبوا اللحم نكوره كريات صغار ومبعد نديروا قعرة في النص ونحطوا فيها الفرماج المبشور ونرجعوها كيما كانت كورية وتتم الطريقة بالعدج يلي بغتيه انتي
نجيبوا المرميطة ديالنا ونحطوا فيها ملح فلفل اسود دبشة معنوس حبة ثوم ونمرقوها بالماء وبعد نخلوها تتقلى شويا مع البصل ونحطوا كريات اللحم ونخلوها طيب ومبعد نمرقوها بالماء ونخلوها طيب وكي تجهز نحطوها فس صحن التقديم مع شريحة قارص وبالصحة والهنا
كنتم مع الطباخة سارة
ياريت دعمتيها بالصور
انا عملتها من قبل
نحذر برك من كثرة التقليب لانها تخلي الحبة تتحل والفرماج يخرج منها
لكن انا عملتها بتغيير بسيط
وحده عملت في وسطها الفرماج و الاخرى فيها حبة زيتون اخضر بدون نواة
اممممم جات تهبل
مشكورة مرة ثانيه
سلاماتي
^^
