طاجين الدجاج بصلصة الجبن والكرام فراش من مطبخي 2024.

السلام عليكم ورحمة الله وتعالى وبركاته
نتمنى الاخوات يكونو لاباس عليهم
ليوم للغداء عملت طاجين الدجاج بالجبن طلبتني فيه اخت وعضوة معانا في اللمة وزادو طلبوه دارنا للعشاء كي عاودتو حبيت نحطو للاخوات ممكن يجربوه لانه ذوقو هااايل
المقادير :
دجاج حسب الكمية او عدد الافراد
توابل تتمثل في : فلفل اكحل كسبر مطحون ثوم غبرة زنجبيل مطحون اعشاب ويمكن الاستغناء عليها شويا زيت وفنجان ماء يعني نعملو صوص بلونش انا ما حطيتش البصل فقط
نحطو كامل المقادير في لاكوكوت ونغلقو عليها حتان يطلق الجاج لاصوص نتاعو ويطيب يبقىناقص شوي برك طياب
نفتحو لاكوكوت نحطو لاكرام فراش والفرماج ونخلطو ونعاودو نغلقو ونخلوها 10 دقايق
ونفتحو عليها
نخلوها تخثار حسب الرغبة انا عملتها شوي خاثرة
وفتت في لاصوص صدر دجاج وقدمتها مع شة معدنوس وعصرة ليمون وبصحتكم
والصور توضح كل شي

نتمنى انكم تجربوها وتعجبكم
اختكم عفاف المسيلية .

ممم يعطيك الصحة أختي

وصفة هايلة

يعطيك الصحة يم يم يم يم يم يم

طبق مو هين ابدا

تسلم الأيادي فوفا

شكراااااااااااااااااااا باينة هايلة

يسلمو ايديكي