اليوم حسب الشاوية دخل فصل الربيع ز احنا في عاداتنا
لما يحل فصل الربيع نحبو نديرو اكلات تقليدية متنوعة من بينها البراج ولا القرصة (البغريرولا
الرغايف)وغيرها من الوصفات وحنا في دارنا نعملو البراج
أنا حبيتكم تشوفو الطريقة اللي تعلمتها أمي الله يحفظهم وهي طريقة تقليدية بالطبع
انشاء الله تنال أعجابكم
الوصفة منقولة عن طريقة الي تخص الشرق لانا مازلنا مدرناهش ههههه
نحتاجو الى
3 كيلات دقيق متوسط
كيلة سمن ذائب
ملح
ماء لجمع العجينة
تمر مطحون(الغرس)
2مغارف زيت
مغرف صغيرة قرفة
ماء الزهر
واليكم الكيفية بالصور
نخلط السميد +السمن+الملح ونبسسهم مليح
كي نبسسها مليح نحي كمشة ونحطها في صحن ونخليها على جنب
نلم العجينة بشوية ماء ونخليها شوية طرية باش ماتجيش يابسة
ونقسمها الى قسمين متساويين
ومن جهة نحضر الغرس نحو منو العلف الزائد ونضيفولو مغرف قرفة صغيرة للبنة ونعجنوه بالماء الزهر حتى يولي طري
نوضعو كيس بلاستيكي ونحلو فوقوبالحلال الطبقة الاولى من العجينة ونرشو فوقها شوية السميد اللي بسيناه وخليناه على جنب
ثم نقلبها فوق طاولة الاستعمال
نجيبو الغرس ونحلوه بنفس الطريقة ونفس الحجم ونحطوه فوق الطبقة الاولى للعجينة
نحلو طبقة العجينة الثانية كذالك بنفس الحجم ونحطوها فوق طبقة الغرس ونرشو بالسميد المبسس اللي باقي ونحلو بالحلال حتى نتحصلو على سمك 1سم
نقصوها ونتخلصو من العجينة الزائدة
نسخنو الطاجين مليح انا نستعمل تاع الحديد ونحمرهم مليح على نار هادئة
ان شاء الله يعجبكم
استحلفكم بالله الذي لا اله الا هو ان تدعو لي
ولكم بالمثل ان شاء الله
يعطيك الصحة أختي
وربي يعطيك ما تتمناي إن شاء الله
احنا هادي نقولولها المبرجة
نموت عليها
|
بصحتك حبيبتي 
:regards 01:
بوركتم على رد
يعطيك الصحة
احنا نسموها المبرجة بصحتكم ممممممم فووووور صح
touta04
وينهم اعضاءنا ممممممممممممم
بصحتك ختيتي جعلها الله في ميزان حسناتك
ربيع مبارك ..كل ربيع و انتي بخير
هههههههه
عيد ربيع جميل على جميع
بصحتك اخي حمزة كل الطبق ليك :regards 01:
يعطيك الصحة يا لفحلة
انا اولادي راح يقتلوني عليه وانا ما درتوش
لكن درت البارح رفيس التونسي
