اخواتي بمناسبة عيد الاضحى المبارك اقترح عليكن هذه الوصفة اللذيذة
عبارة عن بوزلوف (لحمة راس) بالبطاطا في الفرن
اننظف البوزلوف عن طريق حرقه على الطابونة مع التقليب المستمر و نحكه بالسكين
حتى نتخلص نهائيا من الشعر
و نغسله بالماء و الصابون جيدا جدا
و نقسمه بالساطور و نعيد غسله و نقطره
نضعه في الكونجيلاتور الى اليوم الذي نحتاجه
المهم نغليه في الماء ربع ساعة
و نقطره ثم نضعه في كيكوطة + بصلة مقطعة طوليا + 5 سنات ثوم + ملح +فلفل اسود+3 ملاعق صغيرة كسبر مرحي + ملعقة صغيرة حبة الحلاوة + ملعقة صغيرة كروية +حبة طماطم مقطعة على اربع معدنوس و دبشة او ما يسميه البعض كسبر حشيش+ ملعقتين زيت
لا نقلي نضيف الماء الساخنبحيث يتغطى البوزلوف جيدا و نترك الكيكوطة او القدر المضغوط على نار اقل من المتوسطة مدة ساعة كاملة
نفتح القدر سنجد ان العضام تنزع بسهولة نقطرها في كسكاس و نحافظ على المرق
نصفي القطع من العضم و نضعها جانبا
في تلك الاثناء نحضر صلصة الطماطم بالطريقة التالية
في مقلاة نضع فيها 5 ملاعق زيت + حبة بصل مقطعة طوليا + ملح و نقليها حتى تذبل قليلا
نضيف حبتين او ثلاث من الطماطم مقطعة و نغطيها و نتركها على نار هادئة حتى تطيب و لا تنشف تماما
نرحيها بالرحاية اليدوية بالديسك كبير الثقوب و نضعها جانبا
نقلي البطاطا المقطعة الى دوائر و نضعها في صنية مدهونة
نرتب فوقها قطع البوزلوف
و نفرغ عليها صلصة الطماطم
ثم نفرغ عليها القليل من المرق التي طهونا فيها البوزلوف او ما يسمى بلحمة الرأس
و نرشها بالمعدنوس و ندخلها الى الفرن 180 درجة مدة نصف ساعة و نشعل له من فوق مدة 5 او 10 دقائق فقط
و نقدمه ساخنا مع الفلفل الحار ممممممممم
انا حضرت معاه الرغيف
اترككم مع الصور
لا تنسوني من صالح الدعاء
Bayen 3lih bnin malgré manachtihch
mai ta3k ra7 ndho9 mannou
يممممم وصفة هايلة يعطيك الصحة
توحشنا طبخاتك
اسعدتني ردودكن
ربي يحفظكم جميعا
انتظروني في وصفة طعام بالبوزلوف
ساحاول وضعها هذه الايام ان شاء الله
معى اني منحبوش
تحياتي
راكي سخفتيني بهدا الطبق الجميل
بوركتي على هده الوصفة
ماشاء الله عليك و ربي يعطيك واش راكي متمنية و يحفظلك كل عزيز
سلامي .
