بنتي عمرها 8 سنوات تعاني مشكلة التبول اللارادي
كانت عملت عملية وهي عندها 4 سنوات كانت تسمى refli اذا ماغلطتش في الكتابة وبمعنى اخر
عندها عرق او الحالب ينقل البول من المثانة الى الكلى يعمل بالعكس العملية والحمد لله نجحت
ولكن هي مازالت تبول عفاكم لحد الان في الليل ومرات في النهار
نتمنى من اى واحد مرت عليه هذه الحالة يشاركني في المعلومات
اختي عاودي اديها لطبيب يكشف عليها
واذا ثبت انه لا توجد مشاكل عضوية وصحية فلابد من عرضها على اخصائي نفسي
وشكرا
مشكورين على الرد هو ممكن يكون نفسي راني اتبعت اسلوب الجوائز يعني النهار اللي تصبح
نضيفة نعطيها حاجة ونقصتلها الماء في الليل
والنتيجة مرة هكذا ومرة هكذا
يبقى المشكل في النهار
بنتي عندها 6 سنوات وراهي بلاكوش في الليل ما لقيت ما نديرلها
نديها للطبيب نجيبو الدواء تقطع عدة شهور ثم ترجع للبول لكن غير في الليل
وبنتك حالة خاصة ممكن من اثار العملية اختى رديها للطبيق تاع المسالك البولية والكلى راح ينصحك
وربي يشافيها ويرفد عليا بلاء التبول الليلي الشتوي لان ابنتي في ليالي الصيف ما دير والو
ويمكن أن يكون التبول أوليا Primary ، بحيث يظهر في عدم قدرة الطفل منذ ولادته وحتى سن متأخرة على ضبط عملية التبول. أو يكون التبول ثانوياً Secondary ، بحيث يعود الطفل إلى التبول ثانية بعد أن يكون قد
تحكم بمثانته لفترة لا تقل عن سنة. وفى بعض الأحيان يترافق التبول اللاإرادي بالتبرز اللاإرادي أيضا.
لي عودة
إن شاء الله
