حبيت نفيدكم بوصفة بسبوسة خفييييفة وبنييييينة
و من جهة باش مانرموش الخبز اليابس
المقاديـــر
4 بيضات
كاس زيت
كاس حليب
نصف كاس سكر او اقل ممكن تقللي من سكر
مبشور الليمون
كاس شابلير او خبز يابس مرحي
كاس ونصف سميد
2 خمارة
ولازم تكون خمارة نوارة وادا ماعندكش نوارة الشابة والمسرارة سيدتي ماتقدريش ديري هاد الحلوى سيرتو نتوما صحاب الغربة 
ههههه نقصر برك 
الطريقة
نخفقو البيض +السكر ثم نضيفو الزيت ونخفقو ونضيفو الحليب ونخفقو ثم الشالبير والخمارة ونخفقو فالاخير نضيف السميد ونخلط الكل بملعقة
ندهنو المول بالزبدة ونفرغة الخليط والي الفرن 180 درجة مسخن مسبقا وطيب حوالي 30د
نوجدو الشاربات الي نسقو بيه البسبوسة
لتر ماء +400غ سكر ادا حبيتي السيرو خفيف وادا حبيتيه ثقيل شوية لتر ماء+500غ سكر وكي يغلي ضيفيلو قطعة ليمون وخليه يغلي حتى يثقال شوية
بمجرد انك تخرجي البسبوسة من الفرن تسقسها فورا بالسيرو الي يكون بارذ او دافي على دفعات
وخليها تشرب مليح وتبرد ممبعد قطعيها وبالصحة ولهنا
تحبي تقدميها بهذه الطريقة
او تقلبيها على الوجه الثاني
ان شاء الله جربوها وتعجبكم
انت كونتر الريجيم اللي يتبعك خخخخخخ
صحا الزينة الشربات تكمليها كامل؟ انا هذي تغيبلي فيها
ربي يحلي ايامك يالزين
|
ايه نكملو كامل ونشربها على دفعات يعني كي تشرب نزيد …..
ربي يحفظك حبيبة قلبي خيرة
سلمت يمناك انا من هواة الطبخ
يعطيك الصحة شهرزاد والله مرأة ونص ومش مجاملة تاع الصح
الله يسلم ايديك
يسلم اديكي يا حلوووووة
