الوسم: المهارات

نحتاج
gالو حجم كبير و اخر صغير
نحتاج سماق بالمتر

نفصل القماش

و نخدم الكول بهاذ الشكل
من تحت لكمام يطلع بشكل دائري ثم يستقيم و يدور على الرقبة بشكل كول

و نحط الفينة من لتحت يجي واقف

تم نلصق فوق الصدر

و نبدا نلصق السماق و الورد

و يعد نثبت gالو صغير على لكمام و من التحت

و هذا الشكل النهائي

نحتاج قماش طبعا ..نفصله عادي
خيوط تاع قيط الالوان لي تحبو . .نختار 3 الوان
و احجار

نثبت القيط في الحل تاع الصدر و في الاكمام

نثبت لا vيزلين في الاكمام باه يجي واقف

و من بعد نبلع الفستان

و نلصق الاحجار بالكولا تاع بيستولي

يعطيكم الصحة

ان شاء الله تكونو كامل بخير ومهنيات

وهذا شعر أختي بعد ماجبتو شوية بالسشوار

وهنا بديت نمشط فيه باش نحكمو

وهنا لميتو كامل باش نديرلو كوجيفار ههه

ومن بعد حكمتو بشوشو رقيق ماعنديش لاستيك

وبديت نخدم في التسريحة ، جبت سلبة خشينة شوية خاطر شعورنا كثيفين لوكان نديرها رقيقة نبات ثم

مسحتها بشوية كوكوني وشكلت هاذ العفسة باش من بعد يخرج بابيون
والسلبة راهي من النص فيكسيتها بالمساك في جيهة اليسرى

ومن بعد هزيت سلبة من الجهة اليمنى ومررتها تحت السلبة الأولى وكيف كيف لصقتها في الجهة اليسرى

جبدت سلبة ثالثة من النص ورشيتها بالفوصماش ، باش يبانلي الشكل خاطر كحل في كحل مايبان والو وفيكسيتها في الجهة اليمنى هاذ المرة

سلبة أخرى من الجهة اليسرى

نلويها على صباعي بهاذ الشكل

وبنفس الطريقة نكمل السلبات

ونحاول نديرها بشكل مائل يعني نقط تقاطع السلبات تكون في خط مائل ( ولات مات ههه(

ماحبوش يخلاصو السلبات هههه

الحمد لله اسيدي

كي كملت درتلها مثبت الشعر في الاخير هو مليح في كل سلبة اديري مي سياسة التقشف تسدعي هاذ الشي هههه

وشبحتها بمساكات الوردة هاذو ،، الفوصماش خلاصلي في النص يعني البابيون فيه ولاسويت لي لتحت كحلة

الوردات درتهم في نقاط التقاطع لي حكيت عليهم قبيل

درت للاماش بدعت فيها قصيتها وجبتها بالسيشوار

وهذا الشكل النهائي

علابالي عييتكم مي لازم التفاصيل

ان شاء الله تكون عجبتكم

مشاركتي رقم2 في مسابقة صيفنا إبداع على ركن المهارات اليدوية للمة الجزائرية 2024

العمل الثاني لي هو كوفرولي بالساتان بغرزة السموكس

تابعن الخطوات و اي استفسار انا في الخدمة

نرشم طبعا نقوم بتسطير الساتان الى مربعات الحجم الي تحب الاخت انا عملت 3 سم

عملت 2 متر من الساتان للكوفرولي و لكن كبرت البوا او المربعات

و عملت ب 3 سم للوسائد ياللون الازرق

يالنسبة للكوفرولي عملت الوسط بالسموكس و الحواف بالساتان الابيض اما الوسائد عملت العكس

يعدما نلقي الساتان الازرق و الابيض بالنسبة للكوفرولي نقلبو و نضع فوقو اللاوات ثم البوبلين

نخيط باليد ثم بالماشينة

بالنسبة للشراشيف نجيب طرف قماش نصف متر باللون الازرق نكف من الجهتين باه ما ينسلش و يتسنسر
ثم نبليسيه من جهة و نلصقو على حافة الكوفرولي و الوسائد

جااااااااااااهز

كنتم مع ايمان

بارك الله فيكم

عندنا gالو و لانتريدو نعمر فيه الحاشية
و سوتاج ابيض نلفه على البرينيس

نحط الgالو في الصدر و الظهر و لكمام

بعد نقص قطعة من القماش تكون طويلة و نحط من التحت خطين من السوتاج

بعدها نستف البرينيس و نحطه ساير داير من الامام حتى للخلف و نحط فوقه لانتريدو

و هذا شكله النهائي