عذرا نحب نهدر مصري
اذا حاول واحد انه يعاكسك فى الشارع
يبقى يستاهل كل اللى ممكن يحصل له
ومن غير ياحبيبتى ماتتهورى ولا تتعبى نفسك
وخاصه اذا كان واد امور وحليوه
وعشان برضه يبقى منظرك حلو قدامه برضه
لعل وعسى الواد ينطس فى نظره ويكون فى نصيب بعد كده اتبعى النصايح اللى جايه:
امشى بدلع ودلال لحد ما الواد يقف ويقولك رقم تليفونه
اضحكى ضحكه تقطع قلبه وبربشى وغمضى بسهوكه وقولى له هكلمك….
اطلعى بيتكم واكتبى رساله تهديد بتفجير السفاره الامريكيه وابعتيها لمقر السفاره مع اسم ورقم صاحبنا,
وسيبى الباقى لرجال الضفاضع البشريه والكلاب البوليسيه ورجال الcia ورجال مكافحه الارهاب والامن القومى الخ الخ الخ الخ
واوعدك بعدها انه عمره ما هيعاكس تانى لا انتى ولا غيرك
ده عقبال ما يطلع من الايام السوده اللى هيشوفها هيكون حرم التعامل مع جنس البنات من اصله……
ومعايا حركه لطيفه جدا وابسط من اللى فاتت وخصوصا اننا مش عايزين ندخل اغراب وسطينا.
فاذا مشى وراكى الواد اياه وادالك نمره تليفونه روحى على مبنى مكافحه المخدرات واكتبى على السور:
كميه حشيش بسعر مغرى لدواعى السفر
"للحجز والاستعلام"
ارجو الاتصال على رقم, وطبعا حطى رقم الواد واسمه وادعيلى.
اما اذا كان واد بيئه وعايزه تاخدى حقك بايدك وماله ياختى مش عيب ولا حرام
سيبيه يقرب منك قوى واديله ضربه كوعيه فى قلبه طبعا هيتدلق فى الارض زى الجردل
المهم حطى رجلك اليمين فوق بطنه وافتحى شنطتك الصغنونه وطلعى منها شبشب {ابو ورده} فرده شمال وياريت يكون لونها فاتح يعنى فوشيا , موف, كده يعنى
حتى لا يصاب بأزمه نفسيه "برضه حرام"
وبعدين افضلى اضربيه بالاقلام و بالشبشب وياريت بلاش تضربى جامد لانى خايفه عليه _طبعا على الشبشب لانه ممكن يتقطع_
وساعتها ممكن نلاقى اغلب الولاد ماشين وبيلطموا على خدودهم ويقولوا انا اللى جبت ده كله لنفسى.
مع تحيات:
