أنا جيييييييييت……….
و ما جيتش بيديا فارغين……. هاذ الوصفة نتاعي
و الشكل ديت الفكرة من منال العالم
العجينة
1 كلغ فرينة
2 مغارف كبار سكر
1 مغرف كبيرة خميرة خبز
1 خميرة حلوى
الملح
المواد السائلة
كاس شاي زيت
حبة بيض
2 كيسان كبار ماء دافيء
نخلط المواد الجافة مع بعض و المواد السائلة مع بعض
ونخلطو الكل حتى نحصل على عجينة نغطوها و نخلوها تخمر
نحضرو الصلصة (الكل يعرفها)
بعد ساعة نقرص عجينة على شكل دائرة ونحطها في صينية الفرن
نقطع قطع صغيرة من العجينة نحلها وندير فيها شوي مرgاز و نقفل
و نسدف هاذ القطع الصغيرة حول الدائرة و نخليها تخمر
و من بعد نثقبها و نطلي الصلصة و ندير المكونات اللي عندي
انا هنا درت الطون و الفرماج و الزيتون
نطلي هادوك الكويرات بصفار البيض و ندخلها للفرن
و هاذي هي النتيجة
و جربوها راهي تجي هايلة و بنينة
:rolleyes:
الف الف شكر على الوصفة الرائعة
مزيدا من التالق سمراء
صح خرجت فورررررررررررررر
|
الله يسلمك و يبارك فيك والله العائلة هبلو عليها
ولكان غير جيتي قريبة نرسلك حقك:re_gards:
|
يا صباح الانوار للزعيمة ام خديجة
الله يسلمك و يبارك فيك على التشجيع
الله يبارك
|
الله يبارك فيك و يحفظك نتمنى تجربيها في اقرب وقت راهي تستاهل التجربة
يعطيك الصحة على المرور
