اكثر حاجة اكرهها في المطبخ و هو تنظيف الثلج لي بالثلاجة او المجمد و اليوم لقيت طريقة جدا سهلة و جربتها و فعلا اكثر من رائعة يلا مانطولش عليكم .
اولا طفي الثلاجة و انزعي كل الاشياء الموجودة بها ثم جيبي مجفف الشعر (سيشوار) و شعليه و وجهيه للثلج و يبدا هو في الذوبان و في مدة 20 د تكون ثلاجتك نظيفة ، احسن من انك تطفيها في الليل و الصباح تلقاي الثلج ماذابش كامل .
و حتى الاشياء المجمدة ماتذوبش لان في وقت قصير تنظفي الثلاجة و ترجعي الاشياء.
ان شاء الله تعجبكم المعلومة و تستفادو منها كيما استفادت ام الحلوين .
سلامي .
ربي يساعدك كيما ساعدتينا يارب
انا ندير قدر يغلي في النار بزاااف ومن بعد نطفي التلاجة ونخرج الاغراض ونحط قطعة قماش وفوقها القدر المغلي
ونغلق التلاجة ونخليها بعد 2 0 دقيقة ولا نص ساعة نلقي التلج كل هاود هادي طريقة امي ربي يحفضها ويخليها ليا
انا عطيتك طريقتي قلت واقيلا الضوء يكون طافي متنجميش ديري سيشوار
|
الله يخليك يا لحبيبة و يحفظ ميمتك و ميمتي
ياك راني جارتك و راكي شايفة هنا الضو مايروحش هههههه
سلامي حنونة .
حبيت نضحك معاك ربي يحفضك
سلامي ليك و لعبودة