الوسم: الكوكوط

السلام عليكم ورحمة الله وبركاته

جربت كيكة الكوكوط فجبتلكم الوصفة
المقادير :
4 بيضات +كاس سكر +كاس زيت +2 مغارف كاكاوو +شوي vاني +خميرة الحلوى +مغرفة نيسكافي ذايبة في كاس ماء +قرصة ملح +3كيسان ونص فرينة
الطريقة :
نخلط البيض +السكر مليح بعدها نزيد الكاكاوو والفانيلا والملح وبعدها الفرينة والخميرة

بعدها تدهني الكوكوط بشوي زيت وفرينة
وتفرغي فيها الخليط

تخليها تطيب نصف ساعة على نار هادئة
والشكل النهائي :
التزيين انتي حرة
درت شوكولا وشانتيي ومن فوق ومن داخل تفاح
ولاتحبيها تطلعلك أكثر دوبلي المقادير
وطيبي في كوكوط كبيرة
ملاحظة :
متغلقيش الكوكوط برك بالصفارة

شهية طيبة

[IMG]https://upload.traidnt.net/*********************[/IMG]
[IMG]https://upload.4algeria.com/******************[/IMG]
السلام على من اتبع الهدى
ربي يهنينا الواحد يدخل هنا كشره تتكمش شهيتونا
ربي يبارك مي الله غالب ،
تبانلي ندير دوموند يسكروا المنتدى هذا …

اقتباس المشاركة الأصلية كتبت بواسطة منيني السلام عليك جاتك هايلة بصحتكم و يعطيك الصحة

اقتباس المشاركة الأصلية كتبت بواسطة ندى الأيام خرجتلك تهبل بالصحة ليكم

اقتباس المشاركة الأصلية كتبت بواسطة Silent Hill [IMG]https://upload.traidnt.net/*********************[/IMG] [IMG]https://upload.4algeria.com/******************[/IMG] السلام على من اتبع الهدى ربي يهنينا الواحد يدخل هنا كشره تتكمش شهيتونا ربي يبارك مي الله غالب ، تبانلي ندير دوموند يسكروا المنتدى هذا …

يعطيك الصحة ختي على الوصفة.

جبتلكم طبق من عند ماما
ساهل وبنين ويصلح للعرضات تاع العايلة والصحاب
ما نطولش عليكم علابالي سخفتو هههههه )))))

المقادير:
لحمات الفخذ
بصل
ثوم
توابل

ملح
ماء
حبات بطاطا

التحضير:
نبداو بمرقة اللحم:نقليو البصل في شوية زيت مع التوابل والملح نزيدو اللحم حتى يتقلى مليح
ونحطو مقدار ملعقة اكل ماء وهذا حسب كمية البصل ونغلقو الكوكوط حتى يطيب
نقطعو البطاطا ونقليوها فالزيت
كي يطيب اللحم افتحي الغطاء وحطي البطاطا حتى تتشبع بالنكهة حوالي عشر دقايق برك
ويقدم ساخنا
شهية طيبة

يعطيها الصحة ماماك و ربي يحفظهالكم

طبق يشهي
يعطيها الصحة الوالدة
موالفة نديرهذا الطبق بصح نحطو في الفرن