كما ان المكان يلعب دورا كبيرا في جودة القمح كما يلعب دورا اساسيا في منتوج القمح طبعا مع العوامل الخارجية المساعدة كالرطوبة والمطر والحرارة وغيرها .
…
السلام عليكم ..
كيف الحال يا جيراننا .. شنو أخباركم :mmm:
أول حاجة ياريت تقبلوني عضو معاكم .. وان شاء الله أول مشاركة ليا في المنتدى تعجبكم ..
وحبيت أول مشاركات ليا في المنتدى تكون بالتعريف شوية عن ليبيا .. بحكم زي ما أنتو تعرفو أن ما عندناش إعلام للأسف زي تونس والجزائر والمغرب .. لكن الله يرحم اللي اخترع الانترنت اللي خلانا نقدرو نوصلو من غير جميل الإعلام المحلي:P
أول مجموعة من الصور حتكون إن شاء الله من الجبل الأخضر .. واللي يقع في شمال شرق ليبيا … قريب من الحدود المصرية .. وصولا إلى بنغازي .. وان شاء الله حيكون فيه موضوع عن مدينة طرابلس ومدينة بنغازي ..
غير ما نبوش نكثرو عليكم عاد من اولها 😛
وان شاء الله تعجبكم الصور :
نبدا بسم الله
المنظر العام اللي تشوفه من منطقة الباكور في بداية الجبل الأخضر.. والباكور في اللغة العربية .. معناه المطر الغزير
نار التخييم .. واللي تحلى معاها الهدرزة
الطريق إلى راس الهلال
الصورة من وادي بالفو … أو المعروف براس الهلال
صورة الشلال من بعيد ورا الشجرة
شلال راس الهلال
مصب الشلال .. والمية فيه مثلجة .. وهدومة شباب لقيناهم غادي
(يتبع)
مناظر عامة للوادي
الشلال لما تشوفه من فوق
منظر لمدينة راس الهلال .. لما تشوفها وانت نازل من الوادي
مدينة شحات
منتجع مدينة شحات السياحي
محلات التذكاترات في المنتجع
مطعم الكهف .. وهو عبارة عن كهف طبيعي .. وتم تعديله بيش يبقى مطعم .. وبصراحة .. ما ينوصفش .. تشوفوه عالطبيعة خير
وهدا المنظر اللي تطل عليه شاليهات المنتجع
وهدا مقهى الكهف .. نفس فكرة المطعم .. والخدمات فيه ممتازة
والصورة هدي في طريق المرواح .. من منطقة مسّة
وتوا صور الغابة متاع شحات
هنا صاحبي جا يبي يرجع لأصله غراب ويطير .. غير في آخر لحظة انتبه لروحه
يتبع بإذن الله
صور لنبع أبولو وهو يمر في الوادي وما قدرتش نصوره كله من كثر الشجر والرقيات والنزلات
عصافير الحب
من وادي الكوف
يتبع بإذن الله
يتبع بإذن الله
صورة من فوق وادي الكوف .. أول ما تطلع من الوادي المنظر اللي يجي على ايدك اليمين
هدي في شهر 4 ا مع طلعة ورد اللوز
في مدينة شحات
من الجانب الجنوبي من وادي الكوف من فوق الجسر
في الطريق لسوسة وانت نازل من عند شحات
من وادي راس الهلال .. مافيش داعي نحكيلكم عالمكان .. لأنه من كثر ما حكيت قريب يضربوني
يتبع بإذن الله
وهدي من منطقة مسّــــة
وهدي مجموعة صور اضافية من منتجع قوس قزح في منطقى راس الهلال
في مدينة شحات قريب من المنظقة الأثرية
من أكثر الصور اللي تعز عليا
لأنها جاية مع شمس العشية والسيارة تجري …
وتقول مرسومة باليد .. بألوان الزيت
وادي الكوف من فوق الجسر .. الجانب الشمالي
مزرعة جنب منتجع قوس قزح
الصورة هدي من مدينة شحات
واحد من أجمل الأماكن فيها
المنظر هدا قريب من الحوش اللي في الصورة اللي فوق
يتبع بإذن الله
