بزاف لبنات لي طلبو عجينة النعمة لي هي الفطير او الرقاق في بعض المناطق
عملتها وحبيت نعتلكم الطريقة ان شاء الله تستفادو
طبعا العجينة تتكون من
دقيق رقيق ومن النوع الرفيع
ملح وماء
نبلو العجينة ونغلفوها في صاشي تع نايلون مشمخة بالما ونخلوها تترنخ
اولا تعجنيها باليابس حتى تترخف ومن بعد تبداي تبلي بالما وتعجني
كي تشوفيها تطوط ولا بدات تعمل فقاعات كيما في الصور وطرطق راهي تعجنت
نفرشو الزيت في بلاط لي حتحطي فيه ونديرو شوية زيت في يدينا باه ما يلصقش العجين ونعملو كويرات صغار ونغطوها بالنايلون وفوطة هاك باه ما يدخلش الهواء وتتقشر
ونخلوها تركح شي ساعة او ساعة ونصف باه نقدرو نتحكمو فيها
نبداو نطيبو لما نبداو نقرصو نبداو من الحواشي برك والوسط راه يتكسل وحدو
نفرشو الزيت في حاجة رطبة انا عملتها في صينية ونبداو نقرصو بعدما نقرصوها شوية نبداو نكسلوها بشوي
ومن بعد انت وشطارتك باه تلوحيها في الطاجين طبعا تع حديد 
وهاهي طابت وتشوفي يدك موراها 
وتفوريها وتفتيها وديرلها مرقة تع جاج او لحم
وهنا تعملي منها سمنيات للقهوة
اناعملت الله اعلم 6 او 7 في بعضهم كل ما طيب وحدة نحطها في اختها ونطبقها ونعاود نرجعها طيب
وهنا درت فيهم العسل الحر
ان شاء الله تعجبكم
ولا تنسوني من صالح دعائكم
يعطيك الصحة حرة ما شاء الله عليك ربي يبارك فيك
اهىء اهىء
بصحتكم يا لحبيبة والف الف شكر على الطريقة
ومن يديك معندي مانقول الله يعطيك الصحة
بصح حنا مانفوروهش
بارك الله فيك
بصحتك انا نمووووووووووووت عليها
ويعطيك الصحة
|
