اليوم جبتلكم
كيكة الفانيلا دوق رهيب ومنعش صدقوني منعشة انشاء الله تعجبكم
كنت شفتها في احد المنتديات وجربتها وجبتلكم تستفادو معايا
نجوزو
بالنسة للمقادير
احتجت
5بيضات
كاس حليب
كاس زيت
كاس سكر
2 خميرة الحلوى
سكر فانيلا
قشور القارص
ياغورت بنكهة الفانيلا او الموز
مسحوق الكريمة بنكهة الفاني وهادا هو شكله
2 كيسان فرينة
بخلاط كهربائي نمزج السوائل مع السكر
نضيف البيض
نضيف السكر فانيليا
نضيف مسحوق الكريمة
ونخلط الكل
ثم نضيف في الاخير الخميرة مع 2 كيسان فرينة
نمزج الكل جيدا
و نفرغه في مول الموسكوتشو مدهون بالزبدة والفرينة
والى الفرن
وهادا شكلها النهائي
وهنا من الداخل خفيفة وهشة ودوق واش نقوللكم اااااممممممم
ملاحظة
ادا حبيتو الكيكة بالفاني ديرو مسحوق الفاني وياغورت فاني مع قشور القارص
ادا حبيتوها بدوق الموز ديرو مسحوق الموز مع الياغورت موز وقشور القارص
اما ادا حبيتوها دوق شوكو ديرو دانيت ومسحوق الشوكو
و أكيدْ النكهة تخرجْ هــآيلة
هادي نجربوها تاني
اواه ام هادي غير ما تكليش نديرو الريجيم هههههه
هههه جاري التجريب ان شا ءالله
خلاص وليتي ميمي ملكة التطبيقات خخخخ
وصفاتك ماشاء الله
هايلة
يعطيك الصحة
