الوسم: الشُــفْلـورْ

طريقة التحضير:

نغلي حبة الشفلور في ماء وملح ونحط قطعة خبز باش تتمص الرائحة (نصيحة ام ندوش )
ممبعدا نصفوه ونخليوه يبرد
نجيب 3 حبات بيض+معدنوش+ملح+فلفل اسود ممبعد نضيف 2 ملاعق كبار ماء
نحط الشفلور بالقطعة ونقليه شويا بارك
ممبعدا نغلي الدجاج ونفتوو ونقليه في شويا زبدة مع ملح وفلفل وبابريكا حلوة
ونقلي 2حبات بطاطا بارك ونخليه بجيهة (تقدروا تغلوا البطاطا تاني تجي شابة مي انا نحب كلش مقلي خخخخخ )

ممبعدا نجيب الصينية
نحط البطاطا تحتا ممبعدا الشفلور و الدجاج آخر شيئ
حضرت البيشاميل ديالي وضفت معاها فروماج بارميزان
خليتها شويا جارياا ماشي عاقدة بزااف
وغطيت بيها من فوقا
وزدت حطيت كية الفروماج المتبقية
ودخلتها للفور