السلام عليكم اليوم
جبتلكو وصفة العرايش بالعجينة السحرية والله جربتها وخرجت هايلةونخليكم
المقادير
– ملاحظة بالنسبة للعبر انت واش حبيتي على حسب الكمية اللي راكي حابة تتحصلي عليها انا هنا كيلت بفنجان قهوة متوسط و اعطتني كمية معتبرة من الحلوى الاهم المكيال يكون متساوي في المواد السائلة بحيث ندي
– عبر سمن ذائب و دافي
– عبر زيت
– عبر حليب عادي بدرجة حرارة الغرفة
– رشة ملح
– م.ص عطر ماء الزهر و اذا لم يتوفر ندير م.ص بودرة لفاني انا استعملت هذه الاخيرة
– فرينة حسب الطلب
– عملت حلوى التشارك المغبر او المرمد و لك الاختيار تحبي تعملي عرايش او كعيكعات او تشاراك العريان انت و ذوقك
الطريقة
– في اناء ندير السمن+ زيت+ حليب و نخلط الكل بيدنا من بعد نضيف رشة الملح + لفاني او عطر ماء الزهر و نخلط من بعد نبدا نضيف الفرينة بالتدريج بلا مانعجن أي نضيف ونخلط بشكل دائري حتى تتلم العجينة و تولي طرية
– نديرها في كيس بلاستيكي و من الاحسن نخليها ترتاح في الثلاجة 15د انا خليتها ساعتان
– نحضر الحشو و هنا ايضا لك الاختيار انا استعملت الكاوكاو في العقدة نقدر نعوضوه بحشوة اللوز او الغرس
– من بعد على طاولة العمل نشكل كويرات متساية و نحل العجينة بشكل دائري او مستطيل ونشكل هلال باش نتحصل على شكل التشاراك
– نديرها في صينية غير مدهونة و ندخلها في فرن يكون ساخن من قبل و نخليها طيب حتى تدي اللون الذهبي
– كي تبرد الحلوى نغطسها في كمية من ماء الزهر المخلوط مع م.ك من السكر رطب نقطرها مليح و مباشرة نرمدها في السكر رطب
في الاخير نعاود نرش كمية من السكر رطب على حبات التشاراك و تقدم بالصحة و الراحة
وتقدري تدري بيها االعرايش
منقول وادعولي معاكم
بارك الله فيك اختي الزهرة الوحيدة على الوصفة الاكثر من رائعة ننتظر جديدك غاليتي
