حبيت نتناقشو عليه وانشوفو كل واحد يفضل مراتو تخدم ولا لا والمراه اتفضل تقعد في الدار بعد الزواج ولا لا
انا وحده من الناس راني قاعده في الدار لاني اعارض خدمه المرا بعد الزواج ومحبيتش انكمل الخدمه كي اتزوجت حسيتها كاني حاقره روحي في الحق انا مرا ومملكتي هي داري والراجل دبر راسو يجيبلي باش انعيش مهيش مسؤوليتي باش انعاونو
ومتقولوليش بلي لازم الوحده اتعاون راجلها حت راهي قاعده في الدار واتجيب في الولاد هذيك راهي خدمه اكثر من هو الي يخدم فيها
…..ولا عندكم راي اخر خاوتي يلا اتفاعلو وقولولي بلاك راني غالطه انشوووف:001_wub:
راني غير قاعده نستنا في فارس الاحلام هههههههه
بالصح الحمد لله راني عايشه في خير خيري الحاجه الي خاصتنى غير ربي يجمعني باهلي برك على خير ان شاء الله
شوفي ختي نعطيك رايي صراحة ..كاين بزاف يتقربو من النسا كي يعودو خدامات و بعد الزواج يقولولهم يريحو في الدار ..رغم ان شرطهم كان النهار لول يقعدو يخدمو …
بخصوص الخدمة انا انسان غيور .. ومنحبش مرتي تخرج و تتحكك بالرجال في اي بلاصة .. واكيد خدمتها الحقيقية في الدار .. بصح اذا كانت في مجال التعليم نورمال .. معنديش مشكل .. التعليم و بس
كل واحد وضروفو .. مافيها والو كي المرا تعاون الراجل .. بصح اذا كان محتاج
حبيت نضيف حاجة هي موقع السكنة ..كاينين ولايات النسا يخرجو فيهم نورمال ..مثلا العاصمة ..تلقاي النسا برا كثر من الرجال .. و مش عليهم خناق يعني .. ومكانش لي قاعد غير يعس فيهم ..بصح كاني بلايص خرى وولايات ..تخرج فيها اي مرا تلقاي الغاشي كامل يتبع فيها و ياكل فيها بعينيه .. وكيفاش الراجل راح يعطيه قلبو و يتهنى و المرا راهي برى و وولاد الكلب حاشاك قاعدين غير يتفرجو فيهم و هذيك هي خدمتهم ..التفراج والقيل و القال ..
هذ الساعة مش علابالي الوضعية كيفاش .. ونهار نلقى بنت الحلال .. ان شاء الله يلحقني ربي باش نسترها خير من تخرج .. ..
تفكرت حاجة ثاني لي حبو ربي يركب مرتو في طوموبيل و يوصلها ..ماشي تحشر في الكار و كامل يتلقاو بيها و يتحرشو بيها … و اللي ماقدرش ..هذاك ربي يكون في عونو ..
