الوسم: الثآنية:

اقتباس المشاركة الأصلية كتبت بواسطة ملكًة الاحسآس مرحبــآ بيكـ اختي only me في العدد الثآني عشر من الموضوع منورآتنــآ أول سؤآل / مآطبيعة شعركـ ( دهني ، عادي ، جاف )

وبيك مرحبا غاليتي

آسفة على التاخر لم أنتبه للتنبيه ههه

بالنسبة لسؤالك

شعري عادي لأني كي ندوشو ونشفو نحسو جاف لكن يوم يومين نحسو دهني تبالي راه عادي

اقتباس المشاركة الأصلية كتبت بواسطة 12snv0007 اهلا بك اختي هل شعرك مصبوغ ام طبيعي ماهي التسريحة التي تستعملين في البيت و في الخارج

مرحبا بيك أختي

بالنسبة لشعري طبيعي جامي صبغتو

وبالنسبة للتسريحة أكيد التسريحات المعروفة عندنا " الكوجيفار هههه ولا نطلعو ونشطو بلاتاش "

بالنسبة للخارج ندير خمار لكن في الأعراس نطلقو ومرات نبدع فيه تريحة خفيفة باش مايقلقنيش

اقتباس المشاركة الأصلية كتبت بواسطة نور الايمان 34 غاليتي only me فـآآآتي مرحبآآآ بيك وعندي سؤال .. شعرك طويل ولا قصير واذا عانيتو منو واش هي الحلول لي عالجتيه بيها وشكرا

أهلا بالغالية

بالنسبة للشعر قصيييييييييييييييير

والمعاناة مانحكيلكش ، شعري مكثر وكيما قلت لملكة الاحساس ساعة جاف ساعة دهني يعني ماعرفتش خلاص نعالجو

وبالنسبة للحل راني مكافحاتو برك بالغسيل ومانكثرلوش السشوار يعني في الصيف هذا كل يوم نغسلو ونخليه ينشف وحدو

شكرا هاذيك حسيتك تقدمي في النشرة هههههههه

اقتباس السلآآم عليــكم رجعتلكـ من جديد قوليلي كي كنتي صغيرة كفآه كنتي تديري شعركـ ؟؟

وعليكم السلام

أهلا بيك في كل وقت

ماتفكرينيش في الصغر ،، كان شعري طويل وكانت ماما ديما تظفرولي ولا تشدلي نص وتطلقلي نص يخرج باهي

اقتباس انا تاني رجعتلك هل تستخدمين حمامات الزيت لشعر؟ ما هي؟ هل شعرك يتساقط و هل حاولت ان تعالجيه؟ وكيف؟سمحيلي طولت عليك بالاسئلة

اهلا وسهلا حبيبتي
لا مانستعملهمش حبيبتي ،، واحد الوقت استعملت زيت دابر أملا مي حبستو
بالنسبة للتساقط ، شعري يطيح بزاااف مي هاذا مااعتبرتوش مشكل لأنو شعري مكثر وانا ماذا بيا يطيح ههه
لكن كي نشوفو مضرور نبدل الشومبوا

يعطيكم الصحة حبيباتي على المرور

اقتباس المشاركة الأصلية كتبت بواسطة ملكًة الاحسآس أختي 12snv0007 شكرآ على قبولكـ الدعوة منورآتنــآ أول سؤآل : مآطبيعة شعركـ ( دهني ، عآدي أو جآف ) ؟ جآوبي ولي عودة

السلام عليكم شكرا على الدعوة طبيعة شعري دهني

اقتباس المشاركة الأصلية كتبت بواسطة ملكًة الاحسآس صبآح الخير جآبلي ربي البنآت مآزآلو مآفآقوش بيكـ رآكي هنآ قوليلي وآش هو الشآمبو الي موآلفة تستعمليه ؟؟ أسكو تستعملي زيوت خآصة لشعركـ ؟؟

صباح الخير واقيلا انا الشامبو الي موالفة نستعملو هو شامبو venus

اما بالنسبة للزيوت انا استعمل زيت نيفلين كون شعري يتساقط و لا يطول بسرعة

اقتباس المشاركة الأصلية كتبت بواسطة ساندريلا زماني اسكو شعرك تديريلو الصبغة ولا بلونو الطبيعي واش نوع الصبغة لي تستعملي وادا متستعمليش واش من لون يعجبك تاع صبغة ونوع

شعري طبيعي لونه شتان فونسي لا استعمل صبغات و افضل لون الشتان كلار لوريال

اقتباس المشاركة الأصلية كتبت بواسطة tistissa dj-tissou شعرك زيتي؟؟ واش اديريلو

نعم شعري دهني اغسله من 2 الى 3 مرات في الاسبوع و ديفوا ندير قطرات من عصير الليمون او الخل بالليمون عند غسله