التصنيف: ركن الحمل والولادة

مشكورة على الموضوع ولدلك من المهم خلال الحمل قراءة القرآن كثيرا لانه يمنحنا راحة وطمأنينة ما يعود على جنينا

السلام عليكم و رحمة الله و بركاته انا اخر دورة كانت يوم 17 ماي اخذت كلوميد من ثالث ايام الدورة مدة 5 ايام و اليوم 14 اخذت ابرة التفجير اوفتريل 250 مكروغرام مع العلم اني اخذتها تقريبا 4 مرات قبل وما حصل حمل لكن المرات اللي اخذتها قبل كانت تظهر اعراض بعد الابرة الم اسفل البطن مع غازات وانتفاخات شديدة اما المرة هاذي انا اخذتها بعد ما اخذت حبوب منع الحمل ديان لمدة4 شهور لتخفيف التكيسات و لما اخذت الابرة لم احس باي اعراض ابدا انا اليوم 11 من اخذت الابرة وماكنت حاسة بشي بس اليوم احس بالم مثل الم الدورة و افرازات بيضاء وبعض النغزات في حلمة الصدر ارجو منكن افادتي هل ممكن اكون حملت هاذي المرة من صارلها مثلي و حملت؟؟ارجوكم افيدوني و لا تنسوني من خالص الدعاااء
انا متزوجة من ثلاث سنوات و نصف عندي تكيس بالمبايض حملت بعد السنة الاولى من الزواج بعد الابرة التفجيرية لكن للاسف نزل الحمل بعد شهرين

انا اليوم السادس بعد الديفستون و الدورة لم تاتي

خايفة تكون البويضة تحولت الى الكيس لان الطبيبة خوفتني وقالتلي حجمها 27
بنات نشرب اعشاب باه تنزل الدورة

يا بنات راني نستنا في الردود

ما جربتيش تاست تاع الحمل ممكن تكوني حامل

لا ما جربتش عندي روطار نهار واحد و بزايد انا ماعنديش امل نحمل هدا اشهر لان حجم البويضة كان كبير علابالي حاجة ماهي صعيبة على ربي مي راني خايفة توليلي كيس

اولا لازمك تسيي التاست من موراها حساب النتيجة تشوفي ادا تشؤبي الاعشاب و لا لا لا

شكرا الدورة نزلت مي خفيفة مش كيما موالفا
زعما ولا عندي كيس ..ربي يستر
اليوم رحت عملت تحليل هرمون الحليب وغدوة النتيجة ربي يسهلي ويكون نزل باه نبدا علاج جديد عند دكتورة جديدة

ربي يشافيك حنونة وان شاء الله يرزقك الذرية الصالحة
شكراااااا

شكرا جزيلا

السلام عليكم و رحمة الله و بركاته…انا الان في اليوم 21 من النفاس و الخيوط لم تذهب بعد ..اريد ان اسال هل هذا عادي ام اذهب الي الطبيبة لتنزعهم و انا خائفة من هذا الامر ام اصبر عليهم ارجوا ان تفيدونني جزاكم الله الف خير و اي نصائح تعرفونها حول النفاس فارجوا ان لا تبخلوا عليا بها.و شكرا

اولا مبروك عليك المولود الجديد

يا اختي كاين زوج انواع من الخيوط, كاينين اللي يذبلو و يطيحو وحدهم و كاينين اللي الطبيب اللي لازم ينحيحهم
انتي puisque الطبيب نتاعك مقال لكش بلي تعاودي ترجعي عندو باش انحيهمca veut dire راهم رايحين ايطيحو وحدهم, صبري برك عليهم و سورتو عسي روحك من les infections
انا عندي قريب شهرين ملي ولدت و طبيب قال لي بلي خيوطي يطيحو و صح مبعد 15 يوم طاحو كامل

و متنسايش غسلي بالماء و الملح و نشفي مليح في كل خظرة
الملح يعاون بزاف , حطي تقريبا ملعقة كبيرة في 1لتر ماء

الف شكر ليك عزيزتي و مبروك عليك انتي ثاني ان شاء الله يتربي في عزك

السلام اولا مبروك عليك تانيا الخيوط يطيحو وحدهم انا قاتلي طبيبة ارواحي و مارحتش خفت بصح غادي نعطيك طريقة شوفي ديري زيت زيتون في لا بوند تاعك اكرمك الله حتى تلقايهم يطيحو و ادعيلي

مبروك عليك أخيّة ولاالخياطة داروهالكavec un fil resorbable ولا avec un fil non resorbable لا زم تروحي وهوما يناحيوهولك

اللي تعرف شئ عن هذه الحبوب ما تبخل

لا اظن انها نافعة لا تغامري بنفسك

جامي سمعت بيها
زيد كلشي بيد ربي

شكرا على الرد

شربتها ثاني ايام الدورة لخمسة ايام وتابعت بقية العلاج لكن الحمد لله على كل حال لم يقدر الله لي الانجاب هذا الشهر

شكرا لكم على الردود

انا شربتها قريب عام و الان انا حامل بجنين واحد يعني لا دخل لها في التوائم من جهتي و كذلك كل شيئ مكتوب و مقدر

صح اختي reine27 كل شئ مكتوب ربي وانشاء الله ربي يرزق كامل اللي ما عندهمش دراري

انا استعملت حبوب كلوميد في 7اشهر من زواجي ورزقني الله بتوأم كل عائلة زوجي قالوا من كلوميد لكن نحن في عائلتنا عندنا من أنجب بتوأم وأختي 12 سنة لم تنجب بفضل الله أنجبت بعد الرقية وحبوب كلوميد اذا كنت صغيرة السن استعمليها وان كنت فوق 33 فلا داعي والله هو الموفق وهو الرزاق الفتاح

صباح الخير أخواتي

تقبلوني عضوة جديدة بينكم
اردت أن أعرف رأي كل من استعملت حقنة الايبيدورال لأجل الولادة بدون ألم ,على حسب تجربتها
أرجوا افادتي بتجاربكم ، لأني قرأت الكثير عنها لكني أريد التأكد من تطبيقها في الجزائر

شكرا أختي على النصيحة
الله يقدر اللي فيه الخير انشاءالله

اهلا اختي

ان شا اءلله يعاونوك لبنات

ينقل للركن المناسب

اختي الكريمة ربي يكمل حملك و يعطيك وقفة ساهلة
انا جربت الابرة بصح ماشي في الجزائر و ياريتني ماجربتها
زادتلي الالم و جاتني الولادة اصعب و الالام بعد الولادة اكثر من لي قبل
من رايي ماتعمليهاش و ربي يسهلك من عندو
سلامي اختي

يا اختي واش انقولك حسب تجربتي حتى انا سقسيت عليها بزاف قبل ولادتي و كامل قالولي الولادة الطبيعية خير و اصبري وووو قلت خلاص مانديرهاش و كي جا وقت الصح عييت صبرت مي ما قدرتش شوفي انت قدرة التحمل نتاعك انا من 3تاع الصباح و انا بالوجع كي لحقت الواحدة تاع النهار خلاص وليت كاو ماقدرتش قلتلهم داروهالي واش نقولك وحد الراحة رحمة ربي حتى ل6تاع لعشية باش ولدت ما حسيت والو استمتعت بالولادة تشوفي وليدك ولا بنتك تخرج قدامك و انت تضحكي ماشي كي تكوني بالوجع تولي تسناي غير يخرج و تتهناي المهم انا درتها و نعاودها ان شاء الله وندمت لي ما درتهاش من اللول و ربي يسهلك ان شاء الله و يعطيك وقفة سهلة (للعلم انا درتها في الخارج مش في الجزائر) و اذا عندك سؤال راني هنا نجاوبك

مشكورة أختي ام الحلوين على صراحتك
أنا ماخممتش فيها الا لأني عانيت بزاااااااااف في ولادتي السابقة
والأخت لينا 67 ، شكرا على اهتمامك ،حبيت برك نسقسيك وقت خروج البيبي اذا قدرتي تدفعي ولا الطبيب خدم كل شيء

لالا اختي تدفعي نورمال كي تجي الزحمة تقولي ساج فام ادفعي و كي تروح تقولي خلاص هوما يشوفوها في لاباراي كي تجي الزحمة وولدت عادي مادارولي حتى حدايد ومادارولي والو

يعطيك الصحة اختي على الاجابة وربي يباركلك في اولادك

اختي انا تاني عانيت في الولادة الاولى و ماعملتهاش و في الولادة الثانية وصلت للموحال و قالولي البيبي رايح يضيع منك و انا كنت في حالة لا يرثى لها و زوجي قبل نديرها ( يعني درتها متاخرة زادتلي الالام و الولادة صعيبة و خرجولي البيبي بالحدايد يعني عذااااااااب )و هاذ المرة كتب الله ولدت بدوووووووووون اي شيء توجعت في الدار و رحت للسبيطار بقيت 5 دقايق و زاد البيبي و الحمد لله على كل شيء
الله يسهلك اختي

بسم الله الرحمن الرحيم

هذي مجموعة من الادعية على كل حامل ان تداوم عليها

"ربِّ إني نذرت لك ما في بطني محرَّرًا فتقبل مني إنك أنت السميع العليم".

– "ربِّ هبْ لي من لدنك ذريةً طيبةً إنك سميع الدعاء".

– "ربِّ لا تذرني فردًا وأنت خير الوارثين".

– "ربِّ هَبْ لِي مِن لَّدُنْكَ وَلِيًّا، يَرِثُنِي وَيَرِثُ من دعوة الإسلام، واجعله رَبِّ رَضِيًّا".

– "اللهم ارزقني صبيًّا حَنَانًا مِّن لَّدُنّك وَزَكَاةً، وَاجعله ربِّ تَقيًّا، وَبَرًّا بِوَالِدَيْهِ، وَلا تجعله جَبَّارًا عَصِيًّا، واجعله اللهم يأخُذ الْكِتَابَ بِقُوَّةٍ، وَآته اللهم الحكْم صَبِيًّا".

– "ربِّ َهَب لَي غُلامًا زَكِيًّا، واجعله اللهم مُبَارَكًا أَيْنَ ما كان، وأعِنه على الصلاة وَالزَّكَاةِ مَا دام حَيًّا، وَبَرًّا بِوَالِدَيه وَلا تَجْعَلْه جَبَّارًا شَقِيًّا"

– "اللهم اكتب له طولَ العمر، وحُسنَ العمل، وسعة الرزق، وسعادة الدارين".

– "اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة".

– "اللهم إني أستودعك جنيني الذي في رحمي، أنت الذي لا تضيع ودائعك يا الله".

– "اللهم احفظ جنيني واحْمِه، وامسكه أن يسقط، وأتم حمله على خير".

– "اللهم يا من أمسكت السماء أن تقع على الأرض وهي بلا عمد، أمسك ما في رحمي، وأتمم له على خير".

– "اللهم صوِّره في أحسن صورة ونجِّه من كل تشويه ومرض".

– "اللهم يسِّر حملَه وولادتَه ورضاعتَه وتربيتَه، واجعله مطيعًا لربه، بارًّا بوالديه، متعاونًا مع إخوته، نافعًا لأمته، ذخراً للإسلام والمسلمين".

– "ربنا هبْ لنا من أزواجنا وذرياتنا قرة أعين واجعلنا للمتقين إمامًا".

– ومن أفضل الأمور التي يجب أن تتحصَّن بها الحامل وتحرص عليها في كل حياتها: أذكار الصباح والمساء، فإن فيها نفعًا كبيرًا، وخيرًا عميمًا، وعونًا في أمرَي الدنيا والدين.

اللهم صل على محمد وعلى آل محمد

اللهم ان كنت قدرت جنينا في بطني اسألك ان تجعله سليما معافي من كل عاهة وبلاء

وان تجعله في احسن صورة

واجعله من عبادك الصالحين

اللهم انبته نباتا حسنا

واجعله من حفظة كتابك بيمينك ورحمتك وعفوك يالله

اللهم استودعك هذا الجنين فحسن خلقه واخلاقه يارب العالمين

اللهم يسر وسهل حمله و ولادته

اللهم اني اسئلك هون الطلق وحسن الخلق

اللهم أعيذ ما في رحمي بكلماتك التامة من كل شيطان وهامه ومن كل عين لامه

اللهم اسألك أن تحفظه وتجعله معافى كامل الخلقة دون زيادة أو نقصان"

"اللهم يسِّر حملَه وولادتَه ورضاعتَه وتربيتَه، واجعله مطيعًا لربه، بارًّا بوالديه، متعاونًا مع إخوته، نافعًا لأمته، ذخراً للإسلام والمسلمين"

"اللهم اكتب له طولَ العمر، وحُسنَ العمل، وسعة الرزق، وسعادة الدارين"


"اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة"

"اللهم إني أستودعك جنيني الذي في رحمي، أنت الذي لا تضيع ودائعك يا الله"


"اللهم يا من أمسكت السماء أن تقع على الأرض وهي بلا عمد، أمسك ما في رحمي، وأتمم له على خير"

"اللهم صوِّره في أحسن صورة ونجِّه من كل تشويه ومرض"

"ربنا هبْ لنا من أزواجنا وذرياتنا قرة أعين واجعلنا للمتقين إمامًا"

اللهم آمين

اسال الله العظيم ان يحفظ كل جنين في بطن والدته وتثبته لها يارب العالمين وتجعله معافي سليما من كل زيادة ونقصان وتتم حمله يارب وتسهل ولادته ومخرجه يارب

دعواتكن لي

امين يا رب العلمين جزاك الله الجنة اختى الكريمة

اللهم امين

بارك الله فيك على هذا الطرح الرائع
والموضوع المفيد
اتمنى ان يستفيد منه الجميع
بانتظار جديدك

موضوع في غاية الروعة جزاك الله كل خير

السلام عليكم ورحمة الله تعالى وبركاته

شوفو حبيباتي انا عضوة جديدة في هدا المنتدى لكن في نفس الوقت عضورة قديمة في مندى اخر يهدف نفس الموضوع تاخر الانجاب

سبب تسجيلي في هدا المنتدى هو مساعدة بنات بلادي وكذلك بنات ااخواتي في الله

نرجع للمهم قبل ان اعطي الدواء يجب ان اعرف الداء

العمر

مدة الدورة

طول مدتها

منتظمة

متلخبطة

استعمال اي دواء لتنظيم الدورة

استعمال اي منشط للمبيضين

مشاكل في الجهاز التناسلي

حبيباتي كل هدا يجب معرفته قبل البدء في العلاج

اناء الله راح تستفيدن من مساعدتي لن وترزقن عن قريب العاجل

انافي انتظار تفاعلكن و الدخول لطرح اجوبتكن عن اسئلتي

لاتنسي هداالدعاء ربي لاتذرني فردا وانت خير الوارثين

عمر 35 انسداد الانبيب

السلام عليكم أنا متزوجة منذ عام وسبعة أشهر لم أحمل إلى الآن

العمر 24 سنة

مدة الدورة : كانت تأتيني كل 30 يوم ومنذ شهرين أصبحت كل 40 يوم

طول مدتها : 5 أيام

متلخبطة

استعملت أدوية لتنظيم الدورة قبل الزواج لكن بعد الزواج لم أستعمل

استعملت الكلوميد لتنشيط المبيض ولم أحمل

لدي لخبطة في الهورمونات *الاستروجين ناقص *

مع العلم أن الدورة اجتني آخر مرة منذ 28 أوت ولم تأتيني إلى الآن ولم أقم بأي تحليل الحمل لأنه ليست لدي أي أعراض .
أرجو المساعدة

السلام عليكم..
الرجاء من السيدات لي عندها خبرة تساعدني.
قرب موعد ولادتي….اواخر هذ الشهر…
ماهي الاشياء اللي لازم تكون في حقيبتي يوم ذهابي للمستشفى؟؟؟؟
شكرا مسبقا….
سلااااااااام

بسيطة كوش بيبي ملابس الطفل قماطة ليباند ليك كبار لانجات ملابس لك راكي عارفة بلا مانقول لك وربي يوفقك واي سؤال اسئلي فانا في هدا المجال باين اول ولادة لك ديري الكوراج والي قالوه لك ديريه ديريه عاونيهم ماتغبنيهمش هكدا باش تزيدي بسهولة

ربي يسهلها عليك شوفي جيبي كوش بيبي و2 قماطات جيبي لي خشان تاع الشتاء بوني للبيبي تريكو2 وزاورة وحوايجك وحطي حوايج البيبي في ساشي ولا في سك صغير وجديهم وحدهم باش يجيوك ساهلين كي تجبديهم====== ما تخافيش كامل فوتناها كوراج برك ok

مشكورين اخواتي الكريمات.
صحيح هي اول ولادة ليا.وماني عارفة واااللوووو
تذكروني بدعواتكم.والمزيد من النصائح جزاكم الله عني خيراااا
سلاااام

ربي يقدرك ان شاء الله

ربي يسهلك ولادتك

وإن شاء الله يكون البيبي بصحتو

وشخصيا راني حابة نجهز للبيبي بصح مرانيش عارفة منين نبدا

شريت فقط الملابس الداخلية للبيبي والسرابت بكل الأحجام وماما راهي تخيط في الكوات وليزور والجرايات ديالو

أنا ولادتي إن شاء الله في جويلية

نديرلو البوني ولالا؟

واش نلبسلو كي نخرجو من المستشفى خصوصا أنو موسم الحر معرفتش واش لازم يلبسولو