نحتاج الى سردين مغسول ومنقي من الشوك ومنزوع العظم :o_o:بعد ما تغسليه نقعيه في الليمون
كنت نقليه من قبل ثم نحطو مع لاصوص ولكن يجي اكثر لذة بدون قلي اي تضعيه يطيب مباشرة في الصوص وعلى نار دليلة
نحتاج الى فلفل اللي متوفر عندك مقطع بالطول وان كان مشوي افضل ونحتاج البصل مقطع بالطول
طماطم ان توفرت حب خير مقطعة مربعات صغار او عصير الطماطم بعد ما تمرقيهم بكاس ماء اضيفي التوابل والقصبر والمعدنوس وعند التقديم عصير الليمون
توابل + ملح +كمون وزعتر فلفل اسود وقصبر ومعدنوس وعصير ليمون
ارز ابيض طايب في الماء وقليل من الملح يصفى ويترك جانبا
للحشوة :
فرماج اي نوع نتاع الميزان او مثلثات وكمون وثوم مرحي وقصبر ومعدنوس امزجيهم جيدا
بعد ما تحشي السردين مرغيه في الفرينة وحكميه بالاعواد باش يحكم روحو وعند التقليب على الجهة الاخرى انزعي الاعواد
البقية بالصور
https://
https://
https://
https://
https://
https://
https://
https://
اتمنى تعجبكم تحياتي الخالصة
لا تنسوني دعوة خير تكفيني
adwalk:
بالصح للاسف عندي حساسية من الحوت والسردين
بارك الله فيك
سلام
اتحفتينا كيما العادة ربي يعطيك ماتتمناي ويحققلك كل مبتغاك ويحفظك انت وعائلتك
حبيت نسقسيك كي تخلصي الحشو
تقلي السردين وتحطيه في المرق يطيب ولا تطيبيه ديراكت ؟
بصح الفرماج مع السردين جاتني شوية بيزار هههه خفت من البرص
|
الله يحفظك اختي وخصارة حبيبتي عندك حساسية الله يشافيك
|
انت الاروع حبيبتي وبارك الله فيك على الدعوة وربي يجازيك بالمثل
|
الله يعافيك وينورك حبيبتي سندريلا ويخليك
السردين تقدري تقليه وتحطيه في الصوص او تضعيه مباشرة في الصوص يكمل طيابو
|
الله يخليك حبيبتي ندى وربي يجازيك
اما عن الفرماج مع السردين راها صحية اختي وما تخافيش من البرص عفانا واياكم منه
لان جميع الاسماك لا تأكل باللبن فقط لأن اللبن فيه حموضة تحدث تفاعل في الجسم مع السمك
فانتبهي يوم تاكلي السمك لا تشربي اللبن فيه
|
يعطيك الصحة على المعلومات القيمة
بارك الله فيك