اليوم جيت ندير موضوع عندي مدّة مآ درتش أشغآل يدوية وكوم رآني في فترة
نقآهة ومآ لآزمش نخرج من الدآر قلقت ومآ لقيتش وآش ندير ألوغ مدّيت يدي
شوية وخرجت بنتيجة مآ عليهآش أونفآن خير من مآكآنش 
—
هذآ وعآء تآع يآووغت كي كملتو قلت مآ نطيشوش نكسبو في حآجة خلآف خير
ألوغ بديت الشـغل اليدوي تآعي … :
1 – جبت اللوآزم: وعآء اليآووغت + قمآش ( وآحد إيلآستيكي ووآحد لآ )
+ خيط للخيآطة + مقص + قلم حبر ينصآب بآش تحكمي القيآسآت …
2 – نفصل القمآش على قيس الوعآء بعد مآ نعبّيو المقآييس تآعو ونخيطو والعملية
هذي نديروهآ للقمآشين …
3 – يكون عندنآ deux pochettes للوعآء نزيدو نخيطوهم مع بعض بالطريقة
لي تبينهآ الصورة …
4 – وترجع عندنآ قطعة وحدة نلبسوهآ للوعآء تآعنآ …
5 – بآش نغطيو الشوآئب لي تجي في أسفل الوعآء نجيبو ورق مُقوّى نرسموآ عليه
الدآئرة تآع أسفل الوعآء ونقصوهآ ( أنآ مآ عنديش ورق مقوّى ألوغ كثرت الدوآئر ) ونزيدو نقصو دآئرة أخرى بالقمآش تآعنآ بآش نغلفوآ الورق بيهآ
6 – أنآ في حآلتي بمآ أني استخدمت أكثر من دآئرة بآش تجي صلبة حكمت دآئرة
وحدة خيطت عليهآ الدآئرة القمآشية والثلآتة لي بقآو لصقتهم لبعضآهم رجعوآ
عندي غير زوج دوآئــر …
7 – وبعدهآ نلصق الدآئرة المغلفة بالقمآش فوق الدآئرة الورقية وترجع عندنآ دآئرة وحدة
8 – وبعدهآ نحطوآ الدآئرة تآعنآ في أسفل الوعآء نغطيوآ بيهآ الشوآئب
7 – وبعدهآ نكونوآ كملنآ الوعآء تآعنآ ونزينوه بالطريقة لي نحبوآ وكآنت النتيجة
تآعي بالطريقة هـــذي …
—
وفي اللخر نقوللكم نتمنّى يعجبكم العمل هذآ …
في انتظآر ردودكــن .،،
mais y3tik saha mawdou3 chbab bzzf
الله يبارك غبت شوي لقيتك دايرة حالة ياشريرة
عجبني الشغل اليدوي
بسيط مي في نفس الوقت شيك
لمسات سحرية ساحرة
ابداع ملوش حدود
وانتي من بكري هادي هوايتك
يعطيك الصحة
:br avo01::bravo 01: :br avo01::bravo 01: :br avo01::bravo 01: :br avo01::bravo 01: غير ليسبيسياليست و الي عندهم الفن اليدوي
نقولك شااابو 
ومش مجاملة فعلا كان عمل متقن
تسلم الايدي
|
مغسي عالمرور يعطيك الصـحة … سلآمي ’
|
التقرية ولآ العسّة تفشّل …
شتّي الإبدآع ههههه درتو بالعآنـي وغآضتني روحي
بعد يحسبوني نتبع كل يوم في الكرنفآل هذآك هههه
وأنآ نتفكرو من الكونجي للكونجـي …
إلى هنآ وانتهى الأمـر …
مغسي عالمرور حبوبة وسلآمي ’
|
o_0
|
يعطيك الصحة عالمرور
… سلآمي ’