محبي الشورما هنا من مطبخي دائما 2024.

علابالي بلي كامل كي نخرجو نحوسو نحبو ناكلو الشاورما بصح انا جبتلكم اليوم شورما منزلي يعني مشي اذل خرجنا باش نستمتعو بواش نحبو
مقادير الخبز
3 ونص كيسان تع فرينة ربع كاس سكر ربع كاس زبدة ربع كاس زيت ملعقة بيكن باودر 2 ملاعق خميرة الخبز بيكن باودر هي خميرة القاطو وملعقة ملح ورونيهم بكاس ماء ومن بعد طلقيهم بنص كاس ماء وخليها تخمر لمدة نصف ساعة
من بعد خسريلها الطلوع وديريها اقراص وخليها تخمر 20 د
من بعد حليها برولو حتى تولي رقيقة
من بعد ديريها طيب في الطاجين على نار متوسطة
من بعد نحيها وغطيها باش ماتيبسش

الان الحشو
خدي صدور الدجاج قطعيها طوليا مع شحم الكلوى من بعد دريهم في المقلى مع زيت الزيتون وشوية رند وملح
حضري الصوص
تتكون من ملعقة طماطم مصبرة ملعقة صغيرة عصير ليمون ملعقة صغيرة خل ملح قصبر يابس ومطحون وعلبة ياغورت طبيعي وقليل من البهارات
عندما تنضج الجاج ديري عليها الصوص وخليها تنشف من الماء من بعد دريها في الخبز وهو سخون باش يترولا كي يبرد يبدا مقرمش ويتكسر كي نروليه وديري شوية بصل مقطع رقيق والقليل من المايوناز
يقدم مع سلطة او فريت
وشهية طيبة

يعطيك الصحة

نجربها ان شاء الله و نردلك الخبر

يعطيك الصحة على الطريقة
ينقل الى
وصفات السندويشات والمعجنات والمخبوزات الحصرية والمجربة

شكرا بنت السلطان على المرور العطر في انتظار تطبيقك
ههههههه حكيك دائما متواجدة لي اعادة التوجيه شكرا حبيبتي على تصحيح مساري جزاك الله الف خير

يعطيك الصحة تبان هايلة ….نمووووت عليها

اممممممممممممممممم يعطيك الصحة

يعطيك الصحة يا الشاطرة يسلمووووو